張致恆 雯雯
張致恆 雯雯

張致恒老婆雯雯 再單方面嗌離婚 稱已過底線 網民唔信

影視娛樂

廣告

張致恆同老婆區燕雯(雯雯)於2019年奉子成婚,結婚至今已育有3名兒子,分別是3歲的大仔天寶、兩歲的二仔天牧,以及出世只有個多月的細仔天朗,組成了一家五口的幸福家庭。不過夫婦間多次都傳出離婚的傳言,而今日,雯雯又想離婚啦!

張致恆完美演繹「死性不改」老婆又要離婚啦!

今年10月雯雯被發現unfollow老公IG,更將她IG上所有關於張致恆的照片都刪去,當時再次惹來婚變傳聞。事後雯雯表示:「佢都唔玩IG,我IG淨係Follow咗我嘅家人。」又謂:「想專注返三個仔同埋三隻狗,唔想再咁多話題。」。

張致恆 雯雯 張致恆
(圖片來源:IG@stevencheung)

今次離婚唔係「玩女人」

不過去到今日(12月7日),老婆雯雯又再次於IG Story上放負,話今次真係去到「極限」,疑似係終於頂唔順死性不改的老公張致恆,即將做得離婚的舉動!而在Story中又提及今次限致恆唔係衰「出面有第二個」同「玩女人」,而係單單性格不合。

張致恆 雯雯 張致恆
(圖片來源:IG@stevencheung)

雯雯全篇聲明(已加鄺俊宇式標點符號):

可以當我精神有問題,
可以當我做新聞,
可以當我思覺失調。
但我可以好肯定咁講,
己經到咗我極限,
全部野巳經到咗我底線。
唔需要估,
唔係玩女人,
唔係又有第二個,
好簡單,
性格,溝通唔到,容忍唔到。
我自己係單親成長,
以為努力堅持死撐,我嘅小朋友就可以完整成長,但原來真係勉強唔到。
每日對住原來可以咁攰。
宜家,安排一切,2023年,一定會可以做返自己,有好嘅開始。
大家,最喜歡,話我抵死,揀錯人,
唔試過,又點知 結果。

張致恆 雯雯 張致恆
(圖片來源:IG@ugly__mama)

雯雯:這樣已經足夠 輕鬆哂。

之後雯雯再於IG上傳一張照片,當中只有她跟子女的合照,而Steven就缺席其中。她於caption處寫道:「這樣已經足夠 輕鬆哂。」,似乎今次真係的起心肝要離婚!

張致恆 雯雯 張致恆
(圖片來源:IG@ugly__mama)

網民當正狼來了

對於今次好似真係會離婚,網民都猜測到兩人未來的走向,估計在離婚前可能會再孕育新生命,然後又再次不離婚。對於兩人的離婚傳聞已經多次傳出,網民都紛紛當其傳聞「狼來了」咁看待,仲認為兩人唔應該離婚,因為大家是最適合彼此的。

張致恆 雯雯 張致恆
(圖片來源:IG@ugly__mama)

Steven & 雯雯時間線:

2019年7月-傳出Steven搞大粉絲雯雯 已誕一子
2019年8月-Steven受千夫所指 雯雯發文撐未婚夫
2019年9月-二人簽紙結婚
2019年10月-Steven陷財政危機 酒店炒散做廚
2019年11月-雯雯首度暗示情變
2020年6月-雯雯再誕一子
2020年7月-雯雯讚Steven係好爸爸
2021年11月-雯雯IG提及關係結束 再惹婚變傳聞
2022年1月-Steven𠱁老婆一家郊遊 雯雯回心轉意
2022年2月-Steven雯雯宣布再懷第三胎
2022年6月-雯雯誕第三子
2022年7月-Steven又想結紮又想追個女

