亞視
亞視

亞視推出限量版男星閃卡硬撼MIRROR 網民激讚:贏晒兩個台

影視娛樂

廣告

人氣組合MIRROR和麥記合作,叫炸雞餐送鏡仔閃卡,全城掀起食雞熱潮撲住儲夠一套鏡仔卡﹗正當鏡粉們努力食足四星期炸雞餐的時候,亞視食住熱潮推出男星限量版閃卡,男主角位位份量十足,成功吸like又在網上引起熱討﹗

文:東方新地|圖:FB@ATV 亞洲電視、麥當勞官方圖片
亞視成功捧紅「亞視一姐」薛影儀,為她安排直播音樂會,成為亞視最紅藝人,獲網民熱烈討論,更成功為阿儀接job搵銀﹗亞視又有新搞作,今次是推出亞視男星限量閃卡,第一彈主角有秦沛、潘志文、劉永、羅樂林。

秦沛閃卡(圖片來源:FB@ATV 亞洲電視)
秦沛閃卡。(圖片來源:FB@ATV 亞洲電視)

秦沛閃卡用Anson Lo專用粉紅色

亞視推出的限量版男星閃卡,無論顏色以至字款都跟MIRROR閃卡好相似,秦沛款更為Anson Lo(盧瀚霆)的專用粉紅色,秦沛的西裝袋巾以炸雞取代,字句寫上其經典潮語「你大我呀」,有網民留言指「你大我呀,有聲喎﹗」、「應該用有殺冇賠」、「點解唔係聶萬龍?」,獲得超過二百個like,暫時在四款閃卡中,留言最踴躍﹗

MIRROR盧瀚霆Anson Lo的麥記鏡仔卡用上教主至愛的專用粉紅色。(圖片來源:麥當勞官方圖片)
MIRROR盧瀚霆Anson Lo的麥記鏡仔卡用上教主至愛的專用粉紅色。(圖片來源:麥當勞官方圖片)

羅樂林閃卡惡搞Lokman

而羅樂林閃卡寫上羅樂林的英文譯名「LOKLAM」,似是惡搞MIRROR隊長Lokman(楊樂文),羅樂林的閃卡一手揸槍一手拎炸雞 ,網民留言「 Lokman變Loklam」、「依家人哋叫大龍生喎,變咗同TVB宣傳﹗」、「一日死七次已經夠慘仲要惡搞拎住炸雞」。

(圖片來源:FB@ATV 亞洲電視)
(圖片來源:FB@ATV 亞洲電視)
MIRROR隊長Lokman(圖片來源:麥當勞官方圖片)
MIRROR隊長Lokman(圖片來源:麥當勞官方圖片)

潘志文閃卡同AK撞色

潘志文則寫上其英文名「 PAT POON」,手上拎住一碟炸雞,相當搞鬼﹗

潘志文閃卡(圖片來源:FB@ATV 亞洲電視)
潘志文閃卡(圖片來源:FB@ATV 亞洲電視)
MIRROR江熚生Anson Kong(圖片來源:麥當勞官方圖片)
MIRROR江熚生Anson Kong(圖片來源:麥當勞官方圖片)

劉永古裝出閃卡

劉永則用上當年拍攝《秦始皇》的皇帝造型,眼神凌厲手指指,另一隻手卻拎住碟炸雞,網民紛紛為劉永配上對白「 寡人今日就要殺晒啲雞」、「 炸嘢掌於手中,我有飛滋怎說話?」。

劉永閃卡(圖片來源:FB@ATV 亞洲電視)
劉永閃卡(圖片來源:FB@ATV 亞洲電視)

網民求亞視出陳展鵬閃卡

亞視出男星限量閃卡在網上引起熱烈討論,網民留言想要其他男星閃卡,獲最多票數的是陳展鵬,其次是尹天照、劉志榮、呂頌賢等﹗網民紛紛留言追問下一批閃卡的主角是誰,留言指「我要儲夠 一套」、「我和炸雞有個約會諗得過」、「仆你個街,亞視嚟嘅」、「今次亞視贏晒」。

MIRROR姜濤(圖片來源:麥當勞官方圖片)
MIRROR姜濤(圖片來源:麥當勞官方圖片)

亞視被讚識玩

亞視在facebook出po指推出限量閃卡,其實是為其收費平台宣傳,以「 【ATV男星限量版閃卡登場】第一彈,秦沛、潘志文、劉永、羅樂林…想黐住一眾男神?亞視手機App及串流平台推出優惠!$118年費任睇多套經典電視劇!仲想睇咩男神閃卡,不妨喺度留言畀我哋知道!」被網民大讚亞視的Marketing好識玩,低成本贏話題,「撼低MIRROR﹗贏埋兩台,成為大贏家﹗」亦有網民留言希望亞視推出女星閃卡,一致希望推出萬綺雯的馬小玲出閃卡﹗並指為儲夠一套會密切留意亞視的動向﹗

(圖片來源:IG@rucochan)
(圖片來源:IG@rucochan)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
亞視閃卡