女巨人王麗嘉銅記show長腿 型男+超模父母贏在起跑線
廣告
DNA有幾重要？王敏德同馬詩慧一家就係最佳示範。混血型男加一代超模，所以三個仔女都係靚仔靚女亦高人一等！近日二女王麗嘉銅鑼灣出巡，高人一等離遠都望到，做佢朋友會唔會好大壓力呢？
撰文、圖片：東方新地
王麗嘉遺傳王敏德馬詩慧特質 高人一等勁顯眼
銅鑼灣硬係人多車多，次次都好容易發現王家二代嘅身影，梗係啦，同朋友並排而行，高出個朋友……呀唔係，係高出成條街啲人成個頭，有乜可能見佢唔到呀。
銅鑼灣出巡 生活貼地坐小巴移動
其實王敏德一家住跑馬地多年，街坊街里仲有傳媒朋友都見慣一家人鍾意出銅鑼灣買餸行街。銅鑼灣出入跑馬地，有乜快得過 搭專線小巴呢？王麗嘉（Irisa）呢日就約埋朋友等坐小巴齊齊返歸囉！
