劉鑾雄 呂麗君
劉鑾雄 呂麗君

劉鑾雄記者會|一文睇清7大重點 句句暗示呂麗君係「賤人」:被人激死

影視娛樂

廣告

72歲的大劉劉鑾雄今日(11月10日)下午3時半突然宣布開記者會,就多篇內地文章作回應,包括投資恒大虧損、甘比投資失利、遺囑風波以及財產分配等等。大劉在記者會上他連珠炮發,對前女友呂麗君(現名:呂姵霖)更是毫不客氣地批評:「好後悔冇幾耐之前幫個賤人!」

劉鑾雄 呂麗君 大劉劉鑾雄今日11月10日)下午3時半突然宣布開記者會。
大劉劉鑾雄今日(11月10日)下午3時半突然宣布開記者會。(圖片來源:經濟一周)

重點1.大劉暗示呂麗君「賤人」

大劉一出場,就解釋突然開記招的原因:「因為我再唔出聲呢,有啲人會愈做愈離譜!」他一開波就講自己好後悔「成年前去幫一個賤人」,雖然沒有指名道姓,但字裡行間都暗示出他講的就是前女友呂麗君:「首先我想講好後悔,好後悔無幾耐之前幫個賤人,(去年年尾)應該由得佢破產,當日幫佢係唔想啲仔女有個阿媽破產,影響佢心情,但我睇番轉頭,真係由得佢破產好過。」他又表示「賤人」不用破產,於是有錢後便僱用「網絡打手」造謠……

劉鑾雄 呂麗君 大劉 大劉曾澄清在2014年已和呂麗君分手。
大劉曾澄清在2014年已和呂麗君分手。(圖片來源:新傳媒資料室)
劉鑾雄 呂麗君
(圖片來源:經濟一周)

重點2.大劉回應遺產風波澄清甘比冇蝕錢

相反,對於太太甘比(陳凱韻)大劉則是每一句都愛護着對方,有報道指出,大劉將財產轉給兒子,而甘比會被踼出局,他即斬釘截鐵否認:「又話全部財產轉畀個仔,甘比踢出局,點解要咁講呀,自己開心囉,講就有人信,我重申陳凱韻我老婆從來冇同我損失過任何錢,唔好話200億,佢同我賺超過200億嘅藝術品投資就有!如果有損失,私人來講,都係我自己的事。完全唔關佢事,佢冇同我損失過錢。『800億落空』,呢啲好似真嘅一樣都係假嘅;仲話我將啲財產畀個仔,完全都係冇嘅。」

他續指,甘比曾勸他不要開記者會,因擔心會影響一對子女,不過他認為被人造謠「等於有人要殺佢屋企人」,因此他堅決表示要出來反擊,更稱「有一日有人要殺我屋企人,唔好講我係咪跛,我係跛係殘廢啊,我都要保護屋企人!」

劉鑾雄 呂麗君
(圖片來源:IG@kimbeechan_official)

重點3.反駁內地假新聞 大劉笑言就被激死

大劉在開記者會之前,講明要就幾篇內地的新聞報道作澄清,記者會上更印了相關報道出來讓傳媒影相。他表示失實文章是今日同事給他看的,看完之後非常生氣,更強調報道完全失實。他表示得知「賤人」有一隊由「忽然一周」前總編輯帶領的「特攻隊」負責在網上做「打手」製造謠言,更笑言自己就被激死:「講到佢(甘比)幫我損失百幾億,又話個仔乜乜,仲話我就嚟死。我早幾日約朋友食飯,話出面傳我身體好差就嚟死,你睇我而家個似唔似就嚟死?可能被人激死就有,但我自己身體係冇嘢。如果我再唔出嚟,可能傳我死咗。」

劉鑾雄 呂麗君
(圖片來源:經濟一周)

重點4.大劉火力全開鬧爆「賤人」老屈

他又火力全開怒轟「賤人」招搖撞騙,老屈自己:「呢個賤人最近去新加玻,冇人識佢㗎,自己招搖撞騙,人哋見到佢都驚咗佢。我夠可以喺電視同拜登合照、P圖話佢企喺我隔嚟啦!以前台灣有套電影叫《養鴨人家》,你知唔知鴨同鵝分別,鴨只係做女人生意,鵝就男又做女又做。呢啲係佢嘅私生活佢嘅事,唔關我事,我點解咁講呢?你睇吓呢叠嘢,完全0.001事實都冇,夾硬作出嚟老屈,我再唔出嚟即係默認。我老婆陳凱韻使乜理佢吖,佢自我陶醉之嘛!」

劉鑾雄 呂麗君 大劉 大劉開記者會時一臉嚴肅表情。
大劉於今年1月都開過一次記者會。(圖片來源:官方提供)

