女神配對計劃 2｜前男友Ice為陳星妤按摩！郭珮文強忍委屈 Preston一句話獲讚型到核爆
Ice零邊界感按摩 阿Ju強忍委屈自我催眠
節目中，「水上騎膊馬」大混戰意外揭示了各人的感情特質。當中以Ice對異性的「零邊界感」最為爭議，他與Yvette一組時，不僅頻頻密語，更動手為對方按摩，親密舉動令女友阿Ju極為不滿。事後，好友Amber都看不過眼，直指：「拍拖都一段時間，佢仲會做呢啲，證明呢個問題一路都存在。」雖然阿Ju承認曾為此呷醋及「有啲唔舒服」，但仍不斷為男友開脫，強調是因Ice人好及多女性朋友。但當眾人都點出問題時，阿Ju猶豫良久後，竟突然激動地重覆：「我覺得我說服咗自己，係我嘅問題，係我嘅問題，係我嘅問題。」試圖催眠自己接受，畫面令人心酸。
Maggie怒斥虐待自己 Preston溫暖力撐阿Ju
阿Ju的委曲求全，令在場的梁敏巧（Maggie）大為肉緊，忍不住勸告：「你唔可以咁架。」當阿Ju表示自己可以遷就時，Maggie更心痛直斥：「咁咪唔啱咯。你覺得你唔舒服吖嘛，咁唔係就到咯，係你喺度忍受緊，你喺度虐待緊自己呀。」一言驚醒夢中人，令阿Ju恍然大悟。此時，阿Ju的追求者Preston亦挺身而出，溫柔地勸她要多愛自己：「我覺得你為咗人咁係好 sweet，但你都唔可以 sacrifice 自己嘅 well-being。」Preston更乘勢追加一句：「安全感呢樣嘢我一定俾到你」，這句霸氣宣言瞬間獲網民大讚型到核爆，令他人氣在一夜之間急速飆升。
阿Ju坦承終可介意 Ice反省純友誼界線
經過一眾「師姐」的開解後，阿Ju事後坦言終於發現自己原來可以表達不滿：「之前同 Ice 都有少少磨擦，嗰時覺得自己係咪有少少無理取鬧，今日大家竟然話畀我聽呢樣嘢 ok 喎，我可以介意一下呢件事。」另一邊廂，被調到Roxanne組的Ice，亦被組長Sophie提醒要注意「邊界感」問題。Sophie以普通話溫和地向Ice表示：「我剛看到 Yvette 在玩時，你有一直跟她按摩嘛，每個人程度不一樣，但在我看來，感覺蠻多女生會在意的。」Ice事後亦有自我反省，向製作組解釋：「我跟 Ju 以前有很大的問題，我對我的女生朋友，我是真的對她們有愛的，Platonically（純友誼）。」
網民一面倒力撐阿Ju 讚賞善良夠真實
事件引發網民熱烈討論，輿論幾乎一面倒力撐阿Ju，大讚她心地善良又真實不造作。不少留言都表示欣賞：「郭珮文人品不错，是個心地善良的女生」、「幾中意呀 Ju 咁 Real 唔扮嘢」、「好得意佢性格」。有網民亦理性分析指：「Ice 應該同 Ju 溝通搞掂呢件事，我覺得 Preston 此刻唔係一定輸。」事實上，阿Ju的善良在節目中處處可見，例如在「水上騎膊馬」時，明明有實力擊倒對手，卻因不想弄傷朋友而情願留力輸掉比賽，盡顯其友誼第一的溫柔個性。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
