陳智燊
陳智燊

陳智燊宋熙年夫妻檔Q&A話題大膽零包袱 自爆「難忘之吻」冇老婆份

影視娛樂

廣告

宋熙年Sarah與陳智燊Jason,近年以夫妻檔活躍於社交網,仲化身YouTuber開設自家頻道,大受歡迎。日前兩公婆又在YouTube拍片玩Q&A,解答網民提出的精彩問題,難得宋熙年與陳智燊全無包袱有問必答,陳智燊仲夠晒大膽,公開同邊個女星最拍咀戲最難忘㖭!

宋熙年陳智燊被網民大迫供

面對網民提出的問題,宋熙年與陳智燊好大方一一回答,陳智燊被問及除了宋熙年之外,合作過最靚女演員是誰,他諗都唔諗就表示首次拍戲是與陳嘉寶(Anjaylia)做夫婦,覺得她幾靚,宋熙年亦認同。不過陳智燊都幾多心,他指曾合作拍MV的歌手吳雨霏,以及未合作過的劉心悠都好靚女。至於宋熙年,佢就話曾訪問過在Marvel電影中飾演「雷神」的Chris Hemsworth,笑言老公陳智燊都要認輸。

宋熙年 陳智燊覺得合作過的女藝人中,Anja陳嘉寶最靚。
陳智燊覺得合作過的女藝人中,Anja陳嘉寶最靚。(圖片來源:YouTube@SARAH & JASON)
陳智燊 宋熙年 宋熙年鍾情「雷神」Chris Hemsworth。
宋熙年鍾情「雷神」Chris Hemsworth。(圖片來源:YouTube@SARAH & JASON)

自爆螢幕初吻最難忘

陳智燊被宋熙年追問與哪位女藝人接吻最難忘,他回答應該是他的螢幕初吻對手何天兒(原名何傲兒),他說:「因為好緊張,緊張到一個唔舒服,件事唔知點去做……咀時唔知嘴點放,手點擺,最後NG咗3、4次。」不過宋熙年竟然話自己未試過拍咀戲,仲呼籲監製安排一下。

宋熙年 陳智燊同何天兒第一次拍咀戲,覺得好難忘。
陳智燊同何天兒第一次拍咀戲,覺得好難忘。(圖片來源:YouTube@SARAH & JASON)
宋熙年 陳智燊被宋熙年追問係咪自己加咀戲。
陳智燊被宋熙年追問係咪自己加咀戲。(圖片來源:YouTube@SARAH & JASON)
陳智燊 宋熙年 何天兒Lily Ho Tin Yee,1988年9月27日-),原名何傲兒,於2007年參加「香港小姐」入行,2015年離巢TVB。
何天兒33歲(Lily),原名何傲兒,於2007年參加「香港小姐」入行,2015年離巢TVB。(圖片來源:IG@misslilyho)

兩公婆愈爆愈多

之後宋熙年與陳智燊愈爆愈多,互數生活陋習,宋熙年話曾經在洗手盤發現有好多屬於陳智燊的毛髮,陳智燊直指老婆成日唔聽電話;有網友問到他們如何看婚前性行為,二人認為沒有不妥,大前提是雙方認真交往,宋熙年覺得要做好安全措施,陳智燊就話:「啱嘅人,咩時候都OK……婚前做嘢係OK,好嘢嚟㗎!」

陳智燊 宋熙年 二人被問及對婚前性行為的睇法。
二人被問及對婚前性行為的睇法。(圖片來源:YouTube@SARAH & JASON)
宋熙年 陳智燊嘅言論好搞笑。
陳智燊嘅言論好搞笑。(圖片來源:YouTube@SARAH & JASON)
宋熙年 陳智燊事後再為自己的言論解畫。
陳智燊事後再為自己的言論解畫。(圖片來源:YouTube@SARAH & JASON)
宋熙年 宋熙年與陳智燊育有兩子,一家四口不時放閃。
宋熙年與陳智燊育有兩子,一家四口不時放閃。(圖片來源:IG@rahrahsong)

去片!宋熙年與陳智燊Q&A

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@rahrahsong、YouTube@SARAH & JASON資料或影片來源:原文刊於東方新地