中年好聲音4｜陳逸璇挑戰「跳崖歌」遭淘汰！淚灑舞台自爆曾陷人生低谷勁心酸

周國豐直指揀錯「詛咒之歌」

對於陳逸璇的表現，評審們都認為問題出在選曲策略上。周國豐直接指出她揀了一首「詛咒之歌」，語重心長地說：「每位參賽者唱呢首歌，都會出現Never Enough，呢首歌太難。」暗示此曲難度極高，容易暴露瑕疵，是比賽中的險棋。張佳添亦同意，並向她表示：「你要檢討嘅唔係歌藝，而係策略，咁難度高嘅歌，在座應該冇邊個會揀。」一語道破她今次的致命失誤並非唱功，而是野心太大，挑戰了不合適的歌曲。

陳逸璇含淚剖白：係《中年好聲音》拉番我出嚟

在宣佈淘汰後，陳逸璇在舞台上情緒失控，一邊強忍淚水，一邊剖白內心世界。她飲泣表示，自己曾滿懷希望成為歌手，但最終卻前路茫茫，更自爆去年陷入困境：「舊年陷入人生低谷，係《中年好聲音》拉番我出嚟，畀番我追夢同人生義意。」她感謝這個舞台讓她重拾目標，最後亦感謝一班戰友的支持，並堅強表示：「就算我唔希望離開，但係我覺得唔難睇。」其真情流露的告白感動了在場所有人。

網民大感惋惜：揀錯歌太可惜！

節目播出後，大批網民對陳逸璇的出局感到非常惋惜，並紛紛留言討論。許多網民都認為是選歌出事：「好可惜，佢唱得好好，但呢首歌真係太難。」、「策略失誤真係致命傷，希望佢唔好放棄！」不少人亦被她的告白觸動：「聽到佢講人生低谷嗰度，我都眼濕濕。」、「《中年好聲音》真係畀咗好多人第二次機會，好感動。」更有網民欣賞她最後的風度：「雖然淘汰咗，但佢講得好好，『唔難睇』，好有風度。」