張可頤登視后、高海寧劇接劇!盤點落選港姐演藝發展成果

影視娛樂

廣告

落得場比賽,梗係想贏,但人生呢,往往不似預期。以下一班落選港姐們,有大熱倒灶、有三甲不入,咪一樣繼續喺娛樂圈發光發亮,正所謂條條大路通羅馬,一樣掂!

原文刊於《東方新地》

37歲黃智雯:星馬雙料視后

參選2007年度港姐並入圍最後五強,後入讀TVB藝訓班,由低做起,初期多演唔多起眼嘅路人角色,隨著經驗累積,開始備受力捧。其實自2011年至今,黃智雯已經係各大頒獎禮嘅「提名王」;2012年更憑《缺宅男女》、《巴不得媽媽》、《On Call 36小時》 和 《飛虎》 贏得奪得 「飛躍進步女藝員」,其後逐步攀上女主角之位,喺近年多部劇集如《降魔的》及《三個女人一個 「因」 》中演技精湛,更被封為 「民選視后」 ,並於2018年獲得星馬雙料視后殊榮。

張可頤登視后、高海寧劇接劇!盤點落選港姐演藝發展成果

51歲張可頤:落選港姐入行一年即被力捧

張可頤在上世紀八十年代赴英留學,放暑假返港時,被名導徐克、金牌經理人鍾珍發掘而加入娛樂圈,二十歲出頭已拍攝電影《英雄本色3》和客串TVB處境喜劇《卡拉屋企》。1994年參選港姐,大熱門卻不敵當屆冠軍譚小環,落選三甲後簽約TVB,入行一年即被力捧,從此一帆風順,成為收視保證︰《難兄難弟》《九五至尊》、《金枝慾孽》等多不勝數,成為一代當家花旦。03年更憑《九五至尊》呂四娘一角,打敗強勁對手佘詩曼、宣萱、郭可盈及陳慧珊,勇奪「我最喜愛的女主角」。

張可頤登視后、高海寧劇接劇!盤點落選港姐演藝發展成果

33歲湯洛雯:六強止步無阻發展

2012年網上報名參加港姐,由於父親湯鎮宗、叔叔湯鎮業同為演員,話題性高,令湯洛雯成為熱門,可惜六強止步。但仍獲無綫簽約成為藝員,參演多齣電視劇包括《愛•回家》、《完美叛侶》、《燦爛的外母》與《翻生武林》等等。2019年發生「安心偷食事件」,湯洛雯獲欽點接 替黃心穎重拍《法證先鋒IV》,其後於《一笑渡凡間》躋身「女一」之列,更同無綫筍盤馬國明撻著,不時高調放閃,人氣旺盛!

張可頤登視后、高海寧劇接劇!盤點落選港姐演藝發展成果

37歲趙希洛:「無綫御用癲婆」演技得認同

與黃智雯同樣於2007年參選港姐入行,由於趙希洛多次扮演變態人物、殺人犯,因此被網友笑指為「無綫御用癲婆」。去年係呢個癲婆嘅轉捩點,趙於《金宵大廈》單元故事《嬰》中,扮演憶子成狂嘅「何太」,眼神凌厲,又經常手起刀落,場面血淋淋,因而奪得《萬千星輝》「最佳女配角」。雖然有米父母一直反對女兒加入娛樂圈,但趙希洛如今劇接劇,前途一片光明。

張可頤登視后、高海寧劇接劇!盤點落選港姐演藝發展成果

28歲林凱恩:憑《愛•回家》Bonnie彈起

15年為母親圓夢而參選港姐,林凱恩只獲得友誼小姐獎。近年憑《愛•回
家之開心速遞》中 Bonnie一角成功彈起,之後曝光率大增,獲派演多部劇集如《她她她的少女時代》及《降魔的》等,演技逐漸受肯定。

張可頤登視后、高海寧劇接劇!盤點落選港姐演藝發展成果

43歲林淑敏:經典「大小姐」受網民支持

曾患上第二期乳癌並已康復嘅林淑敏,參加2000年港姐競選而入行,2010年至2013年密集式演出多套劇集,擅於揣摩太太、媽媽角色,包括《衝呀!瘦薪兵團》默默支持丈夫度過難關嘅「陳愛蓮」、《幸福摩天輪》愛女心切嘅「文婉嫺」以及《 On Call 36小時 II》唔願捐肝畀親子嘅「周夜虹」等。不過講到代表作,就一定係《愛•回家之開心速遞》,當中扮演霸氣大小姐「龍力蓮」深入民心,更因此而獲《萬千星輝》「最佳女配角」。

