張國榮
張國榮

哥哥逝世16年 回顧張國榮激罕型英帥圖輯!

影視娛樂

廣告

2003年4月1日,愚人節當日,哥哥張國榮跳樓自殺身亡,享年46歲,震驚全球。多少年了,不知多少歌迷仍難以接受,仍希望哥哥離世一事只是愚人節的一個玩笑……今年係哥哥逝世16周年,今次為大家搜羅一批哥哥早年罕見圖片,藉此懷念呢位一代亞洲巨星嘅昔日風采!

原文:東方新地|圖片:東方新地|編輯:新假期

哥哥張國榮逝世16年

16年前的4月1日,哥哥張國榮選擇在香港文華東方酒店結束短暫的一生,事隔16載,張國榮的同性好友唐鶴德(唐唐) 和過去一樣,於網上表達對哥哥的思念,佢上載早年與哥哥到歐洲遊玩的合照,並引用哥哥〈風繼續吹〉歌詞:「過去多少快樂記憶,何妨與你一起去追。」

回顧張國榮激罕型英帥圖輯

|1977年 奪業餘亞軍

1977年,原名張發宗嘅張國榮參加麗的電視 (亞視前身)《亞洲業餘歌手大賽》,憑〈American Pie〉一曲奪香港區亞軍後簽約麗的正式出道作歌視發展,而冠軍就係鍾偉強 (左)。

|1979年 激罕家居照

一張激罕嘅張國榮家居生活圖片,相中坐地下嘅哥哥話喺屋企最佳嘅消遣係聽歌同唱歌,而 佢手持嘅黑膠唱碟係菲律賓女歌星Helen Gamboa翻唱大碟《 Bunny Chanel 2 》。

|1981年 露點晒嫩肉

呢兩張罕見張國榮露點相, 哥哥一身嫩肉纏上白麻繩好似玩緊扯大纜咁,展現man爆一面。

|1983年 投無綫即紅

82年張國榮滿約麗的,翌年隨恩師黎小田轉投無綫同旗下嘅華星唱片推出第二 張粵語唱片《風繼續吹》,圍頸巾接受官方刊物專訪,令人即時諗隻碟嘅封面造型。

|1985年 孖曼玉拍劇

84年張國榮憑一曲〈Monica〉紅爆全港,大碟勁賣四白金奠定樂壇巨星地位,翌年孖張曼玉演劇集《武林世家》,兩人古裝扮相型英帥靚正,直頭靚爆鏡。

|1986年 勁舞standup

張國榮慢歌柔情、快歌夠勁,舞步尤其精彩, 86年大碟《 Stand Up 》同名主打歌唱到街知巷聞,著住踢死兔都跳得咁有型有格,相信就只有哥哥。

|1987年 罕見四眼look

哥哥除咗黑超一向甚少戴眼鏡示人,呢次罕見咁戴咗副粗黑框眼鏡, 加埋超大頭,醒目又搶眼絕對靚到嘔。

|1988年 舉三指發誓

呢張某電視偶像刊物海報相中,張國榮舉起三隻手指好似發誓咁款,唔知係向一生摯愛唐鶴德定fans立誓。

|1989年 純影集再版

88年哥哥推出寫真集《 張國榮純影集 》,發行一萬本火速售罄,89年9月哥哥突然宣布封咪退出樂壇,本寫真集換封面再版,呢張封底相哥哥笑住咬手指,魅力沒法止。

|1990年 夢幻式合照

90年王家衛執導以六十年代初為背景嘅經典電影《阿飛正傳》,雲集張國榮、劉德華、梁朝偉、張曼玉、劉嘉玲、張學友六大頂級巨星夢幻共演,宣傳會上雖然獨欠學友,但無損呢張五大 巨星合照嘅珍貴度。

搞笑扮鬼臉

張國榮至型至靚仔圖片多如繁星,但 呢張扮鬼臉嘅相就極之罕有,盡顯哥哥鬼馬搞笑嘅一面。

即時回顧:

張國榮自爆人生最遺憾3件事

1989年時,哥哥曾經在ATV節目《今夜不設防》中,跟3位主持黃霑﹑倪匡﹑蔡瀾,道出他在娛樂圈的三大憾事。

第一件事係關於「勁歌頒獎禮」同埋羅文,哥哥話佢同羅文其實好老友,就算羅文嬲佢,佢都要講出嚟,因為佢覺得上得嚟節目要講就應該真誠唔保留咁講真說話!

