28歲張天賦目標搵夠1億退休遭狂嘲自爆驚「脫粉」拍拖唔敢公開

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 17 2025

28歲張天賦（MC）2019年參與《全民造星2》，奪得亞軍嘅佢隨後於2021年正式出道，並在四五年間火速成為樂壇新星，人氣強勁。早前MC接受訪問時，就大方重提曾經歷人生低谷嘅時期，更大爆目標35歲賺1億退休，兼透露現時對戀愛嘅睇法……

MC目標35歲賺夠1億退休

MC目前在音樂事業名利雙收，入行短短2年更已踏足紅館舉行個唱。不過MC就坦言入行初期曾感到迷失，經歷唔少磨練先明路向。早前曾盛傳收百萬酬勞於婚宴上獻唱嘅佢仲大爆目標35歲搵到1億退休，希望可以為將來嘅家庭負責任。而對於身價嘅問題，MC就笑稱由公司決定，亦直言對外界認為佢值百萬酬勞感開心，兼透露現時已經賺到第一桶金。

張天賦 mc MC於2023年舉辦首次紅館個唱，人氣十分強勁。（圖片來源：ig@mcheung1201） — MC於2023年舉辦首次紅館個唱，人氣十分強勁。（圖片來源：ig@mcheung1201）

張天賦 mc MC於2023年打入福布斯「亞洲30位30歲以下精英榜」，除咗係首次有香港男藝人打入榜單外，更係香港唯一代表！（圖片來源：Forbes圖片） — MC於2023年打入福布斯「亞洲30位30歲以下精英榜」，除咗係首次有香港男藝人打入榜單外，更係香港唯一代表！（圖片來源：Forbes圖片）

張天賦 mc MC於2021年正式出道，名利雙收嘅佢更於各大頒獎禮上獲獎無數，早前舉辦嘅《第46屆十大中文金曲》中，MC就一舉奪得最優秀流行歌手大獎、優秀流行歌手大獎，及歌曲《說謊者》獲十大中文金曲獎。（圖片來源：ig@mcheung1201） — MC於2021年正式出道，名利雙收嘅佢更於各大頒獎禮上獲獎無數，早前舉辦嘅《第46屆十大中文金曲》中，MC就一舉奪得最優秀流行歌手大獎、優秀流行歌手大獎，及歌曲《說謊者》獲十大中文金曲獎。（圖片來源：ig@mcheung1201）

網民狂嘲MC要搵夠3億先退休

對於MC表示目標搵夠1億退休，唔少網民就重提MC早前被傳於澳門一晚賭輸30萬嘅事件：「一億唔夠㗎三億啦」、「好賭的他，賺一億恐怕唔夠退休。」、「咪玩啦，戒賭再講啦」、「搵夠1億就退休。話比大家知為咗錢而唱歌，而唔係熱愛唱歌而唱。歌聲有浸錢味，即刻投入唔到」、「一晚冇30萬一億夠唔夠畀？」、「你賭少啲，1億對你易過借火，記住玩女都唔好使大錢。」

張天賦 mc 早前香港YouTuber渾水（黃兆祺）以「男歌手爛賭一晚輸30萬」為題發佈影片，與港撲克玩家協會創始人Stephen Lai對談期間，Stephen大爆某位知名香港男歌手在一局啤牌賭博中輸30多萬，隨後被唔少網民猜測該男歌手就係MC。（圖片來源：IG@muddydirtywater） — 早前香港YouTuber渾水（黃兆祺）以「男歌手爛賭一晚輸30萬」為題發佈影片，與港撲克玩家協會創始人Stephen Lai對談期間，Stephen大爆某位知名香港男歌手在一局啤牌賭博中輸30多萬，隨後被唔少網民猜測該男歌手就係MC。（圖片來源：IG@muddydirtywater）

張天賦 mc MC隨後於金像獎紅地毯接受訪問時亦大方認該男歌手就係自己：「唔好聽聞啦，佢擺明話我。我私下係有同朋友玩，不過數目一定無講到咁大。（交幾多學費？）呢啲嘢好似打麻雀咁，有來有往，如果得往我就唔會玩，娛樂性質咁玩，但我唔介意人哋話我玩得差。」（圖片來源：youtube@Viu1 HK） — MC隨後於金像獎紅地毯接受訪問時亦大方認該男歌手就係自己：「唔好聽聞啦，佢擺明話我。我私下係有同朋友玩，不過數目一定無講到咁大。（交幾多學費？）呢啲嘢好似打麻雀咁，有來有往，如果得往我就唔會玩，娛樂性質咁玩，但我唔介意人哋話我玩得差。」（圖片來源：youtube@Viu1 HK）

MC認驚「脫粉」拍拖唔敢公開

MC入行4年間曾連環與MV女主角鍾卓穎（Ash），以及陳映影（Santis）傳緋聞，一度被網民封為「超市KOL」嘅MC就表示目前工作繁忙，冇時間拍拖之餘亦被媽媽投訴忽略咗佢。MC直言目前對感情「落緊閘」，更以「買唔到隻錶，望吓就算囉」作比喻，但亦認在fans與愛情之間有掙扎，擔心惹「脫粉潮」嘅MC就表示若遇到心儀對象會發展地下情，不過就要搵到平衡先會公開。