九龍城寨之圍城｜盤點熱血金句成熱搜 古天樂寸爆廣東話對白夠晒貼地！

《九龍城寨之圍城》17句熱血金句（無刪剪、內含劇透）

1. 「城寨嗰浸除，普通人聞到，都調頭走㗎喇。」-龍捲風

龍捲風作為街坊互助會的話事人，對城寨的好與壞了然於胸，深明外界對城寨包娼庇賭的印象難以洗脫，這既定印象變相也是一個保護罩。

2.「隻爛紙鳶飄來飄去，唔知幾時候先可以落地」-龍捲風

古天樂說過電影中每句對白都有多重意思，「紙鳶」作為一個符號，也是城寨人的代表，龍捲風對陳洛軍說這句對白時，既是關心對方的漂泊身世，也為整個城寨三不管的未來感到唏噓。

3.「唔好鬧啲𡃁呀，係我身手快喳」-龍捲風

龍捲風半夜潛入大老闆（洪金寶）私竇，現身其睡床邊歸還洛軍搶走的白粉，暗中拔刀的大老闆似乎要跟龍捲風大戰一場，場面充滿張力，卻被一句對白輕輕化解。

4.「返嚟打柒你個仆街」- 王九

王九在電影開段，跳上巴士追殺陳洛軍不果，向巴士司機洩憤，一句對白已透露狂態。

5.「咁撚敏捷啊？」「你真係Kai㗎喎！」「手都鋸撚斷你」- 王九

王九大暴走，無大無細無定向風對白句句經典，不能盡錄！

6.「我頂。頂。頂。頂。」- 王九

王九勁好打，接近係屈機大反派，就連大老闆都可以親手殺死嘅氣硬功高手，經常講「我頂」運功。

7.「冚家剷搞到唔三唔四」、「等天收」 – 城寨街坊

王九奪得城寨控制權後，大搞白粉生意、搞神打、標童練功吞炭，城寨街坊不敢造次，只能暗裡埋怨。

8.「駛唔駛加頂帽先肯食呀」-龍捲風

叉燒飯加荷包蛋，俗稱「加頂帽」，80年代風味的一句對白。

9. 「腌個豬肉有幾難吖？豆瓣醬、叉燒醬、豉油醬、磨豉醬、南乳、海鮮醬、芝麻醬、老抽、玫瑰露、鹽、糖，配料就更簡單啦，一殼兩殼兩個三個一塊，三殼兩殼三殼一殼七殼」、「可唔可以再講慢啲」 -豬肉佬&陳洛軍

洛軍在城寨努力賺錢，涉足各行各業，不過原來唔係付出勞力就夠，轉數都要好快，腌肉要識急口令！

10.「你瞓得到，唔係因為城寨，而係因為城寨嘅人。」-龍捲風

11.「整撚定㗎，留住自己條命，走出去！」-龍捲風

王九和大老闆殺入城寨要殺陳洛軍，龍捲風犠牲自己為「城寨四少」留下保命逃生之路，苦勸信一劣勢之下保命要緊，一定要帶走陳洛軍。

12.「入得嚟城寨，你幫人、人幫你。」- 四仔

13.「叫雞呀？」-魚蛋妹

有傳這一句敏感對白係後期配音，關於魚蛋妹童星演員起底詳見： 7歲童星王尹菁起底！喊戲一步到位觸發古天樂流露父愛

14.「即係搞事啦」、「叫咗你唔好搞事㗎嘛，打交，下次叫埋我」-信一、龍捲風

城寨中人對「搞事」的定義，隨情況而改變，洛軍入城寨時一舉一動都被視作「搞事」、破壞原有規矩，但當他隔入城寨生活時，開始摸索到「搞事」的說法充滿彈性。

15.「最撚憎啲黑社會」- 四仔

16.「撻佢老母紙巾」-城寨四少

17. 「要贏一齊贏，輸就一齊輸！」-信一

在最後大戰，洛軍與王九一同墮樓打算同歸於盡，二人命懸一線，在天台的信一不捨放手，然後說出這熱血對白，其實「要贏一齊贏，輸就一齊輸！」在另一齣熱血運動港產片《點五步》的經典台詞，重溫2016年港人電影《點五步》8大熱血金句