伍富橋
伍富橋

億萬駙馬伍富橋冧招失效令老婆尷尬 Shirley借李嘉欣名言寸老公

影視娛樂

廣告

伍富橋去年5月迎娶富貴女友梁兆楹(Shirley)後幕前工作大減,加上夫妻生活奢華,男方又住在妻子的5,000尺豪宅中,令伍富橋被冠以「億萬駙馬」之名。不過伍富橋又認真錫老婆,日前為冧愛妻更推出新歌《很多很多份之一》賀結婚一周年,MV放滿了二人的婚紗相,日前更加在時代廣場大銀幕播放,超高調放閃!

伍富橋 伍富橋去年5月8日與Shirley在5,000呎獨立屋註冊結為夫婦,婚後與女家同住。
伍富橋去年5月8日與Shirley在5,000呎獨立屋註冊結為夫婦,婚後與女家同住。(圖片來源:IG@sysleungx)
伍富橋 伍富橋與富家千Shirley結婚一周年恩愛無減。
伍富橋與富家千Shirley結婚一周年恩愛無減。(圖片來源:IG@alvinngfukiu)

伍富橋在時代廣場晒恩愛

伍富橋為慶祝與Shirley一周年,推出新歌《很多很多份之一》憑歌寄意,這一年歷盡風雨受盡外界批評,幾乎一面倒指伍富橋婚後打破腳唔使憂,當中的歌詞「很多風雨很多眼淚 誰在終點抱著睡 慶幸在無盡邂逅 是你在結局大團聚」以及「散落地球在配對 是唯獨你對」,相信已令Shirley冧到震!

而伍富橋近日更加將冧功加碼,其MV有幸在時代廣場的大銀幕播放,他亦專登親身去打卡,拍片分享到個人IG並謂:「我老婆最唔想出現嘅事都出現咗喇」!之後太太Shirley借李嘉欣網絡潮句留言:「我真係恭喜你呀」似乎有弦外之音!平時頻頻晒恩愛的伍富橋今次似乎「閃過龍」搞到有米老婆有啲尷尬啵!

伍富橋 伍富橋愈來愈脹......
伍富橋愈來愈脹……(圖片來源:IG@alvinngfukiu)
伍富橋 自己嘅MV在時代廣場播,伍富橋超興奮!
自己嘅MV在時代廣場播,伍富橋超興奮!(圖片來源:IG@alvinngfukiu)
伍富橋 不過似乎放閃太過火,老婆都要暗寸佢!
不過似乎放閃太過火,老婆都要暗寸佢!(圖片來源:IG@alvinngfukiu)

伍富橋生活休閒喪飲喪食 近貌腫脹顏值完全插谷底

最近伍富橋生活非常悠閒,幕前工作大大減少,經常同富貴老婆周遊列國享受人生!放下工作嘅伍富橋,同老婆旅行都必定選擇乘搭頭等艙,他不時都在IG分享自己食好西的照片,由瑞士、英國、荷蘭再食到去日本,他更透露購物戰利品塞滿十個行李箱,完全係帝皇級的生活享受!

近日伍富橋的身形亦如「身家」一樣暴漲,面部明顯的輪廓完全消失,開始呈現包包面,加上伍富橋穿着鬆身衫,更顯身形肥胖猶如小熊般,同先前比較判若兩人!隨着傳媒報道伍富橋發福走樣,他本人曾於IG開腔回應:「又冇工開,冇機會除衫姐,比我偷懶下都得啩!」伍富橋似乎間接承認冇工開嘅生活,過得非常享受,所以造成今日嘅幸福肥!

伍富橋 伍富橋本身身材非常健碩!
伍富橋本身身材非常健碩!(圖片來源:IG@alvinngfukiu)
伍富橋 伍富橋空餘時間有擔任健身教練,負責教人增肌減脂。
伍富橋空餘時間有擔任健身教練,負責教人增肌減脂。(圖片來源:IG@alvinngfukiu)
伍富橋
(圖片來源:IG@alvinngfukiu)
伍富橋 唔使太遠,兩年前拍《廉政狙擊》時仲係好瘦。
唔使太遠,兩年前拍《廉政狙擊》時仲係好瘦。(圖片來源:IG@alvinngfukiu)
伍富橋 同老婆愈來愈有夫妻相。
同老婆愈來愈有夫妻相。(圖片來源:IG@alvinngfukiu)
伍富橋 同以前爭勁遠!
同以前爭勁遠!(圖片來源:IG@alvinngfukiu)
伍富橋 不少網民都笑指他幸福肥!
不少網民都笑指他幸福肥!(圖片來源:IG@alvinngfukiu)

富千金禮封老公做「伍富馬」

身為麻雀館太子女Shirley去年嫁伍富橋並未有大肆鋪張,因疫情關係二人只在獨立屋、在雙方家長見證下註冊,今次老公在周年紀念送上新歌,Shirley亦罕有撰寫長文為伍富橋發聲,自爆為何閃婚及結婚的內幕,她認為是對的時間遇到對的人,令她有衝動去結婚,為了唔想伍富橋被指又消費老婆,Shirley又為她解釋一輪,總之二人就是真愛無誤,只是外界一直對伍富橋有偏見及有意針對。

在文中Shirley處處維護伍富橋,更為他受到身邊好友抨擊而出頭,表示夫妻同心唔需要別人認同,她用詞非常豪氣,當中「冇人攞住支槍迫我嫁俾你,嫁得,我就預咗。」、「講真我連嫁俾你都夠膽,我仲有咩好怕?」,可見Shirley撐老公心切,她更表示做人一定要學識自嘲「知道嗎?伍富馬?你要成為腐皮絕緣體」。

伍富橋 Shirley在社交網發長文,自爆為何去年會閃婚。
Shirley在社交網發長文,自爆為何去年會閃婚。(圖片來源:IG@sysleungx)
伍富橋 宣布不會再補擺婚宴。
宣布不會再補擺婚宴。(圖片來源:IG@sysleungx)
伍富橋 Shirley指有人惡意中傷,仲話預咗要承受。
Shirley指有人惡意中傷,仲話預咗要承受。(圖片來源:IG@sysleungx)
伍富橋 Shirley直指伍富橋係個好軟弱嘅人,仲叫佢做「伍富馬」。
Shirley直指伍富橋係個好軟弱嘅人,仲叫佢做「伍富馬」。(圖片來源:IG@sysleungx)
伍富橋 Shirley多謝伍富橋的出現,仲話想六世都要一齊過。
Shirley多謝伍富橋的出現,仲話想六世都要一齊過。(圖片來源:IG@sysleungx)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@sysleungx、IG@alvinngfukiu資料或影片來源:原文刊於東方新地