唐詩詠
唐詩詠

視后唐詩詠入行23年竟一直被搞錯名 離巢1年北上發展被網民要求一件事

影視娛樂

廣告

現年42歲的視后唐詩詠(Natalie)去年9月約滿離巢TVB,休息逾1年後,她近日宣布進駐小紅書,以開拓內地市場,短短約1日就吸引了逾8千人追蹤,但當中竟有不少粉絲一直都搞錯了她的名字,引起網民熱議!

唐詩詠 唐詩詠去年宣布離巢TVB,結束20年的賓主關係,其告別作是今年3月開播的《隱形戰隊》。
唐詩詠去年宣布離巢TVB,結束20年的賓主關係,其告別作是今年3月開播的《隱形戰隊》。(圖片來源:IG@natalietong53)
唐詩詠 日前唐詩詠忽然開通小紅書,似乎想北上發展內地市場。
日前唐詩詠忽然開通小紅書,似乎想北上發展內地市場。(圖片來源:小紅書@唐詩詠Natalie)

唐詩詠 被網民要求講廣東話

唐詩詠日前發放了她在小紅書的首段影片,片中她正在車廂中,身上扣著安全帶,以普通話向大家打招呼說:「大家好!我是唐詩詠,小紅書我來了~」引來不少網民留言,有不少網民指唐詩詠講普通話時不夠自然,希望她下次拍片時可以講番廣東話,有網民就指她所揸的是左軚車,猜測她目前正身在內地。

唐詩詠 網民都認為唐詩詠講番廣東話會更加自然。
網民都認為唐詩詠講番廣東話會更加自然。(圖片來源:小紅書@唐詩詠Natalie)
唐詩詠 首次進駐小紅書。
首次進駐小紅書。(圖片來源:小紅書@唐詩詠Natalie)
唐詩詠 片中唐詩詠似乎正在揸左軚車,期間趁著停車空檔拍片。
片中唐詩詠似乎正在揸左軚車,期間趁著停車空檔拍片。(圖片來源:小紅書@唐詩詠Natalie)
唐詩詠
(圖片來源:網民留言截圖)

網民原來一直搞錯唐詩詠個名

唐詩詠入行已有23年,拍過不少劇作都令內地觀眾對她留下深刻印象,但原來好多網民都搞錯了她的名字,因此對她那句「我是唐詩詠」表示得非常震驚:「唔係叫唐詠詩咩?」、「一直叫的唐詠詩,原來我錯了」、「救命,我一直以為是唐詠詩」、「叫咗你好多年做唐詠詩」、「不是唐詠詩嗎,為啥不一樣了」等。

唐詩詠 不少網民只記得唐詩詠「芊芊」和「思凝」等劇中角色的名字,其中「思凝」已是2000年她在港台劇《青春@Y2K》中的角色。
不少網民只記得唐詩詠「芊芊」和「思凝」等劇中角色的名字,其中「思凝」已是2000年她在港台劇《青春@Y2K》中的角色。(圖片來源:小紅書@唐詩詠Natalie)
唐詩詠
(圖片來源:網民留言截圖)
唐詩詠
(圖片來源:網民留言截圖)
唐詩詠
(圖片來源:網民留言截圖)
唐詩詠
(圖片來源:網民留言截圖)
唐詩詠 唐詩詠離巢後不時在IG分享生活日常,包括同黃翠如一齊去學整甜品,及去日本學整麵包等。
唐詩詠離巢後不時在IG分享生活日常,包括同黃翠如一齊去學整甜品,及去日本學整麵包等。(圖片來源:IG@natalietong53)
唐詩詠 唐詩詠早前更去到孟加拉,進行慈善探訪活動。
唐詩詠早前更去到孟加拉,進行慈善探訪活動。(圖片來源:IG@natalietong53)
唐詩詠 日前出席活動時,唐詩詠更穿著開窿裙大騷事業線。
日前出席活動時,唐詩詠更穿著開窿裙大騷事業線。(圖片來源:IG@natalietong53)
唐詩詠 狀態勁Fit!
狀態勁Fit!(圖片來源:IG@natalietong53)

唐詩詠42歲靚樣密密變 回顧「唐姨陷阱」23年來變化

42歲唐詩詠早前隨《隱形戰隊》播畢就正式告別娘家,細數下原來「唐姨」已經出道23年,由以前《四葉草》純情小妹豬冧盡萬千少男,搖身一變成熟女演技派視后,唐詩詠真係「陪你長大」咁話!然而唐詩詠咁多年嚟樣貌密密變,網民話似足坐過山車咁時好時壞!

