女神配對計劃｜羅毓儀爆喊道歉T.Max 親解多次拒絕心結反遭網民狠批態度惡劣？

羅毓儀深夜發文暗示曾做錯事？ 自爆經歷情緒過山車 緋聞男友林俊其一句話閃爆全場

羅毓儀T.Max終極對話 GM奇招撮合爆喊收場

在10日播出的第十集，事件迎來突破性發展！當時羅毓儀、T.Max及曾展望（GM）因抽中任務「休息」而獲得獨處機會，化身「超級和事佬」的GM拿出道具「答案之書」主動為兩人解開心結。當T.Max鼓起勇氣，拋出直球追問Yuki為何在「心意配對」中不選擇他時，答案之書的結果竟震撼得令GM當場噴水！在GM引導下，兩位主角終於真情對話，Yuki更拋出超催淚的真心話：「我唔係討厭你呀，我尋晚點解會爆喊呢？其實係我覺得對你唔住…」T.Max聞言後亦直認內疚，場面感人，GM最後完美打圓場：「你哋其實都幾錫大家嘅。」

心意配對多次食檸檬 T.Max慘被羅毓儀狠心拒絕

回帶到早前播出的「心意配對」遊戲環節，已為今次的爆喊場面埋下伏線。當時T.Max雖然不止一次揀中Yuki的帳篷，明顯與Yuki「心靈相通」，但Yuki每一次都未有將代表心意的「心意鎖匙」交到男方手上，多次的拒絕令一眾「花生團」及網民都大感不解，紛紛為T.Max感到肉緊。Yuki之前亦曾揚言，希望在節目中能與T.Max面對面解開心結，沒想到今集在GM的「搞笑撮合」之下，終於讓她完成這個心願，更意外揭露了她內心深處的歉意。

GM神助攻獲激讚 T.Max感激：講出心底話

對於今次終極大和解，兩位當事人都對GM的神助攻表示非常感激。T.Max事後坦言：「真係好感謝 GM，佢幫我哋 Hold 住咗成件事，令到我將啲好想講嘅事講咗出嚟。」而Yuki亦表示GM的角色非常關鍵：「好幫助到我哋去解開心結嘅。」GM在過程中表情多多，一時強忍笑意，一時又被答案衝擊到要飲水冷靜，最後更完美總結兩人關係，其鬼馬又體貼的表現，成功帶領這對「I人」組合破冰，獲讚是節目中的最強「和事佬」。

神秘任務表現雙重標準惹網民激烈批評

而在最新一集的神秘任務環節中，羅毓儀的表現再次成為網民熱議焦點。在Threads上有一個投票顯示，高達82%的網民對羅毓儀表示不滿，只有18%表示支持。網民的批評主要集中在她「收兵」的態度上，認為她在節目中對T.Max的處理方式不當。

該網民直接批評她的雙重標準行為，指出「好似今集秘密任務咁，自己鍾意嘅K，講10句100句都可以唔鍾意嘅T，講1句都嫌你煩」。亦有網民直指：「我都覺得佢太過偏心！明明個任務應該係同自己組到做，佢就偏偏等Kris返黎先開始做戲，又話鍾意Kris個處理手法，但由頭至尾，根本得Kris一個人知道發生咩事佢咁做都好正常。相反TMax想了解下都冇機會，佢可以做啲咩呢？」

另一名網民則表示：「呢pair踢佢出局啦，黑人憎。Sophia IG度都有講，套戲都未播完，佢地（GS）唔會公開拖手嘅，專登解釋返，因為咁樣係唔專重女神嘅制作團隊（咪即係話緊yuki囉），仲出黎講大話，貪玩先拖，唔係拍拖，當人傻。」