季前賽
季前賽

季前賽結局|15集劇情/角色:痴漢與翰林街場爭霸戰一觸即發

影視娛樂

廣告

《季前賽》進入結局周,接著將會由Lokman、AK江熚生等Mirror成員主演的《繩角》接力!《季前賽》由張繼聰、姜濤、Ian陳卓賢、Edan呂爵安領銜主演,並由193郭嘉駿、肥仔梁業、Stanley邱士縉、陳安立、吳啟洋、葛綽瑤、練美娟、李敏聯合主演。

季前賽 193領軍?9月尾公布的《季前賽》劇照
193領軍?9月尾公布的《季前賽》劇照(圖片來源:ViuTV)

《季前賽》大結局

結局周 – 第11-15集劇情劇透:姜濤再次陷入情緒谷底 痴漢翰林大戰在即!

痴漢隊眾人將面臨生活上的高與低,從低潮再起返身,好好面對與翰林隊的大戰!繼上集姜濤重新接受媽媽,以為終於一家人可以好好生活下去,但原來媽媽與男友計劃帶走老闆仔,然後姜濤再次趕走YoYo⋯⋯按此看結局劇情劇透

季前賽 老闆仔感受到姜濤唔開心,於是拒絕跟呀媽走,結果姜濤大怒
老闆仔感受到姜濤唔開心,於是拒絕跟呀媽走,結果姜濤大怒(圖片來源:ViuTV提供《季前賽》劇照)
季前賽 老闆仔爆喊
老闆仔爆喊(圖片來源:ViuTV提供《季前賽》劇照)

《季前賽》第1-5集劇情:

率先第1-5集劇情劇透:阿孝(姜濤 飾)、阿德(呂爵安 飾)及張良(邱士縉 飾)曾經是街頭籃球場的常客,不過因為各自的原因和理由,暫時放下心愛的籃球活動。直到一次,三子臨場應喪波的邀請,聯同街坊們上演一場對抗賽⋯⋯詳情按此

喪波金句:「只要心裡面有籃球,到處都係籃球場!」

《季前賽》第四集|美少女街場隊出場:擊敗痴漢隊! 三位籃球界女神客串

季前賽 美少女街場隊第四集登場擊敗痴漢隊!
美少女街場隊第四集登場擊敗痴漢隊! (圖片來源:ViuTV《季前賽》劇照)

《季前賽》第6-10集劇情劇透:193加入痴漢隊終於齊腳!肥仔玩裸聊遇騙局

繼上集光仔(193飾)出獄後重遇上喪波,喪波認定光仔就係痴漢隊的最後一塊拼圖,喪波招攬了光仔入隊後,光仔同Edan起衝突,後來二人談心一夜破冰。阿良(Stanley邱士縉飾)無論面試職場還是球場都缺乏自信和勇氣,囡囡晴晴忽然玩失蹤⋯⋯肥仔竟然欠下一身街數,被眾人圍插嚴刑逼供,原來衰「咸濕」,搞到YoYo被落迷藥帶走!

季前賽 阿Dee何啟華客串登場!
阿Dee何啟華客串登場!(圖片來源:ViuTV提供《季前賽》劇照)

仲有姜濤阿媽童愛玲登場:童愛玲49歲為姜濤低調復出拍劇

季前賽
(圖片來源:新假期Jetso)

《季前賽》開播主角唔止MIRROR 葛綽瑤YoYo被力捧快過COLLAR有劇拍

全劇20集由姜濤、Ian陳卓賢、Edan呂爵安、Stanley邱士縉、193、肥仔等主演的籃球劇,是繼排球、游水之後ViuTV再度以運動作為題材的青春熱血劇集。有人氣王姜濤首次擔正,而且ViuTV亦加入新面孔,搵嚟《全民造星4》人氣高不過入唔到女團嘅YoYo加入演出,相信戲份都唔少添!

季前賽 《全民造星4》參賽者、人氣好高嘅YoYo都有份參演!
YoYo今次演嘅係籃球隊嘅「軍醫」,最希望可以喺前輩身上學多啲嘢!(圖片來源:IG@yoyo_kot)

《季前賽》193先係真正嘅櫻木花道?!

