《愛回家》女神李芷晴Elaine素顏樣流出!葉蒨文爆笑上演「女神降臨」情節
廣告
《愛‧回家之開心速遞》 新一集講到女神李芷晴Elaine有素顏樣流出!近期李芷晴在真人騷《女神配對計劃》人氣強勁,在《愛回家》 同樣有爆笑演出!
女神李芷晴Elaine有素顏樣流出
艾頓壯(焦浩軒)同成班朋友一齊去度假屋staycation,夜晚唔小心見到佢女神Elaine(李芷晴)嘅素顏真面目,同化妝後完全唔係同一個人,女神嘅化妝技巧根本係喬裝級數!

其中一幕Elaine同一班朋友Candy(葉蒨文飾)、Bonnie(林凱恩飾)、Venus(鄺潔楹飾)研究一個偵測少年/中學時期素顏Apps時,大家輪流試玩,當Elaine體驗之後,大家都對Elaine以前「素顏」嚇一跳,Candy即刻解圍:「真係女大十八變」,Bonnie都表示:「每個人都有黑歷史啦!」

爆笑上演「女神降臨」情節!
艾頓壯睇完Elaine素顏後,自己不禁幻想女神中學時期因外貌受盡欺凌,葉蒨文入型入格扮巴渣妹,網友不禁笑指劇情似足韓劇《女神降臨》(女主角因長相被嫌棄遭同學欺負),網民留言:「Sophie 姐同芷晴姐一齊出鏡」、「有女神降臨feel」、「愛回家版女神降臨?」


經過一番誤會,Elaine同大家解釋當日係食太多小龍蝦致皮膚敏感,亦向艾頓壯展現「真素顏」一面!

李芷晴IG分享:Elaine是一個醜女孩,你們還會依舊喜歡她嗎?
李芷晴在IG分享拍攝花絮:「若果Elaine是一個醜女孩,你們還會依舊喜歡她嗎?依集應該係轉妝轉得最多次嘅一集😆你地最鍾意邊個造型?」

將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
圖片來源:TVB、IG@step_bystep