24歲Meimei做司徒夾帶Model玩轉新形象 任職女僕Cafe曾被網民開po狠批

24歲Meimei早前晒水著福利，開心表示：「一年四季都係適合泳衣嘅季節」。

司徒夾帶新女Meimei 發掘不一樣的自己

司徒夾帶在曬出為Meimei影的寫真照之餘，又介紹指：「新朋友Meimei，最近喺好多double may IG都有佢嘅身影。」引來不少網民大讚他識貨：「佢真心正」、「真係好double」、「有啲似小妖精feel」等，而Meimei自己亦對這輯靚相好滿意，表示：

「喜歡這輯照片💕
係同平時感覺有點不一樣的 meimei

多謝Angela Shum幫我化嘅妝
令我見到不一樣嘅自己😘」

做女僕Cafe主打可愛性感形象

只見司徒夾帶的鏡頭下，現年24歲的Meimei穿著一件黑色Bra Top和牛仔褲，外罩白色運動外套，走型格性感路線，而平日的她在女僕Cafe上班，偶爾玩Cosplay，大都是主打可愛性感形象，有網民更大讚她貌似演出經典日劇《求婚大作戰》時年僅約20歲的長澤正美。

被網民開po狠批冇工開但個個月都去旅行

不過隨著Meimei近年人氣急升，IG已有超過2.4萬粉絲，引來不少網民關注之餘，亦曾有網民在討論區開po，狠批她冇工開但個個月都去日本旅行、住酒店，對此Meimei曾在IG逐一反駁指：

「去旅行梗係住酒店，
唔通瞓街，咁都好講，
我未有本事所有地方都有自己嘅樓，
會繼續努力㗎啦！
個樓主係有啲好笑，
好認同下邊個留言話關佢X事，
做人唔好咁攰啦！
順帶一提我冇試過每個月都去日本，
長洲旅行都可以叫旅行。」

Meimei：我都想一個月淨係返幾日工咁正

有網民更留言鼓勵Meimei：「唔洗理兒登仔，一個香港人肯打吓工去旅行根本唔難，班友覺得靚女就畀人包咩，真心癡線！」對此Meimei亦有幽默回應：「我只係care佢用一堆假料輔證，我都想一個月淨係返幾日工咁正，仲要係一個月返幾日女僕Cafe？」