唐詩詠疑被指為洪永城「有刺前女友」 急貼合照加反擊

同黃翠如連續幾晚做1事 前度質問關係

洪永城加入了TVB之後，黃翠如因為某些原因不開心，曾經會連續幾晚講電話：「佢嗰邊又喊，我又感動，大家一齊喺度扶持，你有啲咩事，有我喺度，我將來有啲咩事，你又可以幫助我，因為佢一個女士喺娛樂圈其實真係唔容易。」

惟二人感情太好，他自爆曾被當時的女朋友問和「熒幕女朋友」黃翠如有沒有愛情火花，因為二人在幕前如此合拍：

嗰時拍拖個女朋友都有少少擔心，話我同佢咁合拍嘅，你兩個喺螢光幕面前咁夾嘅，你哋有無嘢㗎？我對佢無，佢對我……（就唔知啦！）係啦！

有無曾經有一刻愛上黃翠如？

之後林盛斌問他有沒有曾經有一刻、一絲是愛上黃翠如，洪永城好肯定地表示沒有，他拍二人只是在娛樂圈只互相扶持的好兄弟、好朋友、工作夥伴，沒有愛情的感覺︰「呢個答案可能會令到你覺得失望，無！好肯定，真係無！真係工作夥伴嚟咋。我真係唔知道點答你，唔夾就唔夾，唔係佢性格有咩問題或者缺憾，去到話女朋友？大家都無呢種感覺，就無呢種感覺㗎喇！」

洪永城疑爆分手原因：好多嘢都有條刺

洪永城其後又坦言和當時那個「最好的女朋友」一起經歷過不少輿論壓力和網民的批評，可惜最終兩人仍是分手收場，他直言：「始終好多嘢都有條刺，好難去再修補創傷，繼續行落去，都冇辦法，緣份囉！冇緣份都冇辦法！」而網民把洪永城所指懷疑他和黃翠如關係的前度，與「最好的女朋友」混為一談，引起網上熱討﹗

唐詩詠反擊與黃翠如友誼「不帶刺」

網民紛紛猜測洪永城所指的「有刺前女友」，正是有「絕世好女友」之稱的唐詩詠﹗正當大家議論紛紛之時，唐詩詠隨即在社交網上載了兩張與黃翠如的合照，反擊洪永城所指：

「多年前我遇上了一段純真友情、不帶刺的，麻煩那位女生把帶刺的榴槤拿回來給我爸爸吃。」

唐詩詠與洪永城有過4年情

在與崔建邦正式斬纜後，唐詩詠曾與洪永城拍拖4年，但洪永城被指花弗用情不專，多次被爆跟前度藕斷絲連，又跟拍檔黃翠如、蔡思貝、林夏薇等傳過緋聞，與蔡思貝相約外出做運動時，女方擘晒髀拉筋一幕最出位，雖然唐詩詠每次都投以信任票，可惜二人最終仍是分手收場。

《人夫放假約出去滾》洪永城講黃翠如：

洪永城唐詩詠分手 袁偉豪驚爆：我好開心！

袁偉豪（Ben）去年同周柏豪為無綫主持旅遊節目《兩個小生去Camping》，邀請陳山聰、洪永城（Tony）作客，袁偉豪更在節目上大爆，當年知道好兄弟洪永城與唐詩詠分手，竟然感到好開心！

袁偉豪、洪永城自爆曾經「四人約會」

袁偉豪與洪永城大談與袁偉豪相識經過，Tony指自己與對方合拍劇集《載得有情人》結緣。而與前度唐詩詠拍《載》劇撻着的Tony，更自爆當年曾經在將軍澳某餐廳「四人約會」！翻查時間，當時袁偉豪仍與岑杏賢拍拖，「四人約會」應該就是洪永城、唐詩詠加埋袁偉豪、岑杏賢呢一對。

袁偉豪：「佢唔啱你！」

然後當Ben大讚Tony窩心，話試過有一次「唔開心」，Tony立即短訊問候，叫他「堅強啲！」，勢估唔到Tony聞言即好認真咁話：「我分手，你又唔send 畀我？」誰知Ben下一句相當之爆：「我好開心！因為我知道（佢）唔啱你！」搞到Tony笑到「四萬咁口」，唔通真係講中晒！之後仲話覺得對方唔啱佢，講到咁煞有介事！睇嚟阿Ben真係想拆唐詩詠「絕種好女友」招牌喎！