劉馬車天水圍｜涉非禮女童再被拘捕 一周前拍片望香港人唔好騷擾佢

網紅劉馬車再被逮捕！ 消息指5名13-16歲女童報案

網紅劉馬車今天（2日）再被警方拘捕，消息指警方於2023年12月至今年1月期間，分別接獲5名年齡介乎13至16歲的女童報案，指分別在天水圍及屯門區懷疑被一名男子非禮，合共涉及6宗案件，該名男子其後逃去。警員經過深入調查後，今日（1月2日）早上約9時在天水圍區逮捕一名27歲姓劉本地男子，涉嫌「不禮」。被捕男子現正被扣留調查。據了解，被捕人為本名劉駿軒的網紅人「劉馬車」。

一週前劉馬車仲話想做一般人儲夠錢將會離開香港

而在1週前，劉馬車在IG拍片表示找到了一間餐廳工作，並寫道：「會努力踏實工作，重新出發！」片中他也提及想過返啲安寧日子，做一個普通人，因此目前是在做兩份工作，一份是餐廳一份是在朋友的公司幫手，「好多嘢都受夠啦，希望你哋香港人不騷擾我、煩我，重新一次我拇拎過綜緩。」最後劉馬車直言等香港所有事情完結，再儲了一筆錢，就會離開香港重新出發。

不過網民就照樣鬧爆，“請你嗰間餐廳應該好快執笠”、“做咩普通人呀你做戀童色魔好過啦”、“細路女係無辜㗎馬車不好非禮女童”、“邊會和你組織家庭」。

劉馬車被指於警局廁格內輕生 爸爸IG代出post宣布退出幕前：做個普通平常人

網紅劉馬車喺差館自盡？！自稱馬車爸爸出聲明

網紅劉馬車自《培生擂台: 無敵盃》記者會被拉後，一直未有上水。日前劉馬車IG突然出聲明，其內容指，自稱係劉馬車的爸爸表示劉馬車被捕後於差館自盡，後來經過搶救後而家情況暫時穩定，而家劉馬車喺某個地方「靜心修煉」中，之後社交平台都會由係劉馬車的爸爸代為管理。呼籲大家俾多啲正能量劉馬車，等佢可以重新出發。最後希望同鍾培生、觀眾朋友以及買咗飛支持佢講聲對唔住。劉馬車的爸爸仲表示劉馬車一直受長期的網絡欺凌同埋外界各方面嘅騷擾，所以而家決定徹底退出幕前，退隱江湖！

網民質疑劉馬車又人格分裂：咪扮老豆

有唔少網民質疑呢位自稱係「劉馬車爸爸」的人其實係劉馬車人格分裂，事關劉馬車已經唔係第一次咁樣！佢之前啱啱放返出嚟時曾講過自己係「我係天水圍陽光少年劉馬車」，趁另外一個唔好的劉馬車坐緊時同全香港的網民道歉。令網民紛紛留言鬧爆：「睇嚟又進入咗「馬車輪迴」狀態」、「劉馬車又人格分裂」、「正常人會咁痴線用『修練』兩個字？」、「人格分裂就睇醫生食藥」、「睇嚟個acc有打手管理喎」、「咪扮老豆」、「今次已經係第6定7次話引退」「、真不愧係劉馬車老竇」。

不過就有網民力撐真係劉馬車爸爸，事關係post的語音中認出係劉馬車爸爸把聲：「呢個真係劉馬車老豆把聲黎，大家可以YouTube搵返幾年前劉馬車小微嘅片，入面有劉馬車老豆鬧劉馬車把聲，同一把聲嚟。」其後即被網民反駁：「AI聲黎架，佢用咗聲音采集技術」、「阿玉龍你用變聲器唔代表啲懶音會冇咗的」。

劉馬車被捕未獲保釋確定缺席賽事

劉馬車和龍心的賽事本來是《培生擂台》的焦點之一，但由於劉馬車涉嫌摸13歲女生大腿突然於昨日（11月30日）被警方拘捕無法如期現身打拳賽，鍾培生雖然積極與警方進行溝通希望能夠保釋劉馬車，讓他完成拳賽後才受審，但最後仍然無法在拳賽前保釋對方。他亦承諾會將賽事延遲，並呼籲網民保留票尾：「有拖無欠，盡快搞返。」