十八年後的終極告白2.0|譚凱琪被殺6大疑犯 得罪全劇角色人人都有動機
![十八年後的終極告白2.0 譚凱琪第8集終於出事,到底邊個先係真兇?](https://imgs.orientalsunday.hk/wp-content/uploads/2022/06/photo6125358340830769271_146821773362a089f1e901b-1024x640.jpg)
譚凱琪遭神秘人下毒手
譚凱琪、譚俊彥、陳山聰、趙希洛、龔嘉欣的多角關係已經浮面,種種恩怨剪不斷理還亂,今集「一街襯家」的譚凱琪終於遇害。劇情講到,她知道譚俊彥與龔嘉欣相約畫室見面,諗住上樓講數之時,在後樓梯被神秘人以碎玻璃刺傷腹部,她一路掙扎到天台,豈料神秘人趕至,最終譚凱琪失足墮樓身亡。譚俊彥一邊傷心欲絕,一邊要同龔嘉欣夾口供不被警方識穿。到底誰是真兇?
嫌疑人1:譚俊彥
譚俊彥身為譚凱琪老公,一個失意畫家被老婆喪鬧「廢柴」,而且亦發現她出軌的蛛絲馬跡,壓力爆煲的他情緒失控,叉頸譚凱琪將其壓倒在梳化,難道他就是真兇?
![十八年後的終極告白2.0 譚凱琪之死,譚俊彥相當有嫌疑。](https://imgs.orientalsunday.hk/wp-content/uploads/2022/06/-2022-06-08-5.45.20_107335117762a08cd040786-1024x574.png)
嫌疑人2:趙希洛
隨著劇情發展,趙希洛知道老公陳山聰出軌對象就係譚凱琪,繼而發現對方間接累到自己小產,種種恩怨令她自編自導自演一場「苦肉計」跌落樓梯,隨時有機會狠下毒手解決譚凱琪。
![十八年後的終極告白2.0 趙希洛扮嘢跌落樓梯屈譚凱琪,及後更激嬲陳山聰。](https://imgs.orientalsunday.hk/wp-content/uploads/2022/06/-2022-06-08-5.49.40_54452087462a08d205ea93-1024x571.png)
嫌疑人3:陳山聰
陳山聰與譚凱琪出軌,老婆趙希洛有咗後一早就想斬斷情絲,豈料譚凱琪咬住唔放,有一次爭執時關掉陳山聰的話電,令他無法趕去救老婆導致小產,痛失愛兒令他動殺機嫌疑頗大。
![十八年後的終極告白2.0 陳山聰與譚凱琪出軌,見老婆趙希洛有咗一早就想斬斷情絲,點知譚凱琪咬住唔放,仲間接累到自己冇咗個BB,動殺機嫌疑都大。](https://imgs.orientalsunday.hk/wp-content/uploads/2022/06/-2022-06-08-5.51.00_160302509162a09611c5a94-1024x574.png)
嫌疑人4:龔嘉欣
龔嘉欣疑似同譚俊彥再撻著,頂手開糖水鋪時譚凱琪前往踩場,又踢櫈又摑佢個妹,同情敵咁多恩怨,會動殺機都唔出奇。
![十八年後的終極告白2.0 龔嘉欣疑似同譚俊彥再撻著,加上頂手開糖水鋪俾譚凱琪踩場,咁多恩怨,會動殺機都唔出奇。](https://imgs.orientalsunday.hk/wp-content/uploads/2022/06/-2022-06-08-5.43.13_163457110262a09abcc051d-1024x572.png)
嫌疑人5:鄧卓殿
鄧卓殿在劇中飾演龔嘉欣細妹,她一早已發現家姐與譚俊彥私交甚篤,又不滿家姐搞人老公。糖水鋪開張當日俾譚凱琪大摑一巴,然後出事當晚她又失蹤,精神恍惚的出現在譚俊彥畫室,話定佢係真兇。
![十八年後的終極告白2.0 糖水鋪開張當日俾譚凱琪摑咗一巴,鄧卓殿一早就唔妥譚凱琪。](https://imgs.orientalsunday.hk/wp-content/uploads/2022/06/-2022-06-08-5.41.16_125212501762a09bf86f244-1024x575.png)
嫌疑人6:阮兒
阮兒在劇中飾演譚凱琪助手,一路以來默默付出,仲要承受譚凱琪的臭脾氣,吞聲忍氣已久的她曾揚言要拆散譚俊彥兩公婆,難道她就是真兇?
![十八年後的終極告白2.0 阮兒在劇中飾演譚凱琪助手,仆心仆命點知仲要受氣,曾揚言要拆散譚俊彥兩公婆,唔通真兇就係佢?](https://imgs.orientalsunday.hk/wp-content/uploads/2022/06/-2022-06-08-6.38.29_94334984662a09d4952341-1024x579.png)
譚凱琪鹽花盡出 角色勁討厭留伏線
在劇集播出之前,一早已劇透譚凱琪飾演的角色莊銳婷Queenie將會死於非命而引發一宗懸疑命案。而首集的Queenie已經被塑膠造得非常討厭,不單止對助手Kammy尖酸刻薄兼呼呼喝喝,更處處描述到她背住丈夫姚尚謙Angus(譚俊彥 飾)出軌,處處留下「人人都是嫌疑犯」的伏線。不過譚凱琪今次產後復出的作品認真博到盡,其實出一方面電力全開姣媾Jacky易宇航,另一方面又與譚俊彥上演浴室大戰,鹽花盡出!
![十八年後的終極告白2.0 有網民覺得譚凱琪呢一幕仲正過共浴場口。](https://imgs.orientalsunday.hk/wp-content/uploads/2022/05/whatsapp-image-2022-05-31-at-9.38.23-pm_129733562662961aaf3df47-1024x576.jpeg)
即睇譚凱琪同龔嘉欣牙齒印:
邊個嫌疑最大?
《十八年後2.0》已播出8集,譚凱琪死後,劇情來到高潮,究竟邊個係神秘人⋯⋯詳情請看
譚俊彥有可能係兇手嗎?
譚俊彥一個失意畫家經常被老婆喪鬧「廢柴」,仲發現老婆出軌,亦曾經壓力爆煲而情緒失控⋯⋯詳情請看