「狂野空姐」廖慧儀狠飛圈外男友Sam 被網友怒插「娛樂圈公廁」

原文刊於《東方新地》

廖慧儀傳與《#後生仔傾吓偈》孔德賢撻着

廖慧儀一向與男友Sam不時在IG放閃，表現恩愛。早前廖慧儀卻被傳與無綫節目《#後生仔傾吓偈》的孔德賢（Danny）撻着，Sam更一度嬲爆於IG上警告Danny不要再找自己的女朋友。廖慧儀當日接受訪問時只表示男友是飲醉酒，大家仍是男女朋友關係。可是日前Sam就突然於IG出post自爆被廖慧儀狠飛，更作出感情大控訴，他寫到：「同你一齊呢一年半，大大小小傷心嘅事我都陪你經歷過，喺你有低潮困難嘅時候，我從來冇離開過你身邊，而點會（解）你要咁樣對我，去報答我一年半對你嘅所有付出，我一直當你係一家人，點解要選擇因為一啲小問題而突然狠心離開我，係咪因為入咗娛樂圈，擴闊咗眼界，回頭看所有嘢覺得我甚麼都不是？」睇見都心酸！

廖慧儀被網友怒插：做娛樂圈公廁！

廖慧儀狠飛圈外男友Sam後，網友紛紛到廖慧儀IG力數她的不是，留言說：「做娛樂圈公廁！」、「你del相都del得幾快！」、「又繼續姣喇！」十分熱鬧。相反，被狠飛的圈外男友Sam有網民卻為他打氣加油，在他IG留言力撐：「綠帽唔怕帶，最緊要除得快。」、「加油，你搵個好過佢。」