2000-2005年:純情妹豬樣冧死少男

唐詩詠年紀細細就步入娛圈,中學已經學人做兼職模特兒。2000年,年僅19歲的唐詩詠索性踩過界幫港台拍攝青春劇《青春@Y2K》嶄露頭角,開始用演員身份出道,有份在《嫁個有錢人》、《2002》、《墨斗先生》、《龍咁威2之皇母娘娘呢?》等電影做下配角儲演技咁啦!不過大家最熟悉都係唐詩詠公仔箱的演出,尤其2003年加入無綫電視後,首部劇集《當四葉草碰上劍尖時》嘅可愛少女造型,當時臉仔紅紅十足靚靚版小丸子,加上時不時碌大眼仔賣可愛,認真冧掂萬千少男!

唐詩詠 宣傳《青春@Y2K》時的余文樂和唐詩詠。
初入行拍港台劇《青春@Y2K》時,唐詩詠曾與同期出道的余文樂撻著,成為她入行以來的第一段緋聞。但戀情維持了近一年,有指後來余文樂跟盧巧音拍拖,而導致他和唐詩詠分手。(圖片來源:新傳媒照片庫)
唐詩詠 當年阿Sa蔡卓妍都有份參演《青春@Y2K》。
當年阿Sa蔡卓妍都有份參演《青春@Y2K》。(圖片來源:新傳媒照片庫)
唐詩詠 唐詩詠在03年加入無綫拍《當四葉草碰上劍尖時》,當年的唐詩詠真係好fresh!
唐詩詠在03年加入無綫拍《當四葉草碰上劍尖時》,當年的唐詩詠真係好fresh!(圖片來源:新傳媒照片庫)
唐詩詠 2003
初出道時期嘅唐詩詠。(圖片來源:新傳媒照片庫)
唐詩詠 2003年《當四葉草碰上劍尖時》
2003年拍《當四葉草碰上劍尖時》笑起上嚟面仔紅紅,稚氣得來谷到一股女人味,犯晒規喎!(圖片來源:YouTube@TVB (official))
唐詩詠 2005《奇幻潮之四人再歸西》
2005年拍《奇幻潮》,明明係鬼片,副驚樣都臉仔紅紅,咁鬼可愛有無搞錯先!?(圖片來源:YouTube@TVB (official))
崔建邦,陳雅倫,唐詩詠,李怡,緋聞
2005年的時候,崔建邦跟當時一同主持《K-100》的唐詩詠撻著,但拍拖四年間,崔建邦不時背著女友夜蒲,跟不少女星傳出過緋聞,令兩人經歷「五離四合」,最後還是分手收場。(圖片來源:新傳媒照片庫)
唐詩詠 兩人曾以情侶檔上《獎門人》節目玩遊戲。
兩人曾以情侶檔上《獎門人》節目玩遊戲。(圖片來源:新傳媒照片庫)

2007-2012年:唐詩詠開始谷行女人味 嘗試甩走𡃁妹除

唐詩詠娛圈撈咗一段時間,開始套套劇有份做吓入屋配角,觀眾多咗機會夜晚見到唐詩詠。當時唐詩詠未稱得上超班,但都開始有板有眼,見得吓人唔失禮咁啦!當然女大十八變,唐詩詠開始執吓唔同造型,諗住谷行女人味冧觀眾,仲試過剪短頭髮走鐵女子風格,但撞見本刊塊面仲係紅到小番茄咁,副可愛𡃁妹樣走晒出嚟,就算2012年拍《造王者》搽晒粉底出鏡,依然白裏透紅碌大眼仔,十足凍齡洋娃娃,成日都犯規不經意賣萌,一股「妹豬味」滲晒出嚟!