(1) 勁歌金曲頒獎禮

在勁歌金曲頒獎之前一個星期便通知了歌手們出席,而當時是張國榮好友的羅文因為只有一首歌得獎而感到不滿,甚至考慮不出席頒獎禮。

雖然那時候《風繼續吹》幾紅,但張國榮並未得到獎項,他說自己早就知道無獎拎但還是選擇出席頒獎禮。而主持們就話覺得《風繼續吹》首歌幾好聽,哥哥就話聽聞首歌係排11定12位,所以無獎。

而那天的巨星羅文,在台上意氣風發地唱歌,但其實羅文心中是不滿意結果的。

這個時候他就突然覺得自己很渺小,坐在台下的哥哥甚至哭了出來,他說他並不是覺得委屈,而是覺得,為什麼羅文能有這樣一個機會得獎卻不珍惜、不知足,自己想得獎卻得不到。

(2) 被觀眾噓

麗的電視台曾在沙田舉行一個公開的大show,同行的表演者還有蔡楓華。

而張國榮也是演出者之一,然而哥哥當年的衣著打扮可能比較前衛出眾,別人都西裝打tie的時候,他試過穿著一件背心牛仔褲就現身,可能因此而未被大眾受落。

再加上當時哥哥因為拍劇而剃光頭,台下觀眾竟然不只一次大聲噓佢,除了一出場已經發出噓聲。哥哥一唱完首快歌,拋了頭上頂帽子下台,再有大批觀眾噓佢。

之後他望到有頂帽咁熟口面向台上飛返轉頭,原來頂帽竟被觀眾連帶噓聲扔回台上。哥哥話那個時候,真的好hurt好hurt!

(3) 勁歌金曲又被噓:「被人噓得最勁嘅一次!」

哥哥回想起來那年的勁歌,譁詠麟因為去了澳洲沒有出席,那一年哥哥只有一首歌得到獎項,同時《有誰共鳴》得到最佳歌曲獎。

「我張國榮企出嚟就係表演嘅保證!」

哥哥有點激動地話,自己受少少酬勞唱一些好歌,主要都係想娛樂大家,每次表現他都出盡力做到最好:「我張國榮企出嚟就係表演嘅保證!」

而那時候張國榮其實已經有一群歌迷了,實力也是大家有目共睹的,因此偶像被罵,歌迷更生氣,竟引起了台下歌迷罵戰。

當時的媒體就話歌迷互罵,但其實哥哥話很理解fans為何會出口維護,事關都係對方開始惹事為先。

哥哥最後也說道,其實他有兩個解決辦法,要麼忍氣吞聲,來日方長靠自己證明一切。

要麼就出口罵飽對方之後不再做這一行,不過他後來想清楚,無人可以趕絕他,他就算真的不再做這一行,也是要光榮地、自己自願離開,而不是避開,可見他的骨氣和智慧。

主持們最後都叫哥哥不要把這些事放在心上,哥哥又話自己識諗,所以才會在這行打滾這麼多年。

不幸的是哥哥最後也是因抑鬱症而離開大家,像他如此熱愛自己工作的一個人,遇到了以上的三件憾事,可想而知當時也受了不少委屈。

一班網民看到這段節目,都有很大迴響,感嘆當年的巨星其實都係花了很大努力,甚至受過不少委屈而成功,直情係身經百戰!

當然,節目其實除了哥哥,還有超班主持們黃霑﹑倪匡﹑蔡瀾都很搶鏡!

大家還留意到他們一邊吸煙一邊做節目,對現今的觀眾來說係幾新奇嘅!

也有很多人懷念哥哥,讚哥哥真係好靚仔又可愛!

哥哥張國榮不經不覺逝世16年,雖然哥哥已離開大家好多年,但相信大家仍好掛住佢!因此,精選哥哥十首必聽金曲,讓大家懷緬哥哥悅耳動人歌聲!

必聽哥哥張國榮十首金曲

1.〈American Pie〉

當年哥哥入行參賽歌曲,必聽!

2.〈風繼續吹〉

充滿哀愁之作,尤其歌詞「風繼續吹 不忍遠離」,哥哥…..miss you so much!

3.〈Monica〉

一夜爆紅之作,依家睇番都覺得哥哥型到爆!

4.〈有誰共嗚〉

當年《勁歌》年度金曲獎係絕對有代表性,而哥哥憑此名曲奪金曲獎,奠定佢樂壇巨星地位!

5.〈風再起時〉

1989年哥哥宣布告別樂壇,於演唱會上獻唱〈風再起時〉向大家say goodbye,在場所有人依依不捨爆喊!

6.〈追〉

哥哥教識大家,當追名逐利同時,有否想過能夠搵到長相廝守另一半,先係最重要!

7.〈左右手〉

8.〈有心人〉

9.〈今生今世〉

「風裏笑着風裏唱 感激天意碰着你」,哥哥.. .多謝你帶俾我哋咁多咁好聽作品!

10.〈怪你過分美麗〉

怪你過分美麗!怪哥哥你太美麗,而你的離去,讓我們心碎,讓我們覺得世界失色不少!

 

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地