黎明演唱會|有專頁小編想集氣搵MIRROR做黎明騷尾場嘉賓 與粉絲掀罵戰
黎明演唱會|有專頁小編想集氣搵MIRROR做黎明騷尾場嘉賓 與粉絲掀罵戰

黎明演唱會|有專頁小編想集氣搵MIRROR做黎明騷尾場嘉賓 與粉絲掀罵戰

黎明一連9場的《Leon黎明Talk & Sing 2021紅館演唱會》頭3場分別有林海峰、鄭秀文和林日曦做嘉賓,到第4、5場卻未有邀請嘉賓,由黎明一個踩足全場,有社交網專頁的小編因此出post呼籲網民「齊齊集氣要鏡仔」,仲話:「如果尾場真係有鏡仔,我覺得真心完美交棒~」引來眾多黎明粉絲不滿,與該名小編在網上掀起連番罵戰,結果連「鏡粉」都被小編焫㷫埋!

文:東方新地|圖:演唱會發相及網民留言截圖

專頁小編寸黎明要「自己請自己」

有社交網專頁的小編日前出post指黎明演唱會第4場無嘉賓,要「自己請自己」,因此呼籲網民「齊齊集氣要鏡仔」,仲話:「如果尾場真係有鏡仔,我覺得真心完美交棒~」並引用了MIRROR歌曲〈Warrior〉歌詞「浩浩蕩蕩迎來另一新世紀」,引來眾多黎明粉絲不滿,鬧爆小編︰「唔好講到全世界都鍾意MIRROR,好似得MIRROR有唱歌有Fans咁!」、「乜嘢集氣?交乜嘢棒?點解要混為一談,係咪搞錯地方,要追鏡仔咪去ViuTV,可唔可以唔好玩到咁爛!」

有社交網專頁的小編日前出post寸黎明演唱會第4場因為冇嘉賓要「自己請自己」,但留意番佢有一個「己」字係寫錯咗做「已」字。(圖片來源:專頁留言截圖)
有社交網專頁的小編日前出post寸黎明演唱會第4場因為冇嘉賓要「自己請自己」,但留意番佢有一個「己」字係寫錯咗做「已」字。(圖片來源:專頁留言截圖)
小編呼籲網民「齊齊集氣要鏡仔」,因此被黎明粉絲鬧爆。(圖片來源:專頁及網民留言截圖)
小編呼籲網民「齊齊集氣要鏡仔」,因此被黎明粉絲鬧爆。(圖片來源:專頁及網民留言截圖)
小編還引用了MIRROR歌曲〈Warrior〉的歌詞「浩浩蕩蕩迎來另一新世紀」,來形容其所指的「交棒」。(圖片來源:MIRROR IG)
小編還引用了MIRROR歌曲〈Warrior〉的歌詞「浩浩蕩蕩迎來另一新世紀」,來形容其所指的「交棒」。(圖片來源:MIRROR IG)

粉絲反駁:買飛入場係睇Leon

有不少粉絲都認為黎明演唱會無嘉賓更好,紛紛表示:「現在睇Leon,點解講到其實想睇嘉賓?」、「我入場淨係想睇Leon」、「寧願冇嘉賓,佢可以唱多幾首」、「雖然我好愛黎明,但都係覺得佢適合sing多過talk or dance」、「買飛入埸係睇Leon,唔係睇嘉賓,錯哂重點」等等。

有粉絲認為黎明適合sing多過talk or dance。(圖片來源:演唱會發相)
有粉絲認為黎明適合sing多過talk or dance。(圖片來源:演唱會發相)

黎明演唱會|有專頁小編想集氣搵MIRROR做黎明騷尾場嘉賓 與粉絲掀罵戰粉絲都認為冇嘉賓仲好。(圖片來源:網民留言截圖)

粉絲話想聽黎明唱多啲歌。(圖片來源:網民留言截圖)
粉絲話想聽黎明唱多啲歌。(圖片來源:網民留言截圖)
話無嘉賓仲好!(圖片來源:網民留言截圖)
話冇嘉賓時黎明講嘢部分長咗!(圖片來源:網民留言截圖)
林日曦分享了與黎明同場手拖手的照片。(圖片來源:林日曦IG)
黎明演唱會頭3場分別邀請了林海峰、鄭秀文和林日曦做嘉賓。(圖片來源:林日曦IG)

亦有大批粉絲針對「交棒」這言論大表不滿,留言:「呢個係黎明演唱會,點解要集氣請咩鏡仔?更加唔明交咩棒?完全唔同級數嘅人,唔該唔好拉埋嚟講!」、「交棒,講到好似叫人收山咁」、「冇咩交唔交棒,黎生從來唔刻意搞gimmick嘢,要培育新人佢一直都有做。如果真係請鏡仔做嘉賓都一定有佢既用意,而唔係為製造話題。」

有粉絲對「交棒」言論極為不滿,希望集氣炒咗小編。(圖片來源:網民留言截圖)
有粉絲對「交棒」言論極為不滿,希望集氣炒咗小編。(圖片來源:網民留言截圖)
有較「理智」的粉絲希望黎明和MIRROR可以共存。(圖片來源:網民留言截圖)
有較「理智」的粉絲希望黎明和MIRROR可以共存。(圖片來源:網民留言截圖)
黎明演唱會|有專頁小編想集氣搵MIRROR做黎明騷尾場嘉賓 與粉絲掀罵