中女扮少女 35歲傅穎狂晒ipad身材

影視娛樂

廣告

傅穎趁住六一國際兒童節,喺IG以長文發表童真論,講完一大輪都唔知佢噏乜,不過上載咗兩張懶有仙氣嘅露罅相,應該係想話畀大家知佢keep得好好,一啲都唔似35歲啩!

原文刊於《東方新地》

 為慶祝六一國際兒童節,傅穎應節上載谷到盡嘅小朋友身材,微波微罅派福利。
為慶祝六一國際兒童節,傅穎應節上載谷到盡嘅小朋友身材,微波微罅派福利。

中女扮少女 35歲傅穎為ipad身材自豪

 傅穎發表完一大輪童真論,真係有幾多人會明佢講緊啲乜?
傅穎發表完一大輪童真論,真係有幾多人會明佢講緊啲乜?
 傅穎副ipad身材好易認,不過睇嚟佢就好欣賞自己喇,自戀程度爆晒燈!
傅穎副ipad身材好易認,不過睇嚟佢就好欣賞自己喇,自戀程度爆晒燈!

九唔答八童真論

出道廿年以來都是非多多,真心好友都唔多個嘅傅穎,能夠喺圈中生存至今都算係奇跡,日前佢喺IG晒出近照,著住性感小背心,盡騷纖幼四肢同埋僅有嘅事業線,從來自我感覺良好嘅佢,仲文青上身有感而發,留言指做人應保持童真,佢將自己嘅真理化成文字,真係好難解讀,唔怪得以前出書都係出繪本多啦!

 去年底回流返港嘅傅穎,喺電車站影女神相。
去年底回流返港嘅傅穎,喺電車站影女神相。
 另一張喺中環取景,又係Chok爆擺甫士。
另一張喺中環取景,又係Chok爆擺甫士。

回流香港避炎

十年前敗走香港北上搵食嘅傅穎,早已列入香港娛樂圈失蹤人口,點知一個新冠肺炎將佢帶返嚟香港,仲話等緊拍ViuTV新劇《熟女強人》,因為飾演一名女同志,所以要積極減肥喎!印象中傅穎由Cookies到依家都係ipad身材,平胸兼S身形欠奉,最殺食都係一雙白滑美腿,近年佢返國內發展,連個樣都變得國內化。

 傅穎喺IG貼出修身成果對比照,聲稱經日夜勤力鍛鍊下,由52kg跌至45.9kg,唔止腰部線條出番晒嚟,腹部仲開始練出馬甲線,佢撰長文:「年初開始的減肥之路走到今天,剛好3個月,左邊的是去年7/8月在瑞士旅遊時拍下的,哈哈哈哈哈,當時也是因為看到自己這麼肥,忍不住要拍下來,心想能養到自己這種身材的女演員,心到底有多大才能做得到。」
傅穎喺IG貼出修身成果對比照,聲稱經日夜勤力鍛鍊下,由52kg跌至45.9kg,唔止腰部線條出番晒嚟,腹部仲開始練出馬甲線,佢撰長文:「年初開始的減肥之路走到今天,剛好3個月,左邊的是去年7/8月在瑞士旅遊時拍下的,哈哈哈哈哈,當時也是因為看到自己這麼肥,忍不住要拍下來,心想能養到自己這種身材的女演員,心到底有多大才能做得到。」
 成功將體重減至45kg,傅穎分享咗自己的瘦身方法,其中一個好簡單,就係多飲水,佢話:「要飲多啲水,先會瘦到㗎~成年人每日飲2000-3000cc,可以加速新陳代謝,原本想買隻500ml嘅杯方便飲水,結果落錯單買咗隻800ml,係有啲重咁囉,但以後唔洗再斟咁多轉。」
成功將體重減至45kg,傅穎分享咗自己的瘦身方法,其中一個好簡單,就係多飲水,佢話:「要飲多啲水,先會瘦到㗎~成年人每日飲2,000-3,000cc,可以加速新陳代謝,原本想買隻500ml嘅杯方便飲水,結果落錯單買咗隻800ml,係有啲重咁囉,但以後唔洗再斟咁多轉。」

扮專家教人減肥

傅穎減得嗰十磅八磅就自封減肥專家,不時喺IG自拍騷身材,展示減肥成果,佢話自己全靠努力做運動再配合飲食去減肥,鬼唔知阿媽係女人,仲話要多飲水,齋飲水唔食嘢一定瘦啦!

 返港後傅穎立誓要減肥,仲同自己講今年要瘦成仙女一樣,咁啱識咗健身教練Karl,經過三個月一對一操練,變成依家嘅佢喎!
返港後傅穎立誓要減肥,仲同自己講今年要瘦成仙女一樣,咁啱識咗健身教練Karl,經過三個月一對一操練,變成依家嘅佢喎!
 呢張相完全張傅穎嘅ipad身材表露無遺,唔少網民都嫌佢太瘦冇睇頭。
呢張相完全張傅穎嘅ipad身材表露無遺,唔少網民都嫌佢太瘦冇睇頭。
 練出馬甲線嘅傅穎沾沾自喜,不時喺IG晒線。
練出馬甲線嘅傅穎沾沾自喜,不時喺IG晒線。

健身變習慣

傅穎表示只係行咗一小段路咋,佢話減肥之路仲有一輩子要走,以前佢會話:「減肥係女藝人嘅終身事業。」依家嘅佢會話:「我要將健康飲食同健身變成習慣,而呢個習慣將會戒不掉☺️。」其實依家潮流興童顏巨乳,蜜桃胸同蜜桃臀先至受歡迎,傅穎不如諗方法練大個胸先講啦!瘦到零脂肪有鬼用咩?

 傅穎自製低脂香蕉沙冰,拎住條蕉拍短片,學人做KOL。
傅穎自製低脂香蕉沙冰,拎住條蕉拍短片,學人做KOL。
 出道廿年都係食老本,傅穎不時出po大晒性感女神相,keep住一班忠實鐵粉。
出道廿年都係食老本,傅穎不時出po大晒性感女神相,keep住一班忠實鐵粉。
 露腰姣po盡出,35歲傅穎以為自己影緊寫真。
露腰姣po盡出,35歲傅穎以為自己影緊寫真。
 頭髮濕濕解開褲頭,傅穎一副戰鬥格。
頭髮濕濕解開褲頭,傅穎一副戰鬥格。
 睡衣look露白滑美腿,唔睇樣都似少女嘅!
睡衣look露白滑美腿,唔睇樣都似少女嘅!
 當年卜卜脆嘅傅穎,喺Cookies中既唔係顏值擔當又唔係身材擔當,32A身材冇睇頭,歌藝同舞技同樣麻麻,能夠捱到今時今日,究竟係憑甚麼呢?
當年卜卜脆嘅傅穎,喺Cookies中既唔係顏值擔當又唔係身材擔當,32A身材冇睇頭,歌藝同舞技同樣麻麻,能夠捱到今時今日,究竟係憑甚麼呢?

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

關鍵詞
iPad傅穎

最新吃喝玩樂資訊