嘉盈 楊天命
嘉盈 楊天命

楊天命教24歲嘉盈舖路嫁入豪門!揭上流社會思維超變態

影視娛樂

廣告

24歲的嘉盈是YouTube頻道熊仔頭「FHProductionHK」成員,性格豪爽及敢作敢言,深受網民歡迎,人氣持續高升,日前她上毛記電視的節目《師傅到》做嘉賓,搵來楊天命為她指點迷津,楊師傅批嘉盈已經開始行大運,今年有拖拍,會嫁入豪門,命中注定男人畀錢佢使,將來唔再MK會轉型做生意。嘉盈頻頻O嘴仲話自己從來唔使男人錢,真唔真呀?

嘉盈 楊天命 嘉盈 25歲的嘉盈,性格與身材同樣吸引網民。
25歲的嘉盈,性格與身材同樣吸引網民。(圖片來源:IG@kaaying219)

嘉盈不問工作 只在乎姻緣

嘉盈(王嘉盈)早前接受東方昇的邀請上毛記電視的節目《師傅到》做嘉賓,一開始就表明久仰楊天命師傅大名,直言好信命理,她好積極咁問姻緣,唔問工作係因為嘉盈對自己條命好有信心,她說:「我覺得命係整定,啲人成日話我命由我不由天,我心諗人不能勝天呀!一命二運三風水,少少嘢可以改變到,但你大約出世係咁,即係我中咗1,000次六合彩,我都唔會有上流社會嘅思維,因為我出世嗰一下就係基層。」不過楊師傅就話基層都可以進步、行運,一個人會讀書有知識,慢慢會豐富到人生,唔等於上流社會的思維就是好的,好多上流社會的思維亦好變態。

嘉盈 楊天命 嘉盈 嘉盈聽到師傅話佢今年一定有拖拍但要地下情的表情。
嘉盈聽到師傅話佢今年一定有拖拍但要地下情的表情。(圖片來源:YouTube@毛記電視影片截圖)
嘉盈 楊天命 嘉盈 嘉盈唔多信自己會嫁入豪門,多次O嘴!
嘉盈唔多信自己會嫁入豪門,多次O嘴!(圖片來源:YouTube@毛記電視影片截圖)

嘉盈本性喜歡照顧人 唔相信會做闊太

主持之一的Dickson踢爆嘉盈好識照顧人,楊天命即指出嘉盈本性屬「丁火」,即蠟燭的火「燃燒自己照亮別人」,而她的「夫妻宮」就睇到將來結婚一定係嫁有錢人,因嘉盈主得夫財,聽完師傅講會嫁入豪門,嘉盈反應好浮誇:「吓!唔係啊嘛!我唔相信係因為我所有男朋友…第一任係使我錢啦!第二任係大家AA啦!簡單啲嚟講就係,我冇乜使男人錢嘅經驗囉!」楊天命回應:「費事使男人錢係你蠢啫!你條命個老公、個男朋友係要畀錢你嘅,因為你個八字財星係好嘅……你個桃花運去到35歲,你要結婚就35歲前好結,仲有你係『明星結婚運』,要低調結婚,拍拖唔好畀人知,去旅行結婚就算數喇!」即係有拖拍都要玩地下情。

嘉盈 楊天命 嘉盈 嘉盈話自已向來唔使男人錢。
嘉盈話自已向來唔使男人錢。(圖片來源:YouTube@毛記電視影片截圖)

今年必有拖拍 難掩興奮春心蕩

楊天命更拍心口批嘉盈今年「天剋地沖」:「佢今年一定會拍拖,講衰啲一定會失身,一定有男人!」嘉盈聽完忍不住興奮大叫:「哎呀!我係屬於大家㗎!」擺出一副春心蕩漾樣。之後話題又講嘉盈MK味重,東方昇指出嘉盈份人好直率、好轟烈,簡直more than MK,因為她好講義氣,曾在FH十週年的騷上對老闆熊仔頭大講「我呢世都唔會走,我跟硬你!」令東方升及Dickson都覺得好感動。楊天命表示嘉盈命有「傷官星」,為人敢言抱不平,比較破格與反判,但內心卻相反,是個好傳統的人。

