兩餸飯Ali 原來係飯店太子女？大方回應網友追蹤人氣更高

「兩餸飯Ali」反擊戰網民迅速起底

今次終於被網民搵嚟「兩餸飯Ali」個反擊！單睇照片確實真係女神李佳芯 ( Ali ) 同幾分相似，當時「兩餸飯Ali」正為客人裝飯，留有一頭海綠色的長髮、著住緊身上衣，展現青春活力，簡直有叛逆版Ali的感覺！有網民報料，指懷疑「兩餸飯Ali」正正就是兩餸飯店的喜記潮州鹵水飯店太子女，而且只是偶爾會落舖幫忙，希望網民多多支持和關注深水埗喜記。

唔少網民見到佢都表示心心眼，更加搵到「兩餸飯Ali」的Twitter，入面除了真面目外，仲有超級性感照！不過除咗罩的「兩餸飯Ali」就似乎同李佳芯 ( Ali )唔多似啦。

「兩餸飯Ali」本尊大方承認＋一句自嘲被讚

作為有偵探頭腦的網民，已經迅速將「兩餸飯Ali」本尊起底，更將她的Twitter翻出來。被網民公開討論後，「兩餸飯Ali」亦大方在Twitter上承認自相中人就是自己：「唔係成日返鋪頭，但係竟然都比（被）人影到。」她又補充：「本來都打算自己做戲扮比（被）偷拍，點知我影之前已經比（被）人影左（咗），早知道就打扮得好d（啲）。」

她更回應網民否認激似Ali，並貼上照片自嘲：「我咁嘅樣叫”翻版Ali”？？？ 有眼耳口鼻都話似」又於自我介紹時直認自己的相片有修圖：「我唔係靚女，我樣殘，所有圖&片有過分P圖美化」有網民大讚她這個自嘲的行為反映她性格直率坦誠，不自大，是個謙虛的女生。

「兩餸飯Ali」唔怕留言太惡 因為有個傷痛過去？

其後她被網民問到會否因為惡意的評論而影響到情緒，她表示此事只是小事一樁：「好多人關心我突然爆紅會唔會因為留言太惡，影響我情緒病。其實講真，失去最愛嘅人同呢d（啲）留言相比，真係濕濕碎，再惡嘅留言都及唔上被佢拋棄嘅痛。」

「兩餸飯Ali」回應緊身衫指控：純粹係因為我個人骨架大

對於有網民懷疑她刻意穿緊身衫突顯身材，網名Alice Taroa的「兩餸飯Ali」貼上淘寶買衫截圖，表示「冇故意買細碼扮什麼鬼性感吖！ 純粹係因為我個人骨架大咋」