毒舌大狀|何啟華遲到20分鐘被黃子華寸大牌 事後長文伸冤網民唔Buy!
廣告
賀歲片《毒舌大狀》周六於旺角舉行宣傳活動,為戲中主角「林涼水大律師事務所」進行開幕剪綵儀式。主角之一的阿Dee何啟華@ERROR卻因為遲到,搞到活動延遲20分鐘才能舉行!
Dee何啟華被黃子華寸大牌遲到
《毒舌大狀》一班演員今日齊齊出席旺角宣傳活動,為戲中的「林涼水大律師事務所」進行開幕剪綵儀式。不過主角之一的何啟華因為遲到,所以令活動延遲了20分鐘才能舉行!
![何啟華 黃子華 何啟華 一班《毒舌大狀》的演員今日齊齊出席旺角宣傳活動,為戲中「林涼水大律師事務所」進行開幕剪綵儀式。](https://imgs.orientalsunday.hk/wp-content/uploads/2022/11/aguiltyconscience_movie_317138693_563294789138444_721132153263150861_n_1742699895638303f19a792-1024x770.jpeg)
《毒舌大狀》子華神開聲 Dee哥 嚇到忘記道歉
何啟華一出場就被鬼馬的黃子華寸:「果然身價高嘅人係唔同啲!」偶像此言一出,嚇到遲到的何啟華急急腳話:「唔好咁講」,隨後主持即帶開話題,沒有機會給何啟華解畫,只能在活動後的採訪作解釋,他表示係因為出門的時候遇上阻滯,裂Con之餘升降機又壞咗,所以才會遲到。
![何啟華 黃子華 何啟華 主角之一的何啟華遲到,搞到一出場就被鬼馬的黃子華寸:「果然身價高嘅人係唔同啲!」](https://imgs.orientalsunday.hk/wp-content/uploads/2022/11/317009078_5551158868336882_4327083898826368083_n_5234396066383034205588.jpeg)
Dee何啟華長文伸冤:「我今日絕對無遲到」否認未紅先驕
事後Dee何啟華在社交平台上伸冤,表示自己預早15分鐘返到公司:
我今日絕對無遲到!由於我好重視,仲要比原定梳化時間早15分鐘到,不過發生咗好多小意外。如果我準時到仲大鑊,不過好對唔住大家!
隨即亦寫道自己之所以沒有在活動中解釋,是因為自己當時自己腦海中太混亂,才會一時未有反應過來,更表示自己並沒有未紅先驕,大喊冤枉。
![何啟華 黃子華 何啟華 何啟華IG伸冤,表示自己絕對冇遲到!](https://imgs.orientalsunday.hk/wp-content/uploads/2022/11/img_0722_12980827316383032f3778a.png)
網民唔Buy:「遲到就遲到啦,扮野咁多藉口」
雖然何啟華事後多次為自己伸冤,但網民似乎不太收貨,繼續留言狙擊:「你自己出ig story又話自己冇遲到,仲串串貢話如果準時到好大鑊,呢到又喊冤話自己遲唔係有心,即係點呀?」、「好心啦,解釋即係掩飾,咪講咁多excuse好過,仲講到自己冇問題」、「真係好様衰,遲到仲咁多嘢講,IG仲堅持自己冇遲到,即係黃子華屈你?Deegor 遲到都唔係今日嘅事」等。
![何啟華 黃子華 何啟華](https://imgs.orientalsunday.hk/wp-content/uploads/2022/11/img_0721_2135944793638302f0504af-1024x900.png)
即睇《毒舌大狀》預告中阿Dee何啟華的傾情演出!
《毒舌大狀》影評如何?票房將於何時破紀錄?
《毒舌大狀》票房每日更新(按此看全文)!以往香港賀歲檔期,幾乎都係大堆頭喜劇,容易忽視劇情意義,今次《毒舌大狀》就充滿談論話題 ,有影評點出當中7大必睇細節伏線⋯⋯按此看全文
《毒舌大狀》加長版預計有哪些情節披露?
目前版本的《毒舌大狀》片長 2 小時 15 分鐘,但原來導演的初剪版本超過2 小時 35分鐘,當中備受討論的「加長版」情節包括⋯⋯詳情請看