張可頤登視后、高海寧劇接劇!盤點落選港姐演藝發展成果

33歲高海寧:封胸靠演技獲重用

2008年港姐競選,冠、亞、季張舒雅、陳倩揚和馬賽現已各有去向,只有入圍最後五強嘅高 Ling仍然活躍於 TVB。模特兒出身、擁有34D導彈身材,高 Ling經常喺社交平台大派福利,亦多次被安排於劇集和綜藝節目中拋胸露肉。不過近年備受器重,獲派演出多齣重頭劇,更擔正女一,收起豐滿身材,話畀大家知佢並唔係花瓶囉!

張可頤登視后、高海寧劇接劇!盤點落選港姐演藝發展成果

50歲郭可盈:「四大花旦」之一

上世紀九十年代,《刑事偵緝檔案》系列大受歡迎,女主角郭可盈扮演
嘅記者 Jessie,跟陶大宇組成熒幕情侶,真係百看不厭。其實郭可盈係1993年港姐出身,大熱門卻三甲不入,其後加入 TVB拍劇,兩年後爆紅。短短數年間劇接劇人氣逐步攀升,2001年與宣萱、蔡少芬、陳慧珊被封為「四大花旦」,奠定當家花旦之位。

張可頤登視后、高海寧劇接劇!盤點落選港姐演藝發展成果

28歲張寶兒:擔任「是非精」嶄露頭角

參選2016年港姐入行,加入 TVB後翌年,因與袁偉豪拍拖而為人認識。之後喺《學是學非》中擔任「是非精」嶄露頭角,令佢喺主持範疇上有更大發展,成為《姊妹淘》台柱司儀。呢兩年亦多咗演出機會,參與重頭劇《溏心風暴3》、《鐵探》等劇集演出。

張可頤登視后、高海寧劇接劇!盤點落選港姐演藝發展成果

33歲麥美恩:傻大姐個性殺出血路

見到麥美恩,就一定想起《學是學非》,皆因佢已成功成為節目 icon。參選2011年港姐入行時,曾被傳媒冠以「龍躉村姑」之名,不過 Mayanne並冇介懷,並以傻大姐性格殺出條血路,向主播、司儀之路發展,從主持《學是學非》、《娛樂頭條》到擔任《萬眾同心公益金》、《歡樂滿東華》與港姐司儀,其口才與轉數之快,有目共睹。

張可頤登視后、高海寧劇接劇!盤點落選港姐演藝發展成果

34歲劉思希:高材生「年輕版廖安麗」

參加得香港小姐,唔少人學歷都有番咁上下。生於澳門嘅劉思希,曾赴美國西北大學、林肯大學修讀行政管理和工商管理雙學士課程,去年邊拍劇邊修讀科大全球排名第一嘅 EMBA課程,絕對係圈中高學歷港姐代表!2011年以「年輕版廖安麗」稱號參選港姐,雖然三甲不入,但仍不乏演出機會,《愛·回家之開心速遞》嘅洋洋、《巨輪 II》嘅琳琳,仲有去年喺《丫鬟大聯盟》中,佢唔理形象豁出去,扮演放蕩千金,成為話題之作!

張可頤登視后、高海寧劇接劇!盤點落選港姐演藝發展成果

31歲簡淑兒:甜美笑容成宅男女神

身高167cm ,參加2012年度港姐時,拍埋冠、亞、季軍張名雅、黃心穎、朱千雪身邊,簡淑兒真係好蝕。曾是女子音樂組合「少女標本」成員之一,2015年起步拍劇,喺處境劇《愛·回家之八時入席》裡飾演「袁冰冰」,憑一副鄰家女孩形象,又經常甜笑而成為一代宅男女神。

張可頤登視后、高海寧劇接劇!盤點落選港姐演藝發展成果

30歲陳婉衡:主持旅遊節目獲關注

曾參選2011年溫哥華華裔小姐,翌年回港參加港姐,之後於 TVB娛樂新聞台任職主播,擁有36E好身材嘅陳婉衡獲封「無綫咪神」。由於熱愛瑜伽、鋼管舞,又考獲健身教練牌照,好動性格獲派主持多個旅遊節目如《 3日2夜》、《 Go! Yama Girl》等,陳婉衡更在節目中大方展現震撼上圍和「蜜桃臀」。

張可頤登視后、高海寧劇接劇!盤點落選港姐演藝發展成果

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地