2022年12月-雯雯發表終極離婚宣言

張致恆Steven老婆雯雯宣布離婚 重溫張生史詩式戀愛史

張致恆戀愛經驗豐富,而早年他被爆出踏入多角關係之後,就與雯雯結婚。不過昨日雯雯於Instagram上宣佈單方面離婚,更指:「分開不代表完結,只是讓大家過好的。」。今次筆者帶大家睇一睇張致恆的豐富戀愛經驗。

2001年與黃榕拍拖

同為model的張致恆與黃榕早在01年已經撻著,兩人拍拖1年就已經分手結束。不過身為「情天大聖」的張致恆細細個就養成了戀愛達人兼時間管理大師的能力,被女方大爆在拍拖期間都不斷認識女性,所以才忍痛分手。

張致恆 雯雯 黃榕與張致恆於2001年已拍拖。
黃榕與張致恆於2001年已拍拖。(圖片來源:Instagram@glorianawong)

2004年「姊弟戀」上傅珮嘉

張致恆在出道的第二年就被傳出戀上大佢6歲的傅珮嘉,兩人愛得高調而令公司要勒令張致恆將戀愛改為地下情。最後兩人於2006年分手,其原因同樣都係張致恆被爆與一名女網友Fiona傳情慾短訊。而女網友更時不時會上Steven屋企發生關係,果然係時間管理大師!

張致恆 雯雯 仲要大過張生6歲!
仲要大過張生6歲!(圖片來源:Instagram@fufuamulet)

2007年愛上黑肉鍾舒漫

2007年加盟英皇娛樂的鍾舒漫,與同公司的張致恆日久生情,而開始戀愛。雖然公司有下令禁止旗下藝人拍拖,不過兩人都當耳邊風繼續戀愛。又係直到張致恆搭上另一𡃁模孫旗後而分手。孫旗就指Steven將其初夜奪去,更加在奪去之後就「拍拍囉柚就走人」。

張致恆 雯雯 07年愛上同公司鍾舒漫。
07年愛上同公司鍾舒漫。(圖片來源:Instagram@chungshersher)

2014年莊端兒(現名:莊韻澄)

於公園被影到兩人談心的經過,張致恆更拍晒心口話示對方為結婚對象。去到2016年張致恆的確有向莊端兒求婚,而對方亦欣然接受。可惜最後張致恆再被爆背住對方與台妹Doris約會,被似偷食,最後又再分手收場。之後張致恆更喊晒口咁同兩對受害者道歉,話自己唔想,要怪就怪佢「小弟弟」。

張致恆 雯雯 之後愛上莊端兒。
之後愛上莊端兒。(圖片來源:Instagram@xeniachong)

2017年玩過界愛上梁皓恩

張致恆再次將情史寫在自己的戰績簿上,今次玩過界戀上舞台劇演員兼模特兒的梁皓恩,又再指自己會示對方係結婚對象。然而張致恆就在2019年公開婚訊,不過其對象竟然變成女Fans雯雯,消息一出令到全城都「黑人問號」,唔講以為梁皓恩亦易容術。而梁皓恩都大受打擊。

張致恆 雯雯 愛過界愛上梁皓恩。
愛過界愛上梁皓恩。(圖片來源:IG@stevencheung)
張致恆 雯雯 結婚對象最後又轉咗人..
結婚對象最後又轉咗人..(圖片來源:IG@stevencheung)

2019年雯雯

雖然受到多方面嘅打擊,但係張致恆冇停低腳步,今次與雯雯看似可以幸福美滿走落去,點知兩年就多次被對方「單方面離婚」。兩人的感情生活看似美滿,但冇人知「情天大聖」張致恆係咪又玩偷食呢招被發現?

張致恆 雯雯 同雯雯好似幾Sweet
同雯雯好似幾Sweet(圖片來源:IG@ugly__mama )
張致恆 雯雯 不過最後都難逃...
不過最後都難逃…(圖片來源:IG@stevencheung)
張致恆 雯雯 又離婚了。
又離婚了。(圖片來源:IG@ugly__mama)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地(部份內容轉載自New Monday)圖片來源:IG資料或影片來源:原文刊於NewMonday