唐詩詠教路:睇手機搵男友出軌證據 拒絕公開渣男身份 全城估崔建邦定洪永城
唐詩詠自爆有預感男友出軌
被封「女友天花板」的唐詩詠,近年事業運與愛情運同樣停滯不前,拎住視后再無代表作,拖又冇得拍,好dry。日前唐詩詠在楊詩敏(蝦頭)和連詩雅(Shiga)主持的網台節目《絲打圍爐》分享感情史,講到另一半最難頂的事,三人異口同聲表示接受唔到男友出軌,唐詩詠表示自己擁有偵測到男友出軌的第六感。
![唐詩詠 絲打圍爐 唐詩詠 唐詩詠話每次男友有唔妥她都很快會發現。](https://imgs.orientalsunday.hk/wp-content/uploads/2022/05/7_1985225507628b43efa50d5.jpg)
唐詩詠曾經狂check前度電話
唐詩詠直言曾被前度背判傷到透,她表示自己擁有很強的第六感,很快便感到對方出軌,繼而不斷找證據證明對方出軌:「拍拖時一啲好小嘅行為,好易Feel到對你嘅愛係多咗定少咗。我Feel到佢有少到,就突然會有啲第六感覺得要睇一睇佢電話,當你開始睇電話,係停唔到,而嗰樣嘢係會不停重覆⋯⋯」
過來人分享 勿為讓自己死心狂搵證據
唐詩詠又指「我搵到佢出軌證據,但嗰刻你會唔會選擇分手呢?可能又唔會⋯⋯我試過不停搵啲嘢去令自己死心,但又冇死心,可能你亦Feel到佢愛我,女人一旦感受到愛就好難放棄。不停去搵證據嘅過程其實好戇居,係好傻…點解要令到自己咁唔開心。」她奉勸大家千萬不要開始去看另一半的電話。
唐詩詠最失望的愛情經歷
唐詩詠在節目中透露曾經有一位前度對自己非常不信任,並要求Check她的電話,唐詩詠行得正企得正,冇秘密唔怕畀對方睇,不過對方食飯又睇,瞓覺前又睇,仲要睇晒唐詩詠與所有人的對話,她直言沒想過對方會Check電話成癮,覺得對方非常不信任自己,因而成為最失望的愛情經歷。
![唐詩詠 絲打圍爐 唐詩詠 說到check男友電話的最佳機會,唐詩詠話係對方沖涼及飲醉酒時。](https://imgs.orientalsunday.hk/wp-content/uploads/2022/05/23_455965045628b43fe7bb5b-1024x574.jpg)
唐詩詠封口唔講誰是渣男
唐詩詠近日為無綫回歸劇《我的驕傲》開工時被追問出軌渣男前度是誰,對於外界競猜是崔建邦與洪永城的嫌疑最大,她緊決封口說:「我唔會講,大家唔使估,因為我人生唔係只拍過兩次拖…下一個(男友)應該會好幸福,我相信緣分會跌落嚟。」
![唐詩詠 絲打圍爐 唐詩詠 05年,唐詩詠與崔建邦開始拍拖,經過多次離合,09年底發生崔建邦涉嫌虐打中巴混血兒鄺敏慧事件後,唐詩詠對崔建邦不離不棄並公開發聲護航,被封「100分好女友」。直至14年崔建邦再次出軌,唐詩詠終無法忍受男方不忠的性格而分手。](https://imgs.orientalsunday.hk/wp-content/uploads/2022/05/200502141855527385088951_2128771813628b49a5c1218-1024x683.jpg)
去片!睇唐詩詠自爆check出軌男友手機
今集絲打再次搵嚟 Natalie Tong 唐詩詠 同絲打大談舊情史, 多疑嘅另一半要check兩年電話記錄? 到底要點面對? 絲打出軌遇「另類方式」踢爆? Shiga 後知後覺,相隔數年先發現「有可能」曾被出軌?
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!