愛回家
愛回家

愛回家|屢次影射姜濤事件 「蔥頭私追」劇情係緊貼時事定神預言?

影視娛樂

廣告

日前姜濤的筲箕灣住所被意外曝光後,「私追飯」的行為確實為姜濤帶來嚴重騷擾,唔單止經理人花姐要出面制止之外,連姜濤自己都頂唔順要出IG限時動態去求粉絲們給自己多一點空間。出名「緊貼時事」嘅《愛回家》認真有料,繼早前話神預言「倉鼠」劇情之後,姜濤私追新聞隔咗唔夠一個星期,第1484集就播出「蔥頭私追」劇情,真係有冇咁橋先?

文:東方新地|圖:《愛回家之開心速遞》截圖、姜濤IG

愛回家 蔥頭住隔離,係開心定可悲?
蔥頭住隔離,係開心定可悲?(圖片來源:《愛回家之開心速遞》截圖)
愛回家 熊尚善滕麗名 飾)一出𨋢就見到一班「私追飯」。
熊尚善(滕麗名 飾)一出電梯就見到一班「私生飯」。(圖片來源:《愛回家之開心速遞》截圖)

蔥頭粉絲惹不便

第1484集嘅劇情就講到,蔥頭(丘梓謙飾)打算搬出嚟自己住,結果經介紹之下入住熊尚善正對面屋,原本是蔥頭頭號粉絲的她原本都因為有很多機會見到蔥頭兼且可以朝夕相見而大感興奮,令另一位頭號粉絲大小姐(林淑敏 飾)非常羨慕。不過由於蔥頭嘅地址意外曝光,唔單止招惹嚟一班「私追」日日企屋企門外等偶像,就連保安、清潔工人都轉咗由蔥頭粉絲擔任,而記者為咗追訪蔥頭連航拍都出動埋,生活嚴重受影響之下,熊尚善欲出租自己的單位,結果都係一班主婦出重租爭住要!

愛回家 日日被私追圍,仲好冇禮貌添。
日日被私追圍,仲好冇禮貌添。(圖片來源:《愛回家之開心速遞》截圖)
愛回家 一開窗就有航拍機𥄫到實。
一開窗就有航拍機𥄫到實。(圖片來源:《愛回家之開心速遞》截圖)
愛回家 連出門口倒垃圾都要撞到呢班私追。
連出門口倒垃圾都要撞到呢班私追。(圖片來源:《愛回家之開心速遞》截圖)

即刻重溫《愛回家》「私追」劇情:

相關文章:MIRROR IG小編寸爆鏡粉 花姐跪低代道歉:都係我嘅責任

愛回家 姜濤在限時動態請求大家真的給他一點空間。
姜濤在限時動態請求大家真的給他一點空間。(圖片來源:[email protected]_show)

《愛回家》曾多次跟姜濤劇本

其實「蔥頭」早於2021年5月已現身《愛回家》於第1236集,雖然TVB一直都沒有明示,但不少觀眾都視他為惡搞版「姜濤」,唔止打扮相像,就連角色設定、背景、行為、小動作等都不難找到姜濤的影子。而除了今次「私追」之外,其實喺早大概一個星期左右,《愛回家之開心速遞》第1474集嘅故事都提及過蔥頭因為吸金力太強,令到其經理人公司當正他搖錢樹使到盡成個人殘晒,仲有個Mean爆嘅「蔡姐」(區靄玲 飾)走埋出嚟。除咗蔡姐嗰一Part,單計「蔥頭殘晒」就已經令不少網民聯想到去年9月日姜濤在出席公開活動時暈倒的一幕,當時佢嘅經理人花姐都有出嚟解釋過姜濤嘅情況。所以話,《愛回家》真係跟得好貼呀!繼早兩日即播「倉鼠」主題之後,又嚟成功抽到姜濤嘅水,堅呀!

愛回家 呢個葱頭勁驚嚇。
呢個蔥頭勁驚嚇。(圖片來源:《愛回家之開心速遞》截圖)

相關文章:愛回家|姜濤變蔥頭未算爆 區靄玲化身「無良蔡姐」Mean過真花姐

愛回家 蔡姐現身!
蔡姐現身!(圖片來源:《愛回家之開心速遞》截圖)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

圖片來源:《愛回家之開心速遞》截圖、姜濤IG

最新吃喝玩樂資訊