王浩信
王浩信

刑偵日記|王浩信爆同劇男星掛住媾女唔肯對戲 畀晒提示呢個字母開頭

影視娛樂

廣告

王浩信日前接受《Mean Talk》主持人Bob(林盛斌)、江美儀訪問,期間王浩信竟然大爆拍劇時有一個男同事因為顧住媾女,唔肯同佢對戲,更畀晒貼士,話該名男星的英文名開頭字母係W!

文:東方新地|圖:王浩信FB圖片及無綫影片截圖

王浩信 狂谷新劇《刑偵日記》

曾被封為無綫「媾女王」的王浩信,日前上無綫節目《開心大綜藝》接受《Mean Talk》主持Bob(林盛斌)和江美儀訪問,被問到「拍呢套劇遇過最『大細超』嘅待遇係?」王浩信竟然大爆拍劇時遇到有一個男同事因為顧住媾女,唔肯同佢對戲!

刑偵日記
由王浩信和惠英紅、姜皓文等主演的無綫新劇《刑偵日記》,將於本月28日在港播出。(圖片來源:王浩信FB)
刑偵日記
今次上《開心大綜藝》版《Mean Talk》的嘉賓有王浩信、袁偉豪、黎諾懿、黃智雯、菊梓喬和戴祖儀。(圖片來源:無綫影片截圖)
刑偵日記
主持人阿Bob和江美儀。(圖片來源:無綫影片截圖)

王浩信表示:「我試過有一個同事,好鍾意同女仔玩嘅,我一同佢講嘢,都係問佢戲入面嗰啲嘢,佢就話『得得得,你再傾吓先』,跟住就轉番個頭過去。」雖然王浩信拒絕開名,但就畀晒貼士,指該名男星的英文名的開頭字母係W,而且並不在現場。

刑偵日記
已貴為視帝的王浩信,揞名爆有男同事對他「大細超」,只顧媾女,拒絕和他對戲。(圖片來源:無綫影片截圖)

嫌疑人:韋家雄?黃嘉樂?

睇番《刑偵日記》演員表,英文名開頭字母係W的男星,主要嫌疑人只得韋家雄和黃嘉樂,不過兩人中韋家雄已為人夫,黃嘉樂亦已有個感情穩定的女友,王浩信認真大整蠱!

刑偵日記
韋家雄(Wai Kar Hung)已在2018年與在銀行任職的Keynes結婚。(圖片來源:韋家雄IG)
刑偵日記
黃嘉樂(Wong Ka Lok)同攝影師女友Samantha拍拖四年,經常公開放閃。(圖片來源:黃嘉樂IG)

此外袁偉豪被問到最不想和劇中哪位演員再合作,答案竟然係黃智雯,他解釋早兩年和黃智雯合作攞過雙料視帝視后,之後兩年都無嘢做,因此認為她腳頭唔好,黃智雯則指他這兩年娶到好老婆,被袁偉豪反駁:「咪個個都以為我結咗婚就唔使做囉!」

刑偵日記
袁偉豪直言近兩年工作大減。(圖片來源:無綫影片截圖)

而黃智雯就被問到在座哪位演員片酬最高?她笑指在座的片酬跟身高成正比,有人回答應該是黎諾懿,黎諾懿即說:「依家係講片酬高,唔係身家厚喎!」被Bob笑批:「你做人唔可以咁寸㗎!」

刑偵日記
「5億駙馬」黎諾懿自認身家厚過王浩信!(圖片來源:無綫影片截圖)

即睇王浩信《Mean Talk》訪問:

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地