口罩小姐
口罩小姐

口罩小姐│曾志偉借姜濤不遂指ViuTV走偏門冇收視 193@ERROR一句KO:佢哋畀啲老嘢睇㗎嘛!

影視娛樂

廣告

ViuTV舉辦的《最後一屆口罩小姐》圓滿結束,孭重飛的ERROR四子亦功成身退,梁業(肥仔)、何啟華(阿Dee)、郭嘉駿(193)人氣又飆升,就連「雪藏」中的吳保錡(保錡)都有機會被解凍。口罩小姐與無綫的重頭節目《開心大綜藝》首播打對台,日前聲稱向ViuTV借姜濤不遂的曾志偉,竟指ViuTV節目題材較偏門,收視只得約4點,只能與J2作比較,ERROR亦不甘示弱反撃,當中最敢言的193直言:「佢哋畀啲老嘢睇㗎嘛!」一句KO無綫的老化問題。

撰文:東方新地 圖片:ViuTV電視截圖、193IG圖片

 

口罩小姐口碑勝大綜藝

ViuTV的《最後一屆口罩小姐》非常創新,觀眾亦睇得好開心,總決賽當晚撞正無綫首播的《開心大綜藝》,收視未知如何,不過鬥口碑ViuTV肯定跑贏,因為無綫被網民插爆繼續炒冷飯毫無新意。

口罩小姐
ViuTV的口罩小姐由浩南鄭伊琪以大熱姿態奪冠,實至名歸。
口罩小姐
無綫派出王祖藍扮藍太應戰,又係扮女人有咩新意?

曾志偉妄想借姜濤

最近ViuTV來勢洶洶,無綫受到威脅,新上場的曾志偉就急住去整頓綜藝節目,早前在超級綜藝記者會上,因鄧智堅扮演姜濤被其粉絲群起聲討,新節目繼續包含扮嘢環節,曾志偉日前回應此事時竟自爆曾向ViuTV借姜濤,他說:「我記得第一日到TVB返工就即時打去問魯庭暉(ViuTV台長),姜濤可唔可以借?當時魯庭暉話梗係唔得啦!老爺,遲啲再傾啦!哈哈!」借唔到姜濤,曾志偉再暗指ViuTV不是無綫對手:「翡翠台係面向全球華人,節目要以合家歡為主,符合大眾口味。白啲講ViuTV得4點收視,節目題材比較偏,唔係翡翠台路線。我哋選香港小姐就係香港小姐,唔會戴住口罩,所以J2台先係同ViuTV比較收視嘅地方。」

口罩小姐
曾志偉表示不是不放ViuTV在眼內,但又話指翡翠台目標是全球華人觀眾。
口罩小姐
姜濤是ViuTV一手捧出來的超級新星,唔借畀無綫都好正路。

口罩小姐後台隔空開火

對於曾志偉暗指ViuTV不是翡翠台的對手,口罩小姐又唔夠香港小姐有認受性,ERROR四子在口罩小姐總決賽後台回應,提到節目與TVB《開心大綜藝》對撼,肥仔表示兩台觀眾層面不一難以作比較,193笑言打唔贏對方,阿Dee則自嘲:「冇理由用財經新聞台對教育電視。」而講到曾志偉指ViuTV題材偏門只可與J2台比較,193就隔空反擊:「J2咩嚟㗎?後生仔傾吓偈嗰啲?40幾歲仲後生仔?」明寸已年過40歲的無綫主持六號陸浩明,193寸爆說:「佢哋畀啲老嘢睇㗎嘛!我哋係咩年齡層都有。」更指所謂的「收視」亦只得幾百部電視去統計,不用理會。

口罩小姐
對於曾志偉在較早曾稱 ViuTV的節目題材較偏門,而且收視只得約4點,只能與J2作比較等論點,ERROR四子亦不甘示弱,與曾志偉互窒,當中193更連珠發炮。
口罩小姐
當中193的回應最有guts,甚至反問「J2係做咩」等等,句句有骨。不過肥仔最後都打圓場,表示無論TVB或ViuTV都好,能夠帶動觀眾睇電視就算是成功。
口罩小姐
193大膽敢言,總算為ViuTV爭番啖氣。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地