早前曾經有傳過《季前賽》與日本經典漫畫作品《男兒當入樽》有幾分相似,不過照記者會上嘅內容嚟睇,似乎出入都非常之大,惟獨193個角色的確與漫畫中嘅主角櫻木花道嘅角色有相似之處。他在記者會上透露:「打大前鋒負責搶籃板,劇入面姦淫虜掠已經做盡,遲啲可能要剃頭!」而櫻木花道在漫畫中就係打大前鋒,又係專責搶籃板,又係不良少年,又係誇張髮型之後剃頭,有唔少花道嘅影子!而ERROR嘅另一位成員肥仔就被指身型唔似籃球員,不過佢都自嘲係「肥螳螂」,似乎有啲睇頭啵!

季前賽 《季前賽》全劇20集,演員包括姜濤、陳卓賢、邱士縉、呂爵安、梁業、郭嘉駿、張繼聰、陳安立、吳啟洋、葛綽瑤、練美娟、李敏
《季前賽》全劇20集,演員包括姜濤、陳卓賢、邱士縉、呂爵安、梁業、郭嘉駿、張繼聰、陳安立、吳啟洋、葛綽瑤、練美娟、李敏(圖片來源:ViuTV)
季前賽 早前有傳Ian戲份被削並加戲給呂爵安,但其實劇集中陳卓賢與姜濤係對手,前者來自 「翰林大學籃球隊」,並唔係隊友。
早前有傳Ian戲份被削並加戲給呂爵安,但其實劇集中陳卓賢與姜濤係對手,前者來自 「翰林大學籃球隊」,並唔係隊友。(圖片來源:ViuTV)


《季前賽》角色介紹

痴漢籃球隊介紹

姜濤飾演 – 阿孝(高家孝)

快餐店店員

位置:控球後衛

季前賽 姜濤飾演阿孝,一位快餐店店員
姜濤飾演阿孝,一位快餐店店員(圖片來源:ViuTV Facebook)

Edan呂爵安飾演 – 德仔(關浩德)

運動用品店太子爺

位置:小前鋒

季前賽 Edan呂爵安飾演德仔,運動用品店太子爺
Edan呂爵安飾演德仔,運動用品店太子爺(圖片來源:ViuTV Facebook)

Stanley邱士縉飾演 – 阿良(張智良)

廣告服務客戶經理

位置:中鋒

季前賽 Stanley邱士縉飾演阿良,一名廣告服務客戶經理
Stanley邱士縉飾演阿良,一名廣告服務客戶經理(圖片來源:ViuTV Facebook)

肥仔梁業飾演 -豬潤(朱昆潤)

快餐店經理

位置:得分後衛

季前賽 肥仔梁業飾演豬潤,快餐店經理
肥仔梁業飾演豬潤,快餐店經理(圖片來源:ViuTV Facebook)

193郭嘉駿飾演 – 光仔(楊舜光)

廢青

位置:大前鋒

季前賽 193郭嘉駿飾演光仔,一名廢青
193郭嘉駿飾演光仔,一名廢青(圖片來源:ViuTV Facebook)

相關文章:季前賽|193坐完監向港版安西教練道歉!重拾籃球熱情勁似《入樽》三井壽

張繼聰飾演 -喪波(陳尚波)

痴漢籃球隊教練

小巴司機/籃球教練,亦是前籃球運動員

季前賽 張繼聰飾演喪波,一名小巴司機/籃球教練,亦是前籃球運動員
張繼聰飾演喪波,一名小巴司機/籃球教練,亦是前籃球運動員(圖片來源:IG@whtihvdone)

相關文章:季前賽 | 張繼聰做另類教練入型入格 當年無辜受牽連遭無綫封殺!

《季前賽》張繼聰成為金句王!

