飯戲攻心
飯戲攻心

60歲子華神孖Stephy鄧麗欣主演賀歲片《飯戲攻心》 上演相差23歲父女戀?

影視娛樂

廣告

「子華神」黃子華近年成功擺脫「票房毒藥」之名,2018年《棟篤特工》和去年賀歲片《乜代宗師》都有不俗票房,近日他又再出山挑戰明年賀歲檔,這部電影《飯戲攻心》將由 《逆流大叔》導演陳詠燊執導,拍檔則有鄧麗欣(Stephy)、林明禎和張繼聰,黃子華更有傳會孖Stephy飾演一對鬥氣冤家,不過兩人年齡相差達23歲,相信會變成一對父女戀!

文:東方新地|圖:新傳媒圖片、Foodpanda廣告截圖、電影海報及預告截圖

子華神新作《飯戲攻心》 由《逆流大叔》陳詠燊執導

「子華神」黃子華對上一次演出的電影是去年上映的賀歲片《乜代宗師》,今次他相隔近兩年再度出山,所演出旳電影是 《逆流大叔》導演陳詠燊新作,預計將於明年賀歲檔上映,拍檔則有鄧麗欣(Stephy)、林明禎和張繼聰等,是一部愛情喜劇。

乜代宗師
黃子華自導自演的賀歲片《乜代宗師》,雖然受到疫情影響,但也以2,945萬元成為去年華語片票房冠軍。(圖片來源:電影預告截圖)
2018年黃子華孖佘詩曼主演的《棟篤特工》,亦曾勁收4,470萬元票房,成為當年華語片賣座冠軍。(圖片來源:新傳媒圖片)
2018年黃子華孖佘詩曼主演的《棟篤特工》,亦曾勁收4,470萬元票房,成為當年華語片賣座冠軍。(圖片來源:新傳媒圖片)

有傳黃子華將會在片中同Stephy飾演一對鬥氣冤家,現年60歲的黃子華同37歲的Stephy年齡相差達23載,有機會變成父女戀。不過黃子華和Stephy的經理人都未肯透露兩人角色相關消息,相信是為了保密劇情。

今次將是Stephy首度與黃子華合作。(圖片來源:Stephy IG)
今次將是Stephy首度與黃子華合作。(圖片來源:Stephy IG)
(圖片來源:foodpanda廣告)
黃子華早前亦曾出山拍Foodpanda廣告,精神奕奕的樣子一點都不似已踏入60歲。(圖片來源:Foodpanda廣告截圖)

這部電影由安樂電影公司投資,早前已開始進行拍攝,林明禎為了參與這部電影,更專程由台灣飛到香港開工,據知林明禎在片中將會同張繼聰飾演一對戀人。

大馬女神林明禎將會同張繼聰飾演一對戀人。(圖片來源:林明禎IG)
大馬女神林明禎將會同張繼聰飾演一對戀人。(圖片來源:林明禎IG)
(圖片來源:張繼聰IG)
(圖片來源:張繼聰IG)

延伸閱讀:

黃子華賣樓拍《乜代宗師》:只想拍畀香港人睇

去年賀歲檔上映的《乜代宗師》由黃子華自導自演,電影未上已經引來關注,有網民懷疑電影係合拍片、又以為子華神洗脫「票房毒藥」之名後,片酬大幅攀升,種種猜測令子華神在久久未有更新的社交網上發布影片作出澄清。

《乜代宗師》是黃子華相隔十七年,繼02年《一蚊雞保鑣》後再次自編自導自演之作。(圖片來源:電影海報)
《乜代宗師》是黃子華相隔十七年,繼02年《一蚊雞保鑣》後再次自編自導自演之作。(圖片來源:電影海報)

回應剝削指控:賣樓湊數無收片酬

對於當時有新聞質疑黃子華收百萬片酬,剝削其他人,子華講笑話的確有「剝削」台前幕後的工作人員,「係求所有人收平一啲」,佢強調自己唔單止一毫子都無收,實情係賣埋層樓拍呢套戲!講到咁慳家,原來因為呢套並係合拍片,子華表示:「呢套戲並非合拍片,呢個一開始嘅心態,呢套戲完全只是想拍畀香港人睇、一套香港嘅電影。點解要唔揀合拍片,因為我係想自由自在拍戲,無論題材、表達手法,我唔想有人去censor我,應該點樣點樣拍,想自由自在忠於我嘅concept拍出嚟。」

親身做齊編導及演員,當日每場戲子華都緊張監控拍攝。(圖片來源:新傳媒圖片)
親身做齊編導及演員,當日每場戲子華都緊張監控拍攝。(圖片來源:新傳媒圖片)

賣樓翻本無望 勝在唔係合拍更多自主

子華在接近6分鐘的澄清影片中強調,電影係100% Made in Hong Kong,他說:「《乜代宗師》係香港人投資、香港人賣樓,拍一套剩係畀香港人睇嘅戲。」

除咗落場演出,子華神更不停埋位睇機,監控每個拍攝情況。(圖片來源:新傳媒圖片)
除咗落場演出,子華神更不停埋位睇機,監控每個拍攝情況。(圖片來源:新傳媒圖片)

曾經拍過《一蚊雞保鑣》蝕錢收場的黃子華,其實對電影翻本並無信心:「今次其實係輸少當贏…以我套戲嘅 budget,係無可能返本,我甚至無諗過層樓可以賺得返嚟,但有無可能得返間房、或者一格廁所呢?就算只係返到個水龍頭,我都係預咗,但我可以自由自在拍。」

