入廚學整餅 李澤楷女友郭嘉文嫌肥戒宵夜

影視娛樂

廣告

做咗李澤楷女友四年,郭嘉文(Karmen)依舊貼地,從來唔炫耀富貴生活,最近受疫情影響冇得周圍飛去旅遊,Karmen就化身美女廚神,入廚整餅又食好西,睇佢社交網啲相身形仲係好fit,但佢竟然嫌自己肥,話要戒宵夜喎!

原文刊於《東方新地》

貼地女友

之前一直keep住短頭髮的郭嘉文,近月開始留長頭髮,增添不少女人味。疫情期間她愛上整餅整甜品,真係甜到漏!
之前一直keep住短頭髮的郭嘉文,近月開始留長頭髮,增添不少女人味。疫情期間她愛上整餅整甜品,真係甜到漏!
Karmen整餅唔係自私食,佢話大家都食得津津有味,唔知男友李澤楷有冇份呢?
Karmen整餅唔係自私食,佢話大家都食得津津有味,唔知男友李澤楷有冇份呢?

唔使做但又衣食無憂,相信係唔少人夢寐以求嘅心願,2015年港姐季軍郭嘉文(Karmen)就係幸運兒喇!同超級富豪李澤楷拍拖四年,呢位「楷女郎」雖獲贈過億豪宅,但佢依然過住貼地生活,打扮仲同一般後生女無異。

除咗自己入廚整餅,Karmen都四圍搵好嘢食,呢次係去食pancake。
除咗自己入廚整餅,Karmen都四圍搵好嘢食,呢次係去食pancake。
唔好睇Karme細細粒,其實佢好有食力,得閒出去食個All Day Breakfast,真係好寫意。
唔好睇Karme細細粒,其實佢好有食力,得閒出去食個All Day Breakfast,真係好寫意。
身為超級富豪女友,Karmen當然識飲識食,喺屋企叫外賣玩日式燒烤,嘆埋紅酒認真識享受。
身為超級富豪女友,Karmen當然識飲識食,喺屋企叫外賣玩日式燒烤,嘆埋紅酒認真識享受。

甜品愛好者

近月Karmen化身廚娘,喺IG見佢入廚學整甜品,佢話自己最近愛上整甜品,唔止呀!佢仲周圍食好嘢,有pancake啦!All day breakfast啦!喺屋企又食日式燒肉,咁有食力,真係有潛質做美食KOL。不過咁,Karmen同所有女仔都一樣,為食又驚肥,三日唔埋就嗌肥咗好多要自我克制,明明著住小背心牛仔熱褲,條小蠻腰仲好搶眼,佢都話要戒宵夜。其實女仔有啲肉地男人先鍾意㗎!一個唔覺意減到冇晒身材,太瘦骨杉杉咪仲衰。

為食真係好難搞,Karmen呢日就外出買貴價薯片,短裙仔造型露長腿好吸引。
為食真係好難搞,Karmen呢日就外出買貴價薯片,短裙仔造型露長腿好吸引。
避疫留家咁悶,Karmen身穿小背心加牛仔褲,擺埋chok pose影相自娛,小蠻腰成功搶fo。
避疫留家咁悶,Karmen身穿小背心加短牛仔褲,擺埋chok pose影相自娛,小蠻腰成功搶fo。
明明得天獨厚食幾多都咁fit,但Karmen就話自己有小肚腩要減肥,仲話唔可以再食宵夜。
明明得天獨厚食幾多都咁fit,但Karmen就話自己有小肚腩要減肥,仲話唔可以再食宵夜。
李澤楷日理萬機,Karmen亦有愛犬相伴,不時帶埋狗狗外出食飯。
李澤楷日理萬機,Karmen亦有愛犬相伴,不時帶埋狗狗外出食飯。

選港姐攞唔到冠軍唔緊要,最緊要好似15年季軍郭嘉文咁條命生得好,入行後在無綫《東張西望》做個主持仔,一個唔覺意畀李澤楷睇中,時來運到唔使捱,生活無憂乖乖做小小超女友。郭嘉文升呢後依舊貼地,與她相識於港姐時的林凱恩仲友誼長存,兩姊妹keep住密密見,郭嘉文更為林凱恩終身幸福著緊,經常帶住閨密在身邊,躋身上流社會,搵機會介紹筍盤畀林凱恩識。李澤楷身邊友人非富則貴,有郭嘉文出力拉紅線,林凱恩要釣金龜就要把握機會喇!

撰文、圖片:東方新地

林凱恩為李澤楷女友郭嘉文好閨密

由平凡的《東張西望》主持變身李澤楷女友,郭嘉文當然有其過人之處,聽教聽話為人純樸低調就是她的優點,身為其閨密的林凱恩,當年選港姐奪得《友誼小姐》,從此與郭嘉文有影皆雙,二人同年加入無綫互相扶持,即使郭嘉文華麗轉身成為李澤楷身邊人,亦無損她們的感情,日見夜見情如姊妹,去年李澤楷拖郭嘉文現身馬場首次確認關係,林凱恩亦陪伴左右。