YoYo葛綽瑤飾演 – 河馬(何瑪莉)

會計系四年級大學生,球隊軍醫,喜歡高家孝

季前賽 YoYo葛綽瑤飾演河馬,球隊中的軍醫
YoYo葛綽瑤飾演河馬,球隊中的軍醫(圖片來源:ViuTV《季前賽》第4集劇照)

翰林大學籃球隊介紹

Ian陳卓賢飾演 – 阿鋒(卓立鋒)

翰林大學籃球隊隊長

位置:控球後衛13號

高家孝(姜濤飾)中學時期好友、覺東中學籃球隊成員

季前賽 Ian陳卓賢角色名叫卓立鋒
Ian陳卓賢角色名叫卓立鋒(圖片來源:ViuTV Facebook)

陳安立飾演-陳國秋

翰林大學籃球隊副隊長,5號球員

季前賽 陳安立 陳安立飾演陳國秋,有樣有才華,屬健康陽光型男。
陳安立飾演陳國秋,有樣有才華,屬健康陽光型男。(圖片來源:《季前賽》截圖)

相關文章:季前賽|34歲陳安立父為保釣烈士陳毓祥 年底迎娶前《東張》女神林希靈

Phoebus吳啟洋飾演-張仕南

男神,10號球員

季前賽 Phoebus吳啟洋飾演翰林隊隊員男神
Phoebus吳啟洋飾演翰林隊隊員男神(圖片來源:IG@phoebus_ng)

黃定謙飾演-黃駿銘

21號球員

季前賽
(圖片來源:ViuTV《季前賽》第2集劇照)

Marco葉振弘飾演-水獺(賴俊毅)

B隊14號球員

季前賽 Marco葉振弘飾演翰林隊隊員水獺
Marco葉振弘飾演翰林隊隊員水獺(圖片來源:IG@phoebus_ng)

季前賽劇情劇透|YoYo準備同姜濤談情?

上星期《全民造星4》比賽誕生的女團COLLAR瞬間成為網絡上的熱話,不少網民都認為YoYo葛綽瑤未能入女團而大感可惜。不過ViuTV 似乎都聽到網民嘅意見將YoYo安排到重頭劇《季前》之中擔任籃球隊軍醫的角色。YoYo接受訪問時被問到會否與MIRROR成員有感情戲時,她就故作神秘,表示會先專注自己嘅角色,仲話現階段與MIRROR成員並不太熟,反而同肥仔最熟絡!

季前賽|真係似《男兒當入樽》? 姜濤原來似流川楓 193先係櫻木花道
有MIRROR有ERROR,仲有P1X3L,今次ViuTV真係落重本!(圖片來源:Facebook@ViuTV截圖)
季前賽|真係似《男兒當入樽》? 姜濤原來似流川楓 193先係櫻木花道
《全民造星4》參賽者、人氣好高嘅YoYo都有份參演。(圖片來源:Facebook@ViuTV截圖)

姜濤回應筲箕灣新居

去年《ViuTV2022節目巡禮》曾經公布過打算開拍籃球相關劇集,可惜事隔幾個月都未有聲氣,更曾經傳聞過有可能開空頭支票。不過今日(17/1)記者會就讓不少期待已久的粉絲心底更踏實!而首次擔正ViuTV劇集的MIRROR人氣王姜濤在記者會上透露自己的角色時謂:「快餐店嘅店員,打波都,幾叻嘅。本身打籃球就已經好開心,所以我今次都會當係一個玩嘅過程。」一向熱愛打籃球嘅佢不時都會被人見到喺銅鑼灣打波,亦因為咁,早前就被人發現他在筲箕灣秘密租屋自己住學獨立!接受訪問時他亦有回應,他表示租的筲箕灣的單位其實不是自住用,主要用作擺放個人物品。

季前賽 姜濤本身就有籃球底子,加上高顏值,飾演漫畫入面嘅天才型籃球員流川楓就最適合不過!
姜濤本身就有籃球底子,加上高顏值,非常適合做演籃球劇呀!(圖片來源:Facebook@ViuTV截圖)
季前賽 Ian嘅角色就另一隊籃球隊嘅主力成員。
Ian嘅角色就另一隊籃球隊嘅主力成員。雖然Ian 最叻係打排球,但原來佢都非常熱愛打籃球,佢話:「我打籃球先過排球,中學又入排球又入籃球,每日放學3至7練籃球,7至11練排球,但發覺攰,所以就專心發展排球。」(圖片來源:Facebook@ViuTV截圖)