重點5.大劉絕對不會分身家給「賤人」

有記者問大劉,是否「一定唔會分俾某啲人,某啲賤人」,他即講得非常激動:「賤人梗係唔會啦!你呢個問題都有少少問題啦!我長命一萬歲都冇機會啦!佢實破產㗎!貪到死,乜嘢都要借,你睇佢買嗰個晉環,畀10% deposit,畀15%政府!你夠薑嘅,你畀晒現金啦!我見啲有錢佬老婆畀現金,收租唔駛驚個payment吖嘛,但畀10%deposit,畀15%政府,你話係咪傻㗎?問題都唔係問題嚟嘅,你話係咪傻傻哋吖。」他續稱,由幾歲𡃁仔瞓地下到今日,從未見過如此壞的人:「我見壞人都見唔少,但咁X賤咁X壞嘅人,都係第一次見!」

重點6.大劉打算再改遺囑:「牙膏claim三次」、「納米型賊仔」

有記者問大劉最近一個月有否改過遺囑,他表示自己一早已經分了遺囑,不過現時打算再改,又指有人係「納米型賊仔」:「我早排一早分咗,我而家要再改,都要老婆執行我嘅意思,你聽唔聽得明啊?我而家自己乜嘢都冇!但係我相信我呢個老婆陳凱韻,叫我做乜我都會做。」

他坦言,會計部check單check得非常嚴謹,不開名狠批某人會執單亂claim數,專門搜刮細數目,係「納米型賊仔」:「佢(指)唔止牙膏claim三次,喺超級市場地下啲單,佢都執嚟claim,你估我唔知咩?」

大劉又指有人轉賣手袋圖利:「佢最擅長係點呢?買咗個名牌袋之後,平價賣返出街。我記得40幾年前去夜總會,啲舞女最鍾意搵老襯。5千蚊買日本時裝,我就收返4千蚊現金,時裝舖就剩袋1千,40年前好興呢啲嘢㗎。」被問到看好哪個兒子日後掌管公司,大劉僅表示:「能者居之」,不便回應。

重點7.大劉年初以出手買入呂麗君灣仔壹環單位

大劉強調「賤人」無腦,又形容對方是鴕鳥:「以後再唔會救佢,再無關係。我打畀仔女時,佢就搭嗲,你估我會唔會聽佢電話?我出院時,佢見我未死得就扮Close,我即刻同陳凱韻結婚,點知要分身家先有保障。我開記者會之後一星期,我同律師講寧願分錯都唔願畀佢得益。可能我斗零都唔分,可能留畀我老婆同佢三個仔女決定,怕俾佢撻埋。」翻查資料,呂麗君於2021年豪斥逾1.4億元買入4伙黃竹坑站晉環單位,惟其中一伙疑似撻訂,其餘3伙亦未完成交易。今年初大劉以首置名義﹑斥資4000萬元向呂麗君買入灣仔壹環的特色戶,報道又指出大劉及甘比接收呂麗君位於金鐘遠東金融中心價值1億元的半層寫字樓,而同日呂麗君還清了市值3億元的跑馬地獨立屋按揭。

情斷8年後首度同行

去年聖誕節前,網上流出一條富豪劉鑾雄(大劉)在皇室堡發火鬧途人的影片,同時被揭與情斷8年的呂麗君(現名呂姵霖)同行。

劉鑾雄 呂麗君 大劉 劉鑾雄 大劉 呂麗君 大劉同呂慧君、三位保鏢一起到皇室堡行街,大劉見到踎地男即刻破口大罵
大劉同呂慧君、三位保鏢一起到皇室堡行街,大劉見到踎地男即刻破口大罵。(圖片來源:YouTube影片截圖)
劉鑾雄 呂麗君 大劉 劉鑾雄 大劉 呂麗君 聽到大劉發火,踎地男嚇到即刻企起身
聽到大劉發火,踎地男嚇到即刻企起身。(圖片來源:YouTube影片截圖)
劉鑾雄 呂麗君 大劉 劉鑾雄 大劉 呂麗君 大劉發現有人影片,呂慧君係一邊就乜都冇講。
大劉發現有人影片,呂慧君喺一邊就乜都冇講。(圖片來源:YouTube影片截圖)

正當外界以為大劉和呂麗君關係破冰,點知大劉發聲明,強調與呂麗君再見不是朋友,為免惹來復合的誤會,及有人乘機招搖撞騙,他才逼不得已出此聲明,聲明內容如下:

澄清聲明

對於近日有媒體明示或暗示,意指我與呂麗君(現改名為呂姵霖)復合一事,並非屬實,為免引起大家的誤會,本人 劉鑾雄認為必須要作出以下澄清,以正視聽:

1. 最近因呂小姐有困難,有事相求,本人為免小朋友受到影響的關係,遂與呂小姐達成商業協議。當日呂小姐只是在本人位於皇室堡的寫字樓簽署相關商業交易文件,然後在沒有相約之下一同乘搭電梯離去,並不是呂小姐與本人相約逛商場,在此之前,本人與呂小姐已多年沒有見面。

2. 上述有關交易純屬商業性質,並不構成本人對呂小姐任何財政照顧或支持。

3. 對於近日媒體出現網路打手,故意散佈謠言,不僅誤導公眾,亦對本人及本人家人造成滋擾,本人覺得有必要作出澄清。

4. 本人於2016年與陳凱韻結婚,亦早已將絕大部份名下財產作出處理,以防日後他人作出任何無理訴訟,所作一切無非為保障陳凱韻及家人,避免日後有人為一己私利,興風作浪。