小小超唔得閒,郭嘉文與林凱恩就密密見,社交網上有大量閨密合照,攬頭攬頸關係有如親姊妹,郭嘉文更暱稱林凱恩做「寶寶」。
小小超唔得閒,郭嘉文與林凱恩就密密見,社交網上有大量閨密合照,攬頭攬頸關係有如親姊妹,郭嘉文更暱稱林凱恩做「寶寶」。
郭嘉文與林凱恩同於15年參選港姐,郭嘉文是當年季軍,林凱恩只奪「友誼小姐」,二人同齡一拍即合。
郭嘉文與林凱恩同於15年參選港姐,郭嘉文是當年季軍,林凱恩只奪「友誼小姐」,二人同齡一拍即合。
郭嘉文入行後才完成香港城市大學工商管理學學士課程,當年畢業林凱恩亦有到賀。
郭嘉文入行後才完成香港城市大學工商管理學學士課程,當年畢業林凱恩亦有到賀。
郭嘉文桃花運旺,四年前開始與李澤楷交往,蜜運中的她不忘為好姊妹林凱恩謀幸福,出力介紹筍盤給對方。
郭嘉文桃花運旺,四年前開始與李澤楷交往,蜜運中的她不忘為好姊妹林凱恩謀幸福,出力介紹筍盤給對方。
16年情人節,李澤楷與當年23歲的郭嘉文蜜遊東京,去年合體現身馬場公開活動,真正首次公開認愛,閃爆娛樂頭條!
16年情人節,李澤楷與當年23歲的郭嘉文蜜遊東京,去年合體現身馬場公開活動,真正首次公開認愛,閃爆娛樂頭條!

擴大社交圈子郭嘉文幫手拉紅線

林凱恩在無綫機會不斷,17年加入處境劇《愛‧回家之開心速遞》飾演「譚育英(Bonnie)」一角漸為人所認識,同年於台慶劇集《降魔的》內飾演「張佩玲」也獲網民讚賞,去年更於《她她她的少女時代》中飾演要角「張晴」,表現再次受到注目,更憑此角色提名《萬千星輝頒獎典禮2019 》「最佳女配角」及「飛躍進步女藝員」。默默耕耘向上爬的同時,其實林凱恩亦等緊她的Mr.Right出現,據知情者透露,「 Iris(林凱恩 )事業心較重,佢好鍾意演戲,不過眼見 Karmen(郭嘉文 )做咗小小超女友好幸福,佢都想搵個膊頭挨吓。Karmen見好姊妹同阮政峰甩拖後一直冇拖拍,dry成咁,成日搵機會介紹啲朋友佢識,每逢小小超有咩社交聚會,如果可以帶埋 Iris都會預埋佢,主要都係想擴大佢個社交圈,等佢識多啲筍盤睇吓有冇機會發展。」

郭嘉文成為港姐季軍後加入無綫,做過《東張西望》主持又拍過劇做閒角。
郭嘉文成為港姐季軍後加入無綫,做過《東張西望》主持又拍過劇做閒角。
當年出入搭巴士同地鐵,現在今非昔比出入有專車接送,不過她為人低調不愛炫富,所以深得李澤楷歡心。
當年出入搭巴士同地鐵,現在今非昔比出入有專車接送,不過她為人低調不愛炫富,所以深得李澤楷歡心。
成為小小超女友後,郭嘉文即退出幕前,李澤楷曾委任愛將李智康代簽臨時買賣合約入手過億天池屋贈她,又經常帶她出外遊埠玩樂,可見其得寵程度。
成為小小超女友後,郭嘉文即退出幕前,李澤楷曾委任愛將李智康代簽臨時買賣合約入手過億天池屋贈她,又經常帶她出外遊埠玩樂,可見其得寵程度。
男友日理萬機,郭嘉文除了搵閨密林凱恩陪伴,最大的樂趣就是養寵物,除了養了多年的貴婦狗,早前更特別買了芒果蛋糕為愛貓「肥佬」慶祝三歲生日。
男友日理萬機,郭嘉文除了搵閨密林凱恩陪伴,最大的樂趣就是養寵物,除了養了多年的貴婦狗,早前更特別買了芒果蛋糕為愛貓「肥佬」慶祝三歲生日。
在處境劇《愛‧回家之開心速遞》中,林凱恩飾演的Bonnie與飾演廢青安的周嘉洛是一對。
在處境劇《愛‧回家之開心速遞》中,林凱恩飾演的Bonnie與飾演廢青安的周嘉洛是一對。
去年周嘉洛在《萬千星輝頒獎典禮2019》中奪「最佳男配角獎」,林凱恩當場爆喊甚激動。
去年周嘉洛在《萬千星輝頒獎典禮2019》中奪「最佳男配角獎」,林凱恩當場爆喊甚激動。
林凱恩與郭嘉文同樣出身自小康之家,自小父母離異,孝順的她與母親感情要好,當年選港姐也是為了一圓母親心願。
林凱恩與郭嘉文同樣出身自小康之家,自小父母離異,孝順的她與母親感情要好,當年選港姐也是為了一圓母親心願。

早前本刊記者於銅鑼灣時代廣場見到郭嘉文與林凱恩行完街,由司機接送直抵李澤楷位於石澳的大宅,當日林凱恩身穿黑色上衣碎花裙,與好姊妹郭嘉文一樣薄施脂粉,看來想有樣學樣,走清純乖巧路線,希望能遇上一段童話般的姻緣。正所謂近朱者赤,林凱恩有郭嘉文射住,隨時釣到金龜。

這日郭嘉文身穿見光多次的舊外套,相約林凱恩同逛銅鑼灣,之後上了李澤楷為郭嘉文準備的專車離開。
這日郭嘉文身穿見光多次的舊外套,相約林凱恩同逛銅鑼灣,之後上了李澤楷為郭嘉文準備的專車離開。
二人坐上專車直達李澤楷位於石澳的大宅,看來郭嘉文早已入晒屋,以半個女主人身份招待林凱恩返家。
二人坐上專車直達李澤楷位於石澳的大宅,看來郭嘉文早已入晒屋,以半個女主人身份招待林凱恩返家。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地