富士山下
富士山下

MIRROR四子唱《富士山下》獲讚好聽過原唱陳奕迅 YouTube搜尋榜顯示咩結果

影視娛樂

廣告

陳奕迅Eason近日的紅館騷開鑼,成為全城熱話,連MIRROR去年翻唱其歌曲《富士山下》的一段影片都翻Hit,更有網民指上Google搜尋《富士山下》,第一個出來的結果係MIRROR,有鏡粉更大讚4位翻唱的MIRROR成員姜濤、Anson Lo(盧瀚霆)、Edan(呂爵安)及Jer(柳應廷),唱得好聽過原唱的Eason!

MIRROR四子翻唱《富士山下》獲讚「唱得最好」

近日有網民翻出MIRROR四位成員現身ViuTV節目《CHILL CLUB》,翻唱Eason歌曲《富士山下》時的片段,發現有大批鏡粉留言指:「我未聽過呢首歌,我再找原唱者聽,Sor不是偏心,但真係MIRROR 4人唱得最好(成日想recall mirror版聽)」、「我同你一樣啱啱先搵到原唱者係邊個,但係冇聽晒陳奕迅同埋李克勤唱完成首歌,因為佢哋唱到好悶,同埋唱到一啲感覺都冇!」引來網上一片爭議。

富士山下 MIRROR四位成員去年4月現身《CHILL CLUB》翻唱《富士山下》。
MIRROR四位成員去年4月現身《CHILL CLUB》翻唱《富士山下》。(圖片來源:YouTube@ViuTV)
富士山下 鏡粉都大讚四人唱得好聽過原唱Eason。
鏡粉都大讚四人唱得好聽過原唱Eason。(圖片來源:YouTube@ViuTV)

健吾評價:真心癲

有不少網民都批評這些鏡粉太誇張,更力撐原唱Eason才是唱得最好聽,紛紛留言指:「覺得個別鏡粉太誇張,過份咗,做多咗」、「就嚟連林子祥梅艷芳張學友都唔及 mirror 唱得好聽」、「佢哋d套路嚟架,見其他歌手唱功勁,就話mirror有感情,到其他歌手有唱功有感情,就話mirror把聲比較有辨識度,到其他歌手有唱功有感情有辨識度,唔好意思,mirror人品好又謙虛又勤力」連KOL健吾都有出po評價這班鏡粉「真心癲」。

富士山下 鏡粉的留言引來健吾出po。
鏡粉的留言引來健吾出po。(圖片來源:FB@健吾)
富士山下 不少網民指部份鏡粉「做多咗」。
不少網民指部份鏡粉「做多咗」。(圖片來源:網民留言截圖)

上Google搜尋第一位

有網民更發文說:「留意到Google搜尋《富士山下》第一個結果係MIRROR,係咪應該去信Google要求佢俾個交代。正式將呢首歌當係鏡歌。利申:愛鏡,聽咗好多次」但之後又「戴頭盔」補充:「Btw 我私心喜歡 Error多啲」健吾亦笑問他:「你有冇撩耳c?」不過亦有網民指不同用戶在Google的搜尋結果可能都會有所不同。

富士山下 有網民指在Google搜尋《富士山下》,第一個結果係MIRROR。
有網民指在Google搜尋《富士山下》,第一個結果係MIRROR。(圖片來源:FB截圖)
富士山下
(圖片來源:網民留言截圖)
富士山下 唔同用戶搜尋結果可能唔同。
唔同用戶搜尋結果可能唔同。(圖片來源:YouTube截圖)
富士山下 MIRROR版的《富士山下》影片有240多萬人瀏覽,Eason官方版的《富士山下》,瀏覽量更有320多萬。
MIRROR版的《富士山下》影片有240多萬人瀏覽,Eason官方版的《富士山下》,瀏覽量更有320多萬。(圖片來源:YouTube@Eason Chan)

MIRROR版《富士山下》:

ERROR版《富士山下》(花姐客串版):

Eason原唱版《富士山下》:

大家鍾意邊個版本多啲?

陳奕迅演唱會座位表及紀念品名單及幾時開賣?

陳奕迅演唱會座位表請看,而演唱會紀念品會在12月9號開賣,今次這批「臣化產物」都是由Eason與設計師一同參與籌劃,並於法國和日本製作,產品質量要求極高,令不少貨品數量都非常有限,可以先看看紀念品名單

陳奕迅民選百大歌單10強有那些歌曲?

陳奕迅演唱會《FEAR AND DREAMS》星期五開鑼,近日有音樂平台舉行了一個民選Eason百大歌單活動,而成功打入頭10位的歌曲,有9首都係…詳請請看

圖片來源:YouTube@ViuTV、FB@健吾、YouTube@Eason Chan資料或影片來源:YouTube@ViuTV、YouTube@Eason Chan