中年好聲音｜六強戰結果出爐支嚳儀出局！吳大強突襲韋綺姍引尖叫

《中年好聲音》六強戰的歌曲合唱名單

《一路上有你》李佳+谷婭溦
《一切也願意》龍婷+彭家麗
《我的快樂時代》顏志恒+吳浩康
《不要重播》羅啟豪+張崇德
《Tonight I Celebrate My Love For You》吳大強+韋綺姍
《留住我吧x情人》周吉佩+雷有輝以及
《Can’t Take My Eyes Off You》支嚳儀+林二汶

《中年好聲音》總決賽4月23日晚上直播

《中年好聲音》七強選手昨晚取得總分(由高至低)如下：吳大強(91分)、周吉佩(90)、龍婷 (88分)、李佳(87分)、羅啟豪(84分)、顏志恒(80分)、支嚳儀(80分)。比賽完成後總累積排名分(由高至低):李佳(36分)、龍婷(35分)、吳大強(29分)、周吉佩(29分)、羅啟豪(28分)、顏志恒(27分)、支嚳儀(20分)，結果最低分支嚳儀被淘汰出局，無緣參與決賽。六強選手李佳、龍婷、吳大強、周吉佩、羅啟豪及顏志恒將於4月23日(周日)晚8時30分在《中年好聲音登峯之戰》再作終極一戰，競逐皇者寶座！翡翠台屆時將作現場直播。

中年好聲音｜李佳谷婭溦連對靴都襯埋 「黑白雙煞」Look搶Fo

累積排名分數暫時最高的李佳，與谷婭溦合唱《一路上有你》，同樣細細粒的兩人以黑白雙煞Look上陣，造型上非常合襯，而兩人的歌聲同樣合拍，主持車婉婉笑言：「殺氣好強呀，開埋把聲好有震撼力！」肥媽笑謂：「使唔使咁襯呀，一個黑一個白，連對靴都襯埋，佢哋年齡有啲差距，會唔會唔合拍呢？但出到嚟好合拍喎，好多人合唱好似搶包山咁，但你哋兩個係幫到對方。」

中年好聲音｜龍婷、彭家麗《一切也願意》再有新突破被讚百變 二人玩跳唱神同步

累積排名分數暫時排第二的龍婷今回再有新突破，她與彭家麗跳唱《一切也願意》，兩人以黑色型格西裝Look上陣大晒性感舞姿，跳舞動作更是神同步，十足雙妹嘜，陳潔靈大讚龍婷夠大膽：「嚟到準決賽，仲可以咁大膽去改變自己形象，好鍾意你嗰種魅力。」張佳添則指樂於見到龍婷再次突破自己：「Show到畀我哋睇你係百變嘅，今次你嘅表演唔再係旺角Busking嘅歌手，而係舞台上面嘅歌手！」

中年好聲音｜吳大強跌落谷底Chur爆韋綺姍　台上玩「突襲」引爆尖叫

上集陷入危機的Bill哥哥吳大強化身緊張大師，瘋狂Chur爆韋綺姍練歌，令韋綺姍忍不住對他說：「你唔好整到我咁Stress啦！」去到正式比賽時，兩人以黑金Bling Bling造型上陣，外型上襯到絕，而表演去到尾聲時，Bill哥哥在台上玩突襲對韋綺姍做了一個大膽舉動，結果引爆全場尖叫不斷！究竟與韋綺姍鬧意見分歧的大強，最終又能否走出被淘汰的危機？

累積排名分數揭曉 2位90+選手誕生

至於累積排名分數暫時最低的支嚳儀，與林二汶合唱《Can’t Take My Eyes Off You》，今集「黃金戰衣」上身的支嚳儀重啟甜美Mode，在台上獻唱時又扭又跳，活力十足，惟支嚳儀比賽前失聲了三天，她賽前直言：「前幾日失咗聲， 好感恩今日有啲聲喇，我點都會盡力而為，就算走音我都要唱！」《中年好聲音》進入白熱化階段，七強選手實力不容忽視，有2位90+選手誕生，究竟哪兩位選手大爆發？

記得留意周日播出的《中年好聲音》，節目改於周日晚9點半翡翠台播出。