張振朗楊偲泳情侶泳褲放閃 前度陳芷尤性感水著贈㷫

原文刊於《東方新地》

近日忙於為《反黑路人甲》宣傳的張振朗，亦不忘爭取時間陪女友去滑水。雖然分開出po但螢光情侶泳褲襯到絕!

經常一齊出海滑水

33歲張振朗去年撻著有「翻版陳姸希」之稱，現年26歲的ViuTV小花楊偲泳，不過礙於兩人在不同電視台工作，唔想防礙事業，兩人亦協議低調戀情，不過，近日楊偲泳已簽約古天樂旗下，兩人亦不用再收收埋埋，近期經常一齊出海滑水的兩人，就同日在IG放相放閃，大晒螢光情侶泳褲晒恩愛！

先以白色滑水衣上陣

其實早幾日，Renci率先po出多段以白色滑水衣上陣嘅滑水片段，又喺船上擺甫士騷腿，點知冇耐張振朗就接力，晒出著上藍黑色潛水衣配螢光泳褲嘅獨照，見到男友出po後，Renci亦隨即再「加碼」晒出另一輯滑水靚相，今次仲換上另一套黑色潛水衣配螢光泳褲，同男友襯到絕，實行以情侶裝「放閃」。

前度33C咪神陳芷尤晒料贈㷫

不過，張振朗同新歡晒恩愛同時，呢日前度33C咪神陳芷尤亦嚟晒一晒贈㷫，芷尤約埋女友人出動到泳池玩水，「咪咪」大解放，佢喺社交網上載多張靚相，見佢化身美人魚，披上魚尾喺泳池中暢泳，泳姿相當優美喺水底穿梭，不過最大亮點，當然係佢以比堅尼上陣，大晒爆乳上圍啦！

唔夠一年結新歡

除咗現任女友楊偲泳，張振朗入行後只承認與藝人陳芷尤有過一段情，可惜拍拖五年最終兩人因追求目標不一而分手，張振朗更表示分手後花了不少時間才能治癒情傷，不過唔夠一年，去年初便於朋友聚會上認識楊偲泳，兩人更一拍即合，拍拖不久已打得火熱，更經常接女友收工，隨即令戀情曝光。更難得係新歡舊愛 同樣有勁爆上圍，可見張振朗口味如一。