25歲古佩玲親民合照被指撞樣黃夏蕙 曾陷大劉稱《愛回家》有「膠面人」疑雲

古佩玲與小粉絲合照騷親民一面

古佩玲日前現身商場出席活動，活動後離場時更被小粉絲上前邀請合照，而古佩玲亦大方回應小粉絲嘅請求，更特意俯身與小粉絲嘟嘴合照。古佩玲大騷親民一面亦獲在場觀眾錄低兼擺上社交平台，並在文中寫道：「香港荃灣偶遇藝人，笑起來很甜！荃灣偶遇無線藝人！挺友善」大讚古佩玲又靚又親民。

古佩玲原圖被指撞樣黃夏蕙

不過片段曝光後，古佩玲嘅樣貌就引起網民熱議，唔少人直言完全認不出她，更指佢撞樣資深藝人黃夏蕙：「真心講句，夏蕙姨後生版」、「之前一直睇大家話膠膠膠，點入嚟一睇，真系膠」、「夏蕙姨！我好鍾意你！」、「夏蕙姨個孫女？」被網民狠批「膠味濃」之餘，更再度令其外貌進化疑雲引起熱議。

古佩玲被票選「愛回家最討厭角色」

古佩玲自進駐「熊家」後戲份大幅增加，唔少網民都認為古佩玲正是取代「熊心如」（蘇韻姿飾）嘅原因，再加上古佩玲在劇中被指表現過於搶fo，因此早前樂易玲首度開設小紅書帳號時，就引來唔少網民留言要求換走古佩玲。

有網民在影片下貼出1張投票截圖，相中以「愛回家最討厭的角色投票！！！」為標題，並附上3位劇中角色名字，分別係「膠租」（古佩玲飾）、「Fanny」（張盈悅飾），以及「紅（虹）豆沙湯圓」（楊明飾）。更引來逾2,000人投票。而古佩玲則以1468票高票當選「愛回家最討厭角色」。