子華在片中演出馬家雷拳第十九代傳人,自己亦要落場打埋一份。(圖片來源:新傳媒圖片)
子華在片中演出馬家雷拳第十九代傳人,自己亦要落場打埋一份。(圖片來源:新傳媒圖片)

回應深圳取景 只為慳錢爭取更多工作天

子華進一步解說點解要返深圳取景:「我問過好熟行嘅監制,我賣咗樓,在香港可以拍幾多日?佢話15日,但我套戲需要50日。如果要喺香港拍,我唔單止要賣呢個單位,仲要賣我住緊個單位、賣埋我阿媽層樓,呀唔係,佢係租嘅……全行都認為我呢個傻佬,賣咗層樓,90幾% 無得翻盤,我希望講返真實情況畀大家聽,睇唔睇,唔係好緊要。」

雖然拍戲經驗豐富,不過遇神級對手黃子華,心悠BB亦表現謙遜,不時聽子華神教路。(圖片來源:新傳媒圖片)
雖然拍戲經驗豐富,不過遇神級對手黃子華,心悠BB亦表現謙遜,不時聽子華神教路。(圖片來源:新傳媒圖片)

網友熱烈回應:賣樓為夢想,一定捧場

對於子華的辛酸自白,網友普遍收貨,仲講到明一定入場:

「子華神放心,香港人會送個奇迹俾你架!」
「就算我冇時間睇 都會買張飛!」
「不嬲都唔睇賀歲片,今年一定睇你!」
「子華神放心,香港人會送個奇迹俾你架!」
「其實我好鐘意睇《一蚊雞保鏢》!」
「一定支持!不灰鞋,不灰鞋!」
「全香港都唔知有冇20個藝人夠膽出嚟咁講 黃子華你好嘢!」
「一世人,可以係混濁同偏見既世界,不顧一切咁忠於自己一次,仲有咩野比呢種傻更美麗嘅事?」
「我覺得子華要搵錢老早就返咗上大陸啦,加油子華神!」

相隔兩年再戰賀歲檔的子華神,當日同心悠BB在街頭拍外景,現場所見子華神將之前的白髮染回黑色,平日鋼條身形的他睇落比前飽滿, 在街頭監控拍攝時,更突然谷起泡腮賣萌!(圖片來源:新傳媒圖片)
相隔兩年再戰賀歲檔的子華神,當日同心悠BB在街頭拍外景,現場所見子華神將之前的白髮染回黑色,平日鋼條身形的他睇落比前飽滿, 在街頭監控拍攝時,更突然谷起泡腮賣萌!(圖片來源:新傳媒圖片)
仲要指導演員走位,全程眉頭深鎖緊張大師上身!(圖片來源:新傳媒圖片)
仲要指導演員走位,全程眉頭深鎖緊張大師上身!(圖片來源:新傳媒圖片)

回春有術狀態大勇連場激戰唔同用替身

相比上套賀歲片王《棟篤特工》,在《乜代宗師》中,子華神要演馬家雷拳十九代傳人,因為有唔少動作場面,同西洋女拳手心悠有 連場激戰,特訓女神之外,自己亦準備充足應付動作演出,已登六的他,冇見一排鋼條身形變得飽滿,為電影染回黑髪的他,一身格仔恤衫加西裝,造型驟眼睇似足《男親女愛》個抵死師爺余樂天,相距十九年還原余樂天,認真回春有術,因為試過埋首創作搞到壓力爆煲,近年他相當注重健康,一得閒便會行山跑步操fit,日子有功練出鋼條身形,的確狀態大勇!

子華在電影中打扮唔係宗師造型,反而穿著格仔恤衫加西裝,同當年《男親女愛》抵死「師爺」余樂天有幾分相似。(圖片來源:新傳媒圖片)
子華在電影中打扮唔係宗師造型,反而穿著格仔恤衫加西裝,同當年《男親女愛》抵死「師爺」余樂天有幾分相似。(圖片來源:新傳媒圖片)
保養得宜的子華,十九年後令余樂天再現都冇走樣!(圖片來源:新傳媒圖片)
保養得宜的子華,十九年後令余樂天再現都冇走樣!(圖片來源:新傳媒圖片)
當日拍完尖沙咀街頭外景,攝製隊轉場到西貢碼頭拍攝,子華神換上一身綠色運動衫,期間更要舞起大關刀,打得好有姿勢!(圖片來源:新傳媒圖片)
當日拍完尖沙咀街頭外景,攝製隊轉場到西貢碼頭拍攝,子華神換上一身綠色運動衫,期間更要舞起大關刀,打得好有姿勢!(圖片來源:新傳媒圖片)

《飯戲攻心》要睇多幾次先會明?

導演陳詠燊表示電影暗藏至少10大隱喻,等待大家發掘,不少網民指「睇漏咗」,要入場睇多幾次先,一齊嚟睇下……詳見:導演大爆電影當中9大訊息

黃子華為未能出席謝票作出「重大承諾」?

黃子華因忙於進行舞台劇演出而一直未能參與《飯戲攻心》謝票活動,早前曾在自己的本部專頁拍片向各大觀眾作出「回水」保證⋯⋯詳見:黃子華拍心口各觀眾承諾