唐詩詠 2007年建築有情天
2007年拍《建築有情天》拍住陳國邦一齊上!(圖片來源:Youtube@歡樂APM)
唐詩詠 {IPTC-DATA:NMG,data:{photoID:1913168}}
2009年撞正本刊記者,高清相機影落去塊面紅晒,唔知唐姨嗰陣係咪怕醜仔呢?(圖片來源:東方新地資料庫)
唐詩詠 2010鐵馬尋橋
2010年拍《鐵馬尋橋》啲演技開始交到貨,睇吓表情幾楚楚可憐!(圖片來源:Youtube@TVB USA Official)
唐詩詠 2012造王者
喂喂喂,又面仔紅紅碌大對眼,不經意放晒電賣萌!(圖片來源:Youtube@TVB USA Official)
洪永城遇上Inez前個底認真花,與唐詩詠拍拖三年從未定性。
洪永城2013年同唐詩詠拍《載得有情人》撻著,起初曾大玩地下情,不過最終二人於17年宣布分手,洪永城更被爆兩度同蔡思貝因拍劇過電。(圖片來源:新傳媒照片庫)
唐詩詠
也有指兩人分手是因為在婚期上未能達成共識,所以經常有爭拗。(圖片來源:新傳媒照片庫)

2014-2015年:醞釀多時 唐詩詠啲女人味瀉出嚟啦喂

早期唐詩詠依然娃娃臉,走慣可愛路線嘅唐姨早就密謀變身真女人,踏入2014年唐詩詠接拍《載得有情人》索性轉look變身啡毛女郎,嗰陣女人味瀉晒出嚟,醞釀多時終於得米甩走可愛妹妹嘅味道!之後唐詩詠撻著洪永城甜到漏油,獲封「廿四孝最佳女友」美譽,形象正面到爆棚,就算之後2015年唐詩詠冬菇頭look拍《四個女仔三個Bar》一樣女人味滿瀉,但塊面仔唔再紅晒遮唔住,睇嚟唐詩詠開始升呢變「唐姨」啦喎!

唐詩詠 2014載得有情人
唐詩詠在《載得有情人》索性轉look變身啡毛女郎,女人味打到嚟!(圖片來源:Youtube@TVB USA Official)
唐詩詠
同洪永城拍拖期間,唐詩詠被封為「廿四孝最佳女友」!(圖片來源:東方新地資料庫)
唐詩詠 2015四個女仔三個Bar
冬菇頭look拍《四個女仔三個Bar》一樣女人味滿瀉。(圖片來源:Youtube@TVB USA Official)

2016-2017年:唐詩詠女人味勢不可擋 砌低「咪神」高Ling

唐詩詠又再進化!呢期大解放唔多怕醜狂晒苗條body,睇返唐詩詠2016年《不懂撒嬌的女人》開鏡儀式啲靚靚相,五官愈大愈四正,嗰副body開始大殺四方,就算彎晒身拍落「咪神」高海寧,嗰股索爆女人味無法可擋,連高海寧都被砌低!後尾《不懂撒嬌的女人》叫好叫座,唐詩詠拍住王浩信的狗血式離離合合,大獲觀眾讚賞,但點估到唐姨宣傳活動時坐晒人地大脾,密密培養默契咁鬼搏先!

唐詩詠
2016年唐詩詠又再進化,五官又再好睇咗,愈老愈辣!(圖片來源:東方新地資料庫)
唐詩詠
嗰股索爆女人味無法可擋,連高海寧都被砌低!(圖片來源:東方新地資料庫)
唐詩詠 TUNGSTAR5930167
搞乜要坐晒大脾啊,唐姨姨?(圖片來源:東方新地資料庫)
唐詩詠 TUNGSTAR5930190
(圖片來源:東方新地資料庫)

