姜文杰自覺愧對細妹姜麗文:嗰段時間不停怪責自己同好抑鬱

影視娛樂

廣告

ViuTV節目《晚吹 – 有酒今晚吹》星期一晚(25日)播出第102集,邀請到姜文杰(Benji)擔任嘉賓,與主持品嘗Syrah和Shiraz 葡萄酒。

 姜文杰
(圖片來源:ViuTV提供)

姜文杰自覺愧對姜麗文

姜文杰指與妹妹姜麗文(Lesley)組成組合「Benji and Lesley」後,曾有一段時間對妹妹感到愧疚及自責:「佢本身已經係日本NHK主持,我拉佢返嚟搞獨立音樂,但又唔算真係有好大成就。所以嗰段時間不停怪責自己同好抑鬱。」提及身為演員的姜麗文最近成功拿下獎項,姜文杰指自己當時哭得像「豬頭炳」 ,終於感到帶妹妹回港發展的決定沒有錯。

 姜文杰
(圖片來源:ViuTV提供)

姜文杰以「秦沛之子」自豪

對於「秦沛之子」星二代的身份,姜文杰笑言:「如果我夠紅嘅話,其實呢啲嘢係唔會發生。呢個係我地星二代比其他藝人都更需要認命嘅一樣嘢。」佢指初入行時曾一度為此不開心,但現在卻有不同看法:「既然宜家啲人都仲講緊我係秦沛個仔嘅話,即係佢到宜家都仲好出名。呢樣係好開心嘅事嚟,所以我都好自豪話俾人聽佢係我爸爸。」

 姜文杰笑言亦曾被認錯為姜卓文細John)
姜文杰笑言亦曾被認錯為姜卓文(細John)(圖片來源:ViuTV提供)
 姜文杰笑言曾被認錯為劉愷威。
姜文杰笑言曾被認錯為劉愷威。(圖片來源:ViuTV提供)

兄妹耗盡20萬積蓄做歌手 窮到士多啤梨都買唔起

姜麗文在早前的訪問曾提及,與哥哥姜文杰耗盡20萬積蓄,製作三首歌的EP,就更加點滴在心頭:「我咃除咗租錄音室,仲要請樂手,攝影師同拍MV……好快已經使咗20萬。第一年做新人,我哋只賺咗萬幾蚊,試過窮到去超巿,想買一盒好想食嘅士多啤梨,60蚊我都買唔起,最後喊住走,好彩阿爸唔知呢件事,嗰陣時真係好辛苦!」

 姜麗文與哥哥姜文杰曾入行做歌手。
姜麗文與哥哥姜文杰曾入行做歌手。(圖片來源:東方新地圖片庫)
 姜文杰 歌星唔易做,姜麗文入不敷支都頂硬上。
歌星唔易做,姜麗文入不敷支都頂硬上。(圖片來源:東方新地圖片庫)

相關閱讀:姜麗文暫別《愛回家》勇闖荷里活 社交網解性感興奮報喜!

秦沛為爭撫養權變窮

姜麗文與父親秦沛感情深厚,早前在商台節目《1圈圈 星光背後》,姜麗文首度公開講親生母親:「我親生媽咪喺我1歲前已經走咗,我真係冇乜feeling,亦唔係嬲,爸爸為咗可以keep我同哥哥可以喺埋一齊,佢乜嘢都畀晒佢(生母),我非常之感恩,覺得爸爸好偉大。嗰陣86年,爸爸啱啱贏咗《 癲佬正傳 》金像獎最佳男配角 ,佢為咗我哋再變番窮喎!嗰時阿爸為養家咩都接咩都做,我哋喺片場見證住佢拍戲好辛苦,覺得佢真係無得頂!」

 姜文杰 姜麗文日前接受商台節目訪問。
姜麗文日前接受商台節目訪問。(圖片來源:《1圈圈 星光背後》影片截圖)
 姜文杰 姜麗文覺得爸爸秦沛非常偉大。
姜麗文覺得爸爸秦沛非常偉大。(圖片來源:IG@lesleychianglove)

秦沛是Long D爸爸

姜麗文表示,曾經睇住秦沛在高溫40度下拍古裝戲,兩兄妹深深感受到父親的偉大,所以無論兒時讀書或出來工作,他們都會更加努力,盡力做好自己。姜麗文與哥哥姜文杰自小在加拿大長大,因為秦沛要搵錢養家,經常與一對子女分隔兩地,談到父親與她的相處,姜麗文說:「其實佢係Long D爸爸,成日工作飛來飛去,不過佢成日都寫嘢同畫嘢,又會送禮物畀我哋,等我哋覺得佢成日都陪住我哋。」

 姜文杰 姜麗文 秦沛曾為爭一對子女撫養權,花光所有興蓄。
秦沛曾為爭一對子女撫養權,花光所有積蓄。(圖片來源:IG@lesleychianglove)
 姜文杰 姜麗文 姜氏兄妹從小看著爸爸辛勤養家,自然特別生性。
姜氏兄妹從小看著爸爸辛勤養家,自然特別生性。(圖片來源:IG@lesleychianglove)

姜麗文從來冇買過名牌

姜麗文曾與哥哥姜文杰自資出碟,以歌手身份在香港出道,錢賺唔到生活拮据,他們都從來不向父親伸手:「爸爸實在太勤力喇,佢已經76歲,我憑乜嘢用佢多年嚟儲嘅錢呢?佢係咪應該用呢啲錢同我媽咪(指繼母)享受生活過二人世界呢?我到依家都未買過名牌,自己生存到就冇問題。」即使秦沛曾提議出錢畀姜麗文買樓做首期,她都拒絕。

 姜文杰 姜麗文表示長大後從不伸手問爸爸拎錢。
姜麗文表示長大後從不伸手問爸爸拎錢。(圖片來源:IG@lesleychianglove)
 姜文杰 為了實現歌星夢,姜麗文試過連60蚊的士多啤梨都買唔起。
為了實現歌星夢,姜麗文試過連60蚊的士多啤梨都買唔起。(圖片來源:IG@lesleychianglove)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:ViuTV提供、IG@lesleychianglove、FB@TVB 娛樂新聞台、《1圈圈 星光背後》影片截圖、東方新地圖片庫資料或影片來源:原文刊於東方新地