劉錫賢
劉錫賢

60歲劉錫賢近況清減不少、自揭高峰曾達320磅:無啦啦抖唔到氣

影視娛樂

廣告

現時60歲的劉錫賢有「肥仔賢」或「肥哥哥」之稱,肥到有花名,其身形可想而知。不過近年劉錫賢原來為健康積極減重,日前亮相TVB節目《思家大戰》時更明顯清減不少,精神好過以前多多聲!

劉錫賢 屏幕登場的李思捷真係攞晒彩!
以屏幕登場的李思捷真係攞晒彩!(圖片來源:《思家大戰》截圖)
劉錫賢都冇之前咁誇張喇!
劉錫賢都冇之前咁誇張喇!(圖片來源:《思家大戰》截圖)

劉錫賢上《思家大戰》清減不少

現時60歲的劉錫賢日前以「ATV舊同視」的身份現身《思家大戰》玩遊戲,盡顯幽默風趣的個性。當中更有不少觀眾發現他比起幾年前明顯清減了不少,眼見他精神飽滿,聲如洪鐘,非常驚喜。

劉錫賢 冇以前咁誇喇!
冇以前咁誇喇!(圖片來源:蔡國威Facebook)

劉錫賢高峰達320磅,自嘲有「七高」

早前劉錫賢亮相由鄭丹瑞主持的YouTube節目《健康旦》分享自己的身體狀況,透露體重曾經高達320磅,非常誇張!更自嘲近年才積極去留意自己的健康,笑言:「人哋三高,我五、六、七高,血壓高、膽固醇高、尿酸高,基本上可以數得出嘅慢性病都有。」

睇返劉錫賢高峰時期。
睇返劉錫賢高峰時期,約十年前。(圖片來源:劉錫賢Facebook)

劉錫賢肥到患上鬱抑症

由於肥得太誇張,劉錫賢表示自己曾因身體太多病而患上鬱抑症,「320磅嗰陣我患咗恐病症,以為自己就快死。有一日喺屋企無所事事,坐喺梳化度無啦啦抖唔到氣,感覺窒息咗超過10秒,想打電話都攞唔到。」起初他都不以為然,以為偶發事件,但之後有一次需要到港台開工,搭的士中途再次發生幾乎窒息的狀態,他才明白到身體情況到底有多糟,更因而得了鬱抑症,在短短幾個月之間消瘦60磅:「鬱抑症嗰段時間我直情唔想做嘢又唔想見人,最嚴重係我睇周星馳嘅戲,人哋笑我喺度喊。」

劉錫賢
(圖片來源:YouTube《健康旦》截圖)
劉錫賢 劉鍚賢早於1992年已經自知患有「糖尿病」,但當時他仍未發脹。
劉鍚賢早於1992年已經自知患有「糖尿病」,但當時他仍未發脹。(圖片來源:YouTube《健康旦》截圖)

劉錫賢因篤信術數而增磅

其實劉錫賢並非一出道就是一位大胖子,他約於1988年畢業香港演藝學員,及後經黃秋生介紹投身電影圈,初時他的身形亦只能稱得上是「略胖」。然而去到1997年,劉錫賢的星途仍未見太大起色,經朋友介紹之下認識了一位術數師傅,「當時佢同我講:『你嘅命格裡面就係,愈肥就會愈紅,會愈發咁樣』,由嗰時開始,真係愈肥,工作多咗,不斷咁湧埋嚟!以前都係做二、三線,但一去到又做主角,又做主持,好相信,所以當時真係放任咗自己。」然後劉錫賢還透露,因為該段時間有時會北上搵食,食好住好,更笑稱曾經試過一日七餐!

直至近年,劉錫賢幸好有另一半監管,自認很懶惰的他才能從飲食著手重拾健康道路,對比起幾年前,現時的他已經瘦大約三十磅了!

下排左二的的劉錫賢,電影於1989年上映,當時他只有28歲。
下排左二的的劉錫賢,電影於1989年上映,當時他只有28歲。(圖片來源:電影《再見王老五》截圖)
劉錫賢在《縱橫四海》中飾演阿郁。
劉錫賢在《縱橫四海》中飾演阿郁。(圖片來源:《縱橫四海》截圖)
劉錫賢在《我來自潮州》中飾演朱潤,是三大男主角之一,相當經典。
劉錫賢在《我來自潮州》中飾演朱潤,是三大男主角之一,相當經典。(圖片來源:《我來自潮州》截圖)

劉錫賢仲有「亞視忠臣」之稱!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:《思家大戰》截圖、劉錫賢Facebook、《健康旦》截圖、電影《再見王老五》截圖資料或影片來源:原文刊於東方新地