2018-2019年:唐詩詠升晒呢晉級無綫御用女一

《不懂撒嬌的女人》叫好叫座,幾乎牽起全城追劇潮,搞到班師奶葡萄死唐詩詠劇中有得嗒猛男王浩信,連無綫都要急急腳補拍結局鏡頭,鋪路寫王浩信同唐詩詠復合,費時原先嘅分手結局嚇走師奶收投訴。套劇咁鬼受歡迎,唐姨點會唔身價幾倍升,順手拎埋2017年《萬千星輝頒發典禮》視后,成為當時嘅廣告吸金女王,睇下唐詩詠捱足多年,拎獎嗰時水汪汪的眼睛,粉絲見到也替她高興歡呼呢!而隨住唐詩詠同洪永城宣告玩完,另一段感情就搭上素有「教育界王力宏」之稱的陳思銘,據知佢坐擁近億升學王國,係當時城中筍盤!

唐詩詠奪視后
係啦,唐詩詠苦盡甘來,終於拎視后好叻女!(圖片來源:東方新地資料庫)
唐詩詠 2018
當時成日畀本刊撞到正同「教育界王力宏」陳思銘密會。(圖片來源:東方新地資料庫)
唐詩詠 2019
素顏廿四孝女友造型行超市又斷正。(圖片來源:東方新地資料庫)

2020年:唐詩詠不敵年華走樣了

沒有永恆不滅的傳奇,也沒有永恆靚爆鏡的唐姨!唐詩詠步近四字頭,面臨娘家花旦流失潮,唯有頂硬上密密接劇做女一,捱到樣貌都殘咗,個對眼袋現晒形,面容浮腫,但好彩五官都仲keep到,雙眼皮依然深刻甜美。而唐詩詠同「教育界王力宏」陳思銘的一段情亦玩完拜拜,唐姨又再回歸單身變荀盤啦!

2020 唐詩詠眼袋明顯,面容浮腫,露手臂同纖腰又點?點都補唔返!
2020年唐姨眼袋明顯,面容浮腫,個樣捱到殘晒喎!(圖片來源:東方新地資料庫)
唐詩詠日前出席品牌活動時輕露香肩又晒腿,狀態勁 fit。
身材都仲保持到嘅!(圖片來源:東方新地資料庫)

2021年:唐詩詠變姨姨了

2021年,唐詩詠在抖音上載一條片,片中她頭髮凌亂及束起頭髮,身穿鬆身衫加上凌厲眼神,噸起個樣扮嬲﹗仲要話自己好生氣,七情上面。不過更多的留言是驚呼唐詩詠殘樣兼且頸紋盡現,慨嘆女神老了,「女神不再」、「頸紋好嚴重,不能只顧臉,其他部位也很重要」、「好顯老」、「胖了有師奶味」、「TVB捱得比較苦,但也要注重保養!」

唐詩詠 頸紋
唐詩詠束起頭髮,身穿鬆身衫,眼神凌厲,一臉嬲豬﹗網民焦點卻落在她的頸上,指她頸紋盡現﹗(圖片來源:抖音@唐詩詠影片截圖)
唐詩詠 頸紋
唐詩詠晒演技扮嬲﹗卻被內地網民指殘了﹗(圖片來源:抖音@唐詩詠影片截圖)
唐詩詠 頸紋
唐詩詠有不能錯過女朋友之稱號﹗(圖片來源:抖音@唐詩詠影片截圖)

2022年:唐姨回春變正妹晒泳裝

已經四張野的唐詩詠終於回春,仲宣佈離巢告別娘家尋理想,即刻心情靚爆去吓旅行,樣同身材都忽然回晒春!平時衣著都幾保守的唐詩詠,罕有以泳裝示人,雖然唔係三點式,只是肚兜款的泳衣,但對她來說已是極限,再加上自信爆棚狂擺性感pose,不少網民都大讚唐詩詠keep得好,更有網民留言「留鼻血」與「白滑靚女」,當中最到位的一句肯定是「離開無綫後有放監的感覺」。

唐詩詠 前面係肚兜款。
前面係肚兜款。(圖片來源:IG@natalietong53)
唐詩詠 後面係大露背。
(圖片來源:IG@natalietong53)

