大劉 狙擊
大劉 狙擊

大劉記招狙擊呂麗君金句一覽 妙語連珠

影視娛樂

廣告

大劉劉鑾雄早前被拍到跟前女友呂麗君(現名呂姵霖)一同銅鑼灣皇室堡現身,除為此事發澄清聲明後,今日(1月3日)更特地召開記者招待會,親身交代事件,為時一個半小時的記招一貫大劉特色,字字珠磯,妙語連珠,留下不少金句!

大劉 狙擊 劉鑾雄 甘比 大劉開記者會時一臉嚴肅表情。
大劉開記者會時一臉嚴肅表情。(圖片來源:官方提供)

談及呂麗君:

「有啲人天生性格,到死都唔會改!」

「平時我諗嘢0.1秒就做決定,我都諗咗分幾兩分鐘,我都係為咗我對仔女保留返一啲尊嚴。」

「李家超曾講過『害人之心不可有,不過防人之心不可無』,我都要防。我希望記者會後有人會收斂啲。」

「我做嘢都係今日留一線,他朝好相見,我更加唔會趕盡殺絕任何人,唔止係呂小姐,任何人都唔會。」

大劉 狙擊 劉鑾雄 甘比 大劉 劉鑾雄
大劉日前已特別發出聲明,澄清與呂麗君並冇復合。(圖片來源:新傳媒資料室)
大劉 狙擊 劉鑾雄 甘比 大劉 劉鑾雄 大劉 呂麗君 大劉發現有人影片,呂慧君係一邊就乜都冇講。
聖誕節前,網上流出一條富豪劉鑾雄(大劉)在皇室堡發火鬧途人的影片,同時被揭與情斷8年的呂麗君(現名呂姵霖)同行。(圖片來源:YouTube影片截圖)

回應都巿傳說:

「我有諗過都絕子絕孫呀!」

「我谷咗氣好耐,話塞春卷呀、乒乓波、網球呀,點樣鬧人呀,摑人兩巴、人哋喊呀,即刻攞張支票掟埋塊面度,我都隨身唔袋支票嘅。」

「乜嘢都有人作,啲人唔抵得我搵到少少錢,多幾個女朋友。」

「遲啲唔係話我塞人,係話我鍾意俾人塞㖭,乜都得㗎。」

承認有助養:

「有啲真係有助養,但唔係全部,值得我贊助同支持,我就會做,唔代表個個都有。」

「千祈唔好以為我畀個手袋,就可以大家出嚟執番劑喎,執番劑涼茶就可能有。」

「我諗我依家肯去執呀,排隊排到黑龍江!講笑啫,我依家行路,連地下有張銀紙都執唔到呀。」

大劉 狙擊 劉鑾雄 甘比
(圖片來源:官方提供)

談及財產處理:

「我寧願全部派晒出去,As a gift。我曾經同律師講,我寧願送咗出去畀錯人,都唔想畀一啲天下間極壞極壞極壞嘅恐怖份子。」

開個人爆料頻道:

「我真係想開個平台,將我見到嘅不平等嘅野講出嚟,但依家啲黑客真係好厲害,咩人都有,我真係好驚。」

The ONE大廈因李嘉欣而命名?

「我私人從來冇諗過無論大廈名叫做『The ONE』,係我個仔改,第一個英文好『水皮』,個稿係人哋交嚟叫我用祕書去登,借個祕書呃個『老襯』。」

大劉 狙擊 劉鑾雄 甘比 李嘉欣
(圖片來源:香港旅遊發展局網站)

因陳凱韻媽媽捐腎而與陳凱韻結婚?

「我要換腎都搵個後生啲啦,60歲人仲要搵個老腎去換。」

大劉 狙擊 劉鑾雄 甘比 大劉 甘比
大劉否認因換腎而同甘比結婚。(圖片來源:IG@kimbeechan_official)
大劉 狙擊 劉鑾雄 甘比 大劉 甘比
(圖片來源:IG@kimbeechan_official)

談及「燈神」蕭若元造謠:

「有啲人好鍾意利用網絡,去歌頌自己、去踩人!」

「我好諒解蕭若元,佢搵到食使乜咁吖,如果我有一日要喺平台咁呃like呀,我就大乜X鑊啦!」

大劉 狙擊 劉鑾雄 甘比 蕭若元的YouTube大時以大劉為談論主題
蕭若元的YouTube大時以大劉為談論主題(圖片來源:YouTube@詸米香港)

大劉金句多多堪回味

大劉當年曾公開指責呂麗君:

「面皮厚過恐龍皮,多年來「呃呃氹氹」總共20幾億元。」

又稱不會向對方追回送出的Hermès手袋:

「我收番任何一個包包就絕子絕孫」

大劉 狙擊 劉鑾雄 甘比 大劉 劉鑾雄 大劉 呂麗君 大劉 (1)
大劉表示已給予呂麗君大量現金、首飾,總值超過港幣$20億。(圖片來源:新傳媒資料室)

大劉跟甘比結婚後多次公開示愛:

「甘比是我最後一個女人」

「現在就算有100個靚女在我面前,我都無動於衷」

「她從來都不是物質主義的人,亦沒有要求過我買任何禮物,或者零用錢」

大劉 狙擊 劉鑾雄 甘比 李嘉欣 大劉與現任老婆甘比
大劉與甘比已在2016年註冊結婚。(圖片來源:新傳媒資料室)

談人生哲理:

「是非只有時勢,公道不在人心」

千禧年代,有報導指大劉愛將凌緣庭曾與鄔友正拍拖,大劉陪對方開記招澄清:

「有人當正自己係華倫天奴⋯⋯個細佬——華倫地牢!」

講投資:

「人性係貪嘅,包括我在內,但我寧願循序漸進,好過一鋪清袋。」
「我想大部份的香港人,都低估了我的智慧。」

劉鳴煒也有金句

不但大劉金句連連,連其兒子劉鳴煒也曾講了一些令人留下深刻印象的金句,劉鳴煒在2015年時,曾教年輕人買樓「睇少啲戲、去少啲日本」,等樓價跌就可以入市,當時被不少網民轟他「成功靠父幹」、「不食人間煙火」,之後大劉就曾為兒子平反,指「今日的年青人只識怨天尤人,他們不是『掂地』,而是『離地』。」

大劉 狙擊 劉鑾雄 甘比
(圖片來源:[email protected]

mingwai.lau

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:官方提供、新傳媒資料室