一舞傾城｜陳星妤變「空中飛人」騷無敵美腿 險失守再走光！

星妤獲網友讚靚女：係初戀呀！

今晚一集將有陳星妤吊威吔拍戲畫面，樣子甜美的星妤吊着威吔飛來飛去，其中一個鏡頭陳星妤從高空降落，在上升氣流影響下，星妤晒出無敵美腿，十足仙女下凡，不過「下凡」一刻陳星妤爭啲又走光！TVB 官方平台日前發出星妤吊威吔預告片，獲網友大讚：「好有明星氣質」、「KK 女神，最靚女」、「樣子甜美楚楚可憐想保護她，係初戀呀。」

講到吊威吔，星妤受訪時透露今次並非第一次：「之前選港姐時都吊過一次，吊威吔都幾驚㗎，但又要顧住個樣，因為要做到好 Enjoy 咁。」問到對拍古裝有否興趣？星妤笑言：「我好有興趣呀，自己都好期待將來可以參演古裝片。」

趙碩之「媽媽係兔仔」惹網友同情

此外，《一舞》自播出以來深受內地網友歡迎，在微博關於「一舞傾城」的話題突破 4 億閱讀量。其中「#一舞傾城句句誅心#」的話題，內容是趙碩之飾演的要獨力湊大仔仔的單親媽媽媚媚，眼見仔仔因自己的舞小姐身份慘受同學欺凌，遂以「媽咪唔係雞，媽媽係兔仔」氹番仔仔，這場戲令網友深受感動，成功勁吸逾7,700 萬閱讀量。

《獎門人》陳星妤 舉高雙腳春光乍現

之前在《獎門人》節目中，陳星妤和傅嘉莉一齊玩「過過過」環節，由穿著超短牛仔熱褲的陳星妤負責坐在地上，用腳掌夾實化妝品，於傅嘉莉臉上畫妝，期間舉高雙腳的陳星妤正面面對鏡頭，熱褲下的春光幾乎一覽無遺，而畫面更被直接播出街。