5. 本人重申,本人與呂小姐除了作為小朋友的父母親外,並無任何關係,亦絕對不想有任何關係,請大家不要誤信網路打手不實傳聞,作出無謂的聯想或揣測。

6. 本人自2014年與呂小姐分手後,不相往來,是次作出此聲明,實屬逼不得已,為免他人乘機招搖撞騙。

大劉2016年娶甘比 登報與呂麗君撇清關係

劉鑾雄2016年11月在各大報章頭條發聲明,正式澄清與呂麗君在2014年已分手,強調兩人已斷絕關係,與此同時大劉與另一紅顏知己甘比則在同年11月18日入紙,正式註冊結婚!

劉鑾雄 呂麗君 大劉 大劉曾澄清在2014年已和呂麗君分手。
大劉曾澄清在2014年已和呂麗君分手。(圖片來源:新傳媒資料室)

大劉發聲明會負責子女生活開支

大劉在2016年的聲明中,澄清與呂麗君在2014年時已分手,二人已斷絕關係,僅僅是一對子女的父母而已。而大劉作為父親,會繼續負責子女的生活、教育及其他開支,包括現時居住的大宅、車輛及私人飛機等。其次大劉稱與呂麗君分手前,一直照顧對方的起居飲食,並有大量現金、首飾的餽贈,總值超過港幣$20億!

劉鑾雄 呂麗君 大劉 劉鑾雄 大劉 呂麗君 大劉
大劉表示會繼續負責子女的生活、教育及其他開支。(圖片來源:新傳媒資料室)

另外大劉又指責呂麗君「貪得無厭」,指就算給予呂麗君100億,對方一樣會為一蚊而出賣自己。另外大劉亦擔心自己離世後,呂麗君會因爭產而與甘比及子女們對簿公堂,故已預留逾100億港元現金給甘比及長子劉鳴煒打官司,揚言絕不退讓。

劉鑾雄 呂麗君 大劉 劉鑾雄 大劉 呂麗君 大劉 (1)
大劉表示已給予呂麗君大量現金、首飾,總值超過港幣$20億。(圖片來源:新傳媒資料室)

甘比2016年榮升劉太

而大劉在發出聲明後,原來與甘比已在2016年11月18日入紙,正式註冊結婚!甘比透過短訊回覆傳媒:「多謝!這是一件人生中最開心事!」至於大劉接受訪問時,則稱幾年前已經計劃與甘比結婚,這個決定與近日發的聲明無關。另外大劉亦大讚甘比不貪錢、為人單純,不是壞女人,一直都好照顧自己及一眾子女。

劉鑾雄 呂麗君 大劉 甘比
大劉與甘比已在2016年註冊結婚。(圖片來源:新傳媒資料室)
劉鑾雄 呂麗君 大劉 劉鑾雄 大劉 呂麗君 大劉
(圖片來源:新傳媒資料室)
劉鑾雄 呂麗君 大劉 劉鑾雄 大劉 呂麗君 大劉 最後出聲明,宣佈兩人正式分手
(圖片來源:新傳媒資料室)

呂麗君回復單身 成為「超級富婆」

呂麗君在與大劉分手之前,曾為對方育有一對子女,雖然兩人高調分手,但大劉表示自己依然會履行父親的責任,照顧呂麗君所生一對子女的額所有教育和生活開支。除此之外,大劉表示自己過往已經餽贈大量禮物包括現金、首飾、豪宅給予呂麗君,總值超過港幣20億,直指女方「已是超級富婆,無需要我任何經濟支持,也可過着富裕的生活。」

劉鑾雄 呂麗君 大劉 劉鑾雄 大劉 呂麗君 大劉 大劉一直很疼愛子女,雖然同呂麗君分手,但依然有履行父親的責任,照顧呂麗君所生一對子女的額所有教育和生活開支。
大劉一直很疼愛子女。(圖片來源:IG@aspenlaumusic)

回復單身的呂麗君也一直住在山頂白加道獨立屋,近年改名為呂姵霖,以此名字成立基金,推廣教育及藝術發展。閒時又會去跑步、攀石、做瑜伽等等,過著「超級富婆」的單身生活。

劉鑾雄 呂麗君 大劉 劉鑾雄 大劉 呂麗君 大劉 回復單身的呂麗君住在山頂白加道獨立屋,過著「超級富婆」的生活
回復單身的呂麗君住在山頂白加道獨立屋,過著「超級富婆」的生活(圖片來源:IG@yvonneluitrust)
劉鑾雄 呂麗君 大劉 劉鑾雄 大劉 呂麗君 大劉 閒時就做瑜伽
閒時就做瑜伽(圖片來源:IG@yvonneluitrust)
劉鑾雄 呂麗君 大劉 劉鑾雄 大劉 呂麗君 大劉 經常上傳與fit爆瑜伽教練的照片
經常上傳與fit爆瑜伽教練的照片(圖片來源:IG@yvonneluitrust)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:官方提供、經濟一周圖片