2023年:唐姨姨都有「清朝額」

41歲無綫視后唐詩詠,去年9月和「娘家」結束近20年賓主關係,離開日夜顛倒拍劇生活的唐詩詠,還發表「就是按照自己喜歡的方式過這一生」,早前唐詩詠跟父親到日本旅遊慢活嘆世界,並在社交平台大晒日本打卡靚相,點知驚現「清朝額」,髮線嚴重向後移,看來回復自由身仍未能令髮再生,不過唐詩詠計年紀已經年輕不再,能夠活出自我享受吓生活,何嘗未係好事呢?祝福唐姨姨離巢生活愉快啦!

唐詩詠 嘩!唐詩詠41歲就有「清朝額」,去旅行放鬆晒以真面目示人,夠晒勇!
嘩!唐詩詠41歲就有「清朝額」,去旅行放鬆晒以真面目示人,夠晒勇!(圖片來源:IG@natalietong53)
唐詩詠 唐詩詠遊日期間影了不少靚相,不過就被發現髮線向後移愈見嚴重,成個壽星額凸咗出嚟。
唐詩詠遊日期間影了不少靚相,不過就被發現髮線向後移愈見嚴重,成個壽星額凸咗出嚟。(圖片來源:IG@natalietong53)
唐詩詠 多年前,唐詩詠因為受脫髮困擾,曾以第一身拍廣告講解心路歷程,但原來近年情況愈見加劇。
近年唐詩詠髮線問題愈見加劇。(圖片來源:IG@natalietong53)

早前被捕獲有猛男陪慶生有望脫單

女人四十一枝花,曾被封「絕世好女友」的唐詩詠今年5月生日時,就被網民野生捕獲有猛男陪食齋兼開心切蛋糕,片中唐詩詠身穿鮮綠色線衫襯恤衫,打扮好有文青Feel,網民拍片上載小紅書並寫道:「唐詩詠真人好靚!家人們誰懂啊,今天跟家人去素食館一眼就從門縫認出了唐詩詠!原本不敢確定,認真看了之後發現真的是,真人真的好漂亮!看樣子是在慶生,不曉得是誰的生日哈哈哈…」

唐詩詠 唐詩詠食齋慶生被網民野生捕獲,她見到個生日蛋糕即露出驚訝表情,細心研究完又哈哈大笑。
唐詩詠食齋慶生被網民野生捕獲,她見到個生日蛋糕即露出驚訝表情,細心研究完又哈哈大笑,似乎春風滿面。(圖片來源:小紅書影片截圖)
唐詩詠 素顏唐詩詠被網民大讚保養得好好。
素顏唐詩詠被網民大讚保養得好好。(圖片來源:小紅書影片截圖)

與猛男合照流出

之後唐詩詠於社交網的限時動態轉發當日與cap帽男的合照,並留言:「thank you」,另外其男友人亦上載飯局合照上社交網,原來當日有3位猛男在場為唐詩詠慶生,而cap帽男與唐詩詠的生日只差一天,二人年紀相約,外形亦登對,被指有望發展,唔知兩位當事人有冇心呢?

唐詩詠 唐詩詠轉貼男友人的po致謝,不過就刻意為身旁的男士遮樣。
唐詩詠轉貼男友人的po致謝,不過就刻意為身旁的男士遮樣。(圖片來源:IG@natalietong53)
唐詩詠 另一男友人為唐詩詠的合照解碼,公開戴帽男樣貌,不過今次就遮唐詩詠個樣,故弄玄虛喎!
另一男友人為唐詩詠的合照解碼,公開戴帽男樣貌,不過今次就遮唐詩詠個樣,故弄玄虛喎!(圖片來源:IG@martinjedi)
唐詩詠 原來唐詩詠與戴帽男的生日只差一天。
原來唐詩詠與戴帽男的生日只差一天。(圖片來源:IG@martinjedi)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@natalietong53、小紅書@唐詩詠Natalie、新傳媒照片庫、YouTube@TVB、抖音@唐詩詠