嘉盈 楊天命 嘉盈 東方昇直指嘉盈好MK。
東方昇直指嘉盈好MK。(圖片來源:YouTube@毛記電視影片截圖)

「正經姑娘假開放」最怕畀男人掂

嘉盈亦為自己平反:「我就係…正經姑娘假開放,我係好怕男人掂我,成班人一齊去船P,啲後生仔好鍾意玩國王遊戲,抽到啲牌可能要做一啲動作,我唔想玩呢啲遊戲,因為我唔想畀人抽中咗要同人有身體接觸,拖吓手我都覺得唔得呀!我接受唔到呀…我其實唔係好玩得,我只係把口玩得!」楊天命直指嘉盈咁樣先搵到錢:「佢基本上係宅女,係一個好悶嘅人又鍾意照顧人…」此時嘉盈突然好激動:「好赤裸呀!我畀你剝光豬呀楊師傅!」楊天命仲睇得出嘉盈八字有三隻貓,其中一隻照顧唔到會送畀阿媽讓,嘉盈話講中咗!

嘉盈 楊天命 嘉盈 楊師傅指其實嘉盈係個好傳統嘅女仔。
楊師傅指其實嘉盈係個好傳統嘅女仔。(圖片來源:YouTube@毛記電視影片截圖)
嘉盈 楊天命 嘉盈 嘉盈畀楊師傅講中晒佢嘅內心同本性,大叫「好赤裸呀!」
嘉盈畀楊師傅講中晒佢嘅內心同本性,大叫「好赤裸呀!」(圖片來源:YouTube@毛記電視影片截圖)

連環飊高音嚇窒楊天命

這次嘉盈上節目,東方昇笑言成個節目畀嘉盈騎劫了,因為她勁主動,不時自動波發問,她提及曾有另一師傅指她行水運,健康會差,楊天命卻說嘉盈的健康不會差得去邊,不過條腰會痛到死,會由3月6號痛到4月6號,之後就會冇咁痛,嘉盈眼都凸埋高叫:「你點知㗎!喂!你真係剝晒我光豬喎…嘩!腰痛你都睇到嘅!」

嘉盈 楊天命 嘉盈 嘉盈話覺得好似畀師傅剝晒光豬咁,楊師傅個樣幾咁驚!
嘉盈話覺得好似畀師傅剝晒光豬咁,楊師傅個樣幾咁驚!(圖片來源:YouTube@毛記電視影片截圖)
嘉盈 楊天命 嘉盈 楊師傅真係無眼睇!
楊師傅真係無眼睇!(圖片來源:YouTube@毛記電視影片截圖)

拍ViuTV節目紅咗但係唔開心

嘉盈坦言去年開始有運行,但人愈紅愈唔開心,楊天命說:「佢未到最紅,去年犯太歲,雖然開始走紅,但其實個人唔開心。」嘉盈直認不諱:「去年參加ViuTV綜藝節目《姊妹們的國際市場》,其實嗰個節目係令到我多咗好多唔同階層嘅人認識,好多人睇我感到好大壓力,喺入面我做晒自己好真嘅一面,一啲都冇收,可能有啲觀眾睇唔慣…基本上每一日開手機都係我嘅新聞囉!日日上新聞,我真係好辛苦,有一刻我同我經理人講點解好似錢多咗,多人識咗,但我愈來愈唔開心,我寧願返去以前啱啱拍YouTube嗰陣,講完我覺得自己好唔知足,我已經好幸福。」之後嘉盈突然嗌熱即場剝衫,令現場氣氛更加熱辣辣!最後楊天命再贈嘉盈幾句,叫她不用擔心,將來一定是有錢人,因為行運行到去64歲,45歲開始行舒服運,甚至勁到轉型從高,總之條命勁好。

嘉盈 楊天命 嘉盈 真係除去外套只剩小背心。
真係除去外套只剩小背心。(圖片來源:YouTube@毛記電視影片截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:YouTube@毛記電視影片截圖、IG@kaaying219資料或影片來源:原文刊於東方新地