全民造星4
全民造星4

全民造星4 |Marf未出道已有三廣告在手 都不及呢三位落選者咁吸金?

影視娛樂

廣告

今年MIRROR的人氣可謂一時無兩,早前就有指MIRROR加上ERROR在上半年合作共拍攝了超過150個廣告,可見ViuTV出品的藝人商機無限。而最近真人騷節目《全民造星4》熱播,更在香港掀起了不少話題,其參賽者更在正式出道之前已經獲廣告商垂青,搵佢哋出席活動兼拍廣告,當中以大熱門Marf人氣最高,已經出席過三個活動。

文:東方新地|圖:公關提供、參賽者IG

相關閱讀:
MIRROR ERROR半年拍超過150廣告超吸金!盤點近年被Viu藝人擸走的廣告

Marf未出道已經獲廣告商垂青。(圖片來源:IG@marifemarife)
Marf未出道已經獲廣告商垂青。(圖片來源:IG@marifemarife)

Marf三度出席公開活動人氣高

相信有睇過《全民造星4》的觀眾對Marf(邱彥筒)絕對不陌生,她除了在舞蹈、唱歌以及表演都有較其它參賽者優越的水準之外,亦感得花姐、女團經理人阿Wing以及兩位導師許廷鏗和梁祖堯的歡心,最後能否獲得冠軍就未知,不過女團就入咗九成!除止之外,Marf在節目播出期間亦已獲廣告商看中,先後出席了口罩品牌以及兩間時裝品牌的活動。

獲廣告商垂青嘅唔止Marf呀!(圖片來源:IG@americaneaglehk)
獲廣告商垂青嘅唔止Marf呀!(圖片來源:IG@americaneaglehk)

Day、Ivy So都有人爭

其實除了Marf之外,《全民造星4》的其它參賽者亦是商告商的新寵兒,例如最近就有另一位熱門選阿Day許軼出席米線活動、上文提過的口罩品牌活動上亦有Yoyo(葛綽瑤)、Ivy So(蘇雅琳)和Ada仔(姜咏鑫)同場、Marf與許廷鏗出席的服裝品牌活動上又有Win Win(楊安妮)、YoYo(葛綽瑤)、及So Ching(蘇芷晴)。除了出席活動之外,較早被淘汰的阿妹(黃敏蕎)、Emiko(徐嘉蔚)以及Sinnie(吳倩怡)亦已經獲邀請出席《三哥Chill & Chilli》手作市集和音樂會作表演嘉賓。

Day都有份喇!(圖片來源:公開提供)
Day都有份喇!(圖片來源:公開提供)
其實參賽者例如何佩、Tania都有現身撐場。(圖片來源:IG@_nsyee_)
其實參賽者例如何佩、Tania都有現身撐場。(圖片來源:IG@_nsyee_)

三個阿妹出Post密密食

仍然「在生」嘅Marf、Day同Ivy So當然多人Buy啦,不過已淘汰嘅三位藝人阿妹余潔瀅、歐陽巧霖和193妹郭嘉盈的吸金力分分鐘比她們有過之而無不及!三位阿妹勝在本身已經有知名度,加上被淘汰後解開比賽的束縛,密密出IG Post吸金,驟眼睇,余潔瀅及歐陽巧霖都已經有三、四個廣告形式的產品IG Post,而三妹之前亦拍攝了一個衛生巾廣告,雖然醣勞幾多係商業機密,不過有人廣告商搵就係不爭嘅事實。所以話,一個《全民造星》認真商機無限!

余潔瀅都唔會輸,有面膜、濕紙巾等產品Post。(圖片來源:IG@zoe_yuying)
余潔瀅都唔會輸,有面膜、濕紙巾等產品Post。(圖片來源:IG@zoe_yuying)
就咁Cap都見到好幾個產品Post!(圖片來源:IG@bubuubu)
就咁Cap都見到好幾個產品Post!(圖片來源:IG@bubuubu)
3妹拍埋廣告添喇!(圖片來源:IG@michellekky)
3妹拍埋廣告添喇!(圖片來源:IG@michellekky)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地