姜濤 叱咤
姜濤 叱咤

姜濤重提《叱咤》唔敢睇重播 直認唔成熟曾要求公司雪自己

影視娛樂

廣告

姜濤日前推出新歌《Dummy》,他今日(31日)接受商台節目《叱咤樂壇》訪問時,透露於叱咤頒獎典禮表演過後的心路歷程。他自爆曾經一度向公司要求停工,更直言好難捱!

姜濤 叱咤 姜濤 姜濤近日接受了商台節目《叱咤樂壇》的訪問,透露於叱咤頒獎典禮表演過後的心路歷程。
姜濤接受商台節目《叱咤樂壇》的訪問,透露於叱咤頒獎典禮表演過後的心路歷程。(圖片來源:IG@leungmanlai)

姜濤叱咤頒獎禮後 曾向公司自薦入雪櫃

姜濤年初出席《叱咤頒獎典禮》時,因身形暴漲加上浮誇的跪地表演惹來大量負評。姜濤坦言:「通常一落台都會flash back自己嘅表演,但已經覺得有啲唔對路,不過冇諗過個報道海量式,都算係自己呢5年最deep一段時期。」 。姜濤直指於叱咤舞台過後曾主動向公司要求雪藏自己:「嗰幾個月我有同公司講不如我停一陣先,我自己要求,不如你雪我,哈哈。因為我希望有一段時間思考番啲嘢。前嗰幾年,無論係MIRROR或者個人都衝得太快,太多嘢太快得到就好易迷失。」

姜濤 叱咤 姜濤 姜濤表示曾經向公司要求雪藏自己,並打算叱咤表演後一年內不推出新歌,不過新歌《DUMMY》令自己改變了想法。
姜濤表示曾經向公司要求雪藏自己,並打算叱咤表演後一年內不推出新歌,不過新歌《Dummy》令自己改變了想法。(圖片來源:IG@keung_show)

姜濤稱冇勇氣翻睇叱咤演出:真係好難捱

此外,姜濤透露曾經有一段時間沒有勇氣翻看相關片段:「真係唔夠膽睇﹗有一日,我的起心肝開咗個電視,屋企個電視仲要好大,我喺最近嘅位置睇,一定要搞清楚發生乜嘢事先,唔可以去逃避呢一件事。我有本簿寫低每次表演嘅檢討,嗰時真係唔夠膽。我開電視睇,捱過咗嗰3分鐘。同大家一樣,我都好難捱,都真係好難捱﹗」姜濤更表示翻看完叱咤舞台後,第一件事就是認為自己要減肥!

姜濤 叱咤 杜汶澤 姜濤 金句 plt 姜濤在商台頒獎禮上演出《鏡中鏡》失準 。
姜濤在商台頒獎禮上演出《鏡中鏡》失準 。(圖片來源:商業電台)

姜濤無悔出演叱咤頒獎禮

當姜濤被問到有否後悔做了那場表演時,他坦言並沒有後悔,認為只是用了一個不成熟的表演方式去表達自己:「我嗰一刻係去想表達我受傷之前嘅憤怒、嗰種想證明嘅急切心態,所以唔後悔。嗰個就係真實嘅自己,但我用咗一種不成熟嘅、脫離咗表演本身嘅方式去做。」

姜濤 叱咤 姜濤 姜濤當日又跪地又跑落台的表演被斥太浮誇,不過姜濤就表示並不後悔,認為只是自己用了一個不成熟的表演方式去表達自己。
姜濤當日又跪地又跑落台的表演被斥太浮誇,不過姜濤就表示並不後悔,認為只是自己用了一個不成熟的表演方式去表達自己。(圖片來源:my903)
姜濤 叱咤 姜濤 mirror
(圖片來源:[email protected]商業電台)

姜濤曾考慮拒絕出演西九音樂節

姜濤時隔4個月重踏舞台,參與4月初西九音樂節的演出。他表示當時曾經有考慮過拒絕,不過最後認為並不應該繼續逃避舞台,並特地將《鏡中鏡》放入表演歌單:「我攞晒自己所有學識嘅嘢出嚟博一次,我唔想再逃避嗰件事。西九個騷,我第一首決定要表演嘅歌就係《鏡中鏡》,因為我唔想逃避呢一首歌。就算大家笑都好,呢首歌係我自己生出嚟嘅,我唔應該因為呢件事而丟低呢首歌。」

姜濤 叱咤 姜濤 姜濤時隔4個月重踏舞台,獲網民一致好評!
姜濤時隔4個月重踏舞台,獲網民一致好評!(圖片來源:東方新地)
姜濤 叱咤 姜濤 不過姜濤就表示曾經有考慮過拒絕出演。
不過姜濤就表示曾經有考慮過拒絕出演。(圖片來源:東方新地)

姜濤籃球賽受傷 膝蓋傷勢嚴重:未必再跳到舞

姜濤在訪問中亦有提及到於去年11月參與《903 AllStar 籃球賽》時曾不慎跌到而受傷一事。姜濤表示當時膝蓋傷勢比想象中嚴重,有機會未能再跳舞:「照CT時,醫生以為只係有啲裂痕同碎骨,冇諗過入面其實係爛晒。佢同我講之後可能未必再跳到舞,唔樂觀。」姜濤指雖然暫時傷勢並未完全康復,但恢復狀態比預期中良好。

姜濤 叱咤 姜濤 姜濤表示當時膝蓋傷勢比想象中嚴重。
姜濤表示當時膝蓋傷勢比想象中嚴重。(圖片來源:IG@keung_show)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@keung_show、東方新地、my903、叱咤頒獎典禮截圖、IG@leungmanlai