中年好聲音3丨趙浚承王鄭浚仁合唱鬥「肉酸」 超強表演張佳添激讚有「高潮」
廣告
TVB音樂選秀節目《中年好聲音3》將於本周日(5日)播出第10集,繼上集團戰暨導師分組賽選拔有唔少出色嘅表演外,今集亦將再有精彩嘅合作演出。而評審團除咗固定班底外,今集起劉美君更將出任嘉賓評審;谷婭溦、韋綺姍和謝文雅擔任導師,分別帶領「藍組」、「紅組」以及「綠組」出戰,當中由趙浚承和王鄭浚仁帶來嘅表演更獲評審連連大讚!
中年好聲音3丨張佳添聽到大讚有「高潮」
論演出最耀眼嘅部分,就當然不得不提綠組嘅「雙浚」組合:趙浚承與王鄭浚仁合唱《我不會唱歌》。趙浚承及王鄭浚仁繼上回團戰獻唱《我的歌聲裡》奪得最高分成績後,今次再度合作,大騷增進不少嘅默契。2人嘅合拍程度更獲評審張佳添激讚有「高潮」:「好欣賞合拍度、同步感,就算把聲唔夠blend都好high,高潮,正!」


中年好聲音3丨王鄭浚仁「肉酸樣」得劉美君心
而今集開始出任評審嘅劉美君點評「雙浚」演出時,就將重點落在王鄭浚仁身上,並指其和音過於搶:「你要學識當對方唱主音,你要去襯托佢,頭先有少少搶咗,但overall好鍾意你嘅投入程度,啲肉酸樣出晒嚟,越肉酸就越投入,呢樣我覺得係好好。」



30強導師分組賽隊伍詳情:
紅組(韋綺珊):
何秋平、杜閱、侯靜伊、陳嘉琦、郭偉倫、李創偉、阮慧珊、曹越、劉洋、黄博

藍組(谷婭溦):
劉傳民、蕭偉倫、劉曉昆、高菲、宗倩如、楊炳德、占士丁丁、羅逸軒、陳溢光、張與辰

綠組(謝文雅):
趙浚承、林立峰、陸東成、李金凱、王鄭浚仁、任永健、善玥澄、尤詩郡、陳芷盈、胡家健

將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
撰文:東方新地圖片來源:TVB