女神配對計劃 2｜Mark淘汰後爆喊！親揭與前度狂嗌交陰影：想搵結婚對象

Mark車廂觀星突變深情 浪漫約會剖白內心

在本周日（15日）播出的節目中，雖然Mark已被淘汰，但節目組依然保留了他與Amber的單對單「觀星車約會」。根據官方預告，Amber與Mark寫意地躺在車中觀星，Amber更大方露出「腳板仔」，率性又可愛。一直被指「零戀綜Feel」的Mark，在車上竟向Amber連環發放「愛的眼神」，望落既深情又深邃，場面超曖昧！Amber更坦言，第一輪收到三個心動吊墜時，曾懷疑Mark是第三個對她有意思的人，可惜因Mark「出動次數」太多而卻步，二人不禁感嘆總是緣慳一面，永遠只差「一點點」。

Mark首談愛情陰影「同Ex成日嗌交」

在浪漫氣氛下，Mark終於打開天窗說亮話，向Amber道出自己參賽以來，予人感覺只顧玩樂的背後真相，更首度剖白自己的「愛情陰影」。他感性地說：「其實我覺得自己唔係好適合拍拖，我希望下一次嗰個人係我結婚嘅對象」、「我真係好希望Meet到一個完全可以好舒服傾偈，唔會再嗌交嘅一個人」。他更沉重憶述與前度的關係：「我同我Ex成日嗌交，我哋嘗試去磨合，當我去遷就佢就我委屈，我委屈完我講，講完嗌交，之後到佢遷就我，到佢委屈。」一番話道出不少情侶的痛處。雖然緣盡節目，但Mark臨走前仍關心Amber的感情選擇，盡顯風度。

網民睇完預告勁心痛「原來係深情男」

預告片段一出，隨即引發網民熱烈討論，不少人對Mark的深情剖白大感意外，更表示對他完全改觀。網民紛紛留言力撐：「原來Mark唔係玩玩下，係有故事嘅男人！」、「聽到佢講同ex嗌交嗰度好有共鳴，遷就真係好辛苦」、「Amber走寶啦！咁深情嘅男仔去邊度搵？」、「睇到佢愛的眼神，真係好sad，明明差一點點…」、「支持Mark！希望佢現實中搵到個好女仔！」