193先係真正嘅櫻木花道

早前曾經有傳過《季前賽》與日本經典漫畫作品《男兒當入樽》有幾分相似,不過照記者會上嘅內容嚟睇,似乎出入都非常之大,惟獨193個角色的確與漫畫中嘅主角櫻木花道嘅角色有相似之處。他在記者會上透露:「打大前鋒負責搶籃板,劇入面姦淫虜掠已經做盡,遲啲可能要剃頭!」而櫻木花道在漫畫中就係打大前鋒,又係專責搶籃板,又係不良少年,又係誇張髮型之後剃頭,有唔少花道嘅影子!而ERROR嘅另一位成員肥仔就被指身型唔似籃球員,不過佢都自嘲係「肥螳螂」,似乎有啲睇頭啵!

季前賽 3爺今次可能)要剃頭,真係好大犧牲呀!
3爺今次(可能)要剃頭,真係好大犧牲呀!(圖片來源:Facebook@ViuTV截圖)
季前賽 本身櫻木花道就係籃球新人,而且有驚人嘅彈跳力而成為隊中搶籃板嘅主力成員。
本身櫻木花道就係籃球新人,而且有驚人嘅彈跳力而成為隊中搶籃板嘅主力成員。(圖片來源:《男兒當入樽》圖片)
季前賽 櫻木花道在故事中段因為爭地區冠軍時認為自己犯錯而落敗,決定剃頭作為對自己的懲罰。
櫻木花道在故事中段因為爭地區冠軍時認為自己犯錯而落敗,決定剃頭作為對自己的懲罰。(圖片來源:《男兒當入樽》圖片)

193真係籃球健將

其實193郭嘉駿在英國班戈大學修讀心理學學士課程,在外國讀書多年,英文程度有保證。而193郭嘉駿就讀的中學其實屬九龍城區的Band 1中學,在中學時已是籃球健將,為學校籃球隊成員,更曾入選南華籃球少年隊,今次確實「知佢咩料啦」!

季前賽 193郭嘉駿曾入選南華籃球少年隊。
193郭嘉駿曾入選南華籃球少年隊。(圖片來源:deniskwok193)
季前賽 真係有陣櫻木花道嘅味道!
真係有陣櫻木花道嘅型!(圖片來源:IG@deniskwok193)

睇埋其它角色:

季前賽|真係似《男兒當入樽》? 姜濤原來似流川楓 193先係櫻木花道
大表哥Stanley話自己係「馬鞍山高比」。(圖片來源:Facebook@ViuTV截圖)
季前賽 Edan話打籃球有信心過游水好多。
Edan話打籃球有信心過游水好多。(圖片來源:Facebook@ViuTV截圖)
季前賽|真係似《男兒當入樽》? 姜濤原來似流川楓 193先係櫻木花道
Phoebus話自己係「男神」。(圖片來源:Facebook@ViuTV截圖)
季前賽 張繼聰先係教練呀!
張繼聰先係籃球教練呀!而曾經喺TVB拎過「飛躍進步男藝員」嘅張繼聰亦都係首次為ViuTV拍劇,佢話自己會冇包袱咁去做,當自己係新人喎!(圖片來源:Facebook@ViuTV截圖)
季前賽|真係似《男兒當入樽》? 姜濤原來似流川楓 193先係櫻木花道
娟姐練美娟飾演劇中姜濤嘅快餐店經理。(圖片來源:Facebook@ViuTV截圖)
今次《季前賽》陣容強大!
今次《季前賽》陣容強大!(圖片來源:Facebook@ViuTV截圖)

重溫記者會情況

期待一班籃球新星!

《繩角》關於什麼故事?

此劇集改編自同名漫畫,原作者是本地漫畫家曹志豪,講述主角立下決心成為亞洲拳王努力奮鬥,挑戰極限的故事,由MIRROR成員主演⋯⋯按此看劇集&角色介紹

Mirror仲有邊套劇即將播出?

《繩角》將於11月14日接檔《季前賽》,而根據ViuTV早前已宣布一連播放五套原創劇,包括⋯⋯詳見:11月ViuTV五劇對撼無綫台慶

撰文:東方新地圖片來源:Facebook@ViuTV截圖、193@IG、《男兒當入樽》圖片資料或影片來源:原文刊於東方新地