不可能任務｜戴祖儀跳樓梯拗柴爆喊張振朗曾被質疑唔係男人

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Feb 11 2022

無綫推出全新熱血綜藝節目《不可能任務》，安排藝人分別接受「動作特技考驗」及「特警遴選體驗」兩大不可能挑戰；首項挑戰任務為「動作特技考驗」，任務隊長為張振朗，隊員則有戴祖儀、孔德賢、劉頌鵬、杜穎珊等，結果戴祖儀在特訓中表現唔達標，自責到喊！

為了向在不同崗位默默耕耘的專業人士致敬，讓觀眾及參與節目藝人更深入了解各行各業不為人知的艱辛面，無綫推出全新熱血綜藝節目《不可能任務》，安排藝人接受不同的考驗。（圖片來源：） — 為了向在不同崗位默默耕耘的專業人士致敬，讓觀眾及參與節目藝人更深入了解各行各業不為人知的艱辛面，無綫推出全新熱血綜藝節目《不可能任務》，安排藝人接受不同的考驗。（圖片來源：無綫提供）

《不可能任務》進行武師特訓

無綫新節目《不可能任務》首項任務是要8位藝人接受香港動作特技演員公會會長錢嘉樂，及國際級動作導演林迪安為期十天的龍虎武師基本功訓練，包括拉筋、側滾翻、前滾翻、片腿、跨腿以及如何做反應等。一眾藝人卻各有各「倒瀉籮蟹」，當中戴祖儀（Joey）不但在拉筋環節中叫苦連天、柔軟度比男隊友還遜色；之後在翻滾訓練環節，戴祖儀雖有完成整套動作，但全程不是Kick住Kick住便是美感欠奉，連她自己亦大感不滿意。

戴祖儀一開始已經嗌到拆天。（圖片來源：） — 戴祖儀一開始已經嗌到拆天。（圖片來源：無綫提供）

戴祖儀被指柔軟度不及男士。（圖片來源：） — 戴祖儀被指柔軟度不及男士。（圖片來源：無綫提供）

戴祖儀怕成為豬隊友

自感技不如人的戴祖儀深怕連累隊友，最終忍不住流下自責的淚水：「我好驚我太fresh會影響大家嘅進度，我冇乜自信，但又唔想畀人知。所以我會加倍開心同加倍有反應！我其實冇整親，我只係唔明點解我做極都做唔到，我知技巧喺邊，但我都依然係每次都做唔到。任何踢腿類型動作都好難，自己一直知道呢個問題，但一路冇處理，到今日見到兩位大前輩，就係一個狀態最差嘅自己。」

戴祖儀與杜穎珊同樣表現唔達標，二人都頭耷耷眼濕濕。（圖片來源：） — 戴祖儀與杜穎珊同樣表現唔達標，二人都頭耷耷眼濕濕。（圖片來源：無綫提供）

戴祖儀硬手硬腳做側滾翻。（圖片來源：） — 戴祖儀硬手硬腳做側滾翻。（圖片來源：無綫提供）

戴祖儀擔心喊樣出街

隊長張振朗坦言擔心戴祖儀：「可能大家認識嘅Joey係樂天、鍾意玩、好chill嘅女仔，估唔到佢會因為做唔好啲動作而喊出嚟。」戴祖儀事後接受無綫娛樂新聞台訪問時坦言，自己是首次不是因為劇情需要在鏡頭前真喊：「仲要喊到成個豬頭咁，我依家好擔心出到街會唔會好樣衰。」戴祖儀又笑指經歷是次訓練後，更懂得如何「迎難而上」。

對於自己表現強差人意，戴祖儀流下自責淚水。佢仲好搞笑咁話，眼淚冇滴到落嚟都唔算喊，勁可愛。（圖片來源：） — 對於自己表現強差人意，戴祖儀流下自責淚水。佢仲好搞笑咁話，眼淚冇滴到落嚟都唔算喊，勁可愛。（圖片來源：無綫提供）

第二集腳眼反艇

正因為戴祖儀深怕連累隊友，戴祖儀份外緊張，結果第二集終於在一個跳樓梯的動作中落點失誤踩梯級嚴重拗柴，睇到佢都覺得痛！不過即使戴祖儀失誤受傷，但動作指導林迪安卻即時向現場所有「學員」訓話，再次強調安全的重要性：「你睇返啲片我係叫過你哋幾多萬次，點解唔好踩梯級邊，一定要在梯級上著地，點解講咗你哋都唔聽，你哋唔明嘅咩？呢啲咁簡單嘅道理。作為武術指導，都會覺得自己好慚愧呀，或者係一種羞辱，明知呢啲咁嘅嘢，都會畀人哋整親嘅咁！我講咗好多好多次，一定要望住呢度（指梯級），一定要落呢度，但你（戴祖儀）落唔到嗰度。」事後戴祖儀雖然在節目上故作鎮定，但第二集結束之後，她將自己的傷勢方上IG，真係腫到豬蹄呀！連網民都戥佢心痛！再次激灑當場，林迪安亦上前安慰。

（圖片來源：IG@joeythyee）

張振朗曾被嘲唔係男人

原來是次是由張振朗主動提出挑戰龍虎武師這項任務，並主動致電錢嘉樂出手幫忙，張振朗在節目中亦透露選擇挑戰這任務的原因：「當年我第一次拍動作戲，套劇係《包青天（再起風雲）》，要連續三十日拍打戲。當時個武指出名好猛，猛話我：『你係咪男人嚟，咁都做唔到？』我好記得有個動作我要原地捉住譚俊彥隻手再扯番上隻馬度，我因為咁墜咗好多次馬，但成個過程最開心係聽到人哋話『你終於似番個男人』，我覺得咁樣辛苦都係值得嘅。」