叱咤2023｜炎明熹收起性感 爆同造型師諗法有分歧
廣告
《叱咤樂壇流行榜頒獎典禮2023》已於昨晚（1日），於亞洲國際博覽館順利舉行。TVB《聲夢傳奇》的小天后炎明熹（Gigi），今晚亦有所收穫。而Gigi接受訪問時除了分享得獎的感受外，更大爆今晚突然收起性感的原因……
叱咤2023｜炎明熹自爆收起性感原因
炎明熹早前出席《新城勁爆頒獎禮2023》時的造型超級進取，不過昨晚出席《叱咤樂壇流行榜頒獎典禮2023》時就明顯「小氣」咗好多！炎明熹以一身包到上頸的綠色連身裙造型登場，完全冇睇頭……
炎明熹接受訪問時透露自己幾鍾意性感造型，不過今晚突然收起性感原來是因為與造型師的諗法唔一樣！而Gigi亦表示造型師提供了3套服裝給自己選擇：「一套係好大紅色有啲花嘅，第二套就係依家呢套，另外一套就係黑嘅，但係會若隱若現有啲露腿咁。」
叱咤2023｜炎明熹奪獎超驚喜 歌手獎仍需努力
炎明熹在昨晚的頒獎禮中憑歌曲《Little Magic》勇奪「專業推介叱咤十大」第十位，Gigi在訪問時指得獎是一份好大嘅禮物：「非常之神奇，冇諗過可以攞到其中一個歌曲獎項」，亦稱會繼續努力做好音樂回饋歌迷！
而曾奪得新人獎的炎明熹，對於向女歌手獎進發的目標則表示：「呢一個我要繼續加油啊」。更再一次感謝大家的支持：「好多謝大家的支持，我先可以攞到呢個獎項，所以歌手獎我諗我真係要繼續努力更加多」。
叱咤2023｜炎明熹透露未有時間與家人慶祝
2023年的樂壇成績表已經出爐，而炎明熹今年在不同的頒獎禮中都有收穫，十分叻女！當被問到會不會與家人慶祝時，Gigi就表示：「暫時都未有機會住，我諗要再遲啲，因為我接住落嚟未必會喺香港」，不過就未有透露會去邊到。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：東方新地、大會提供、微博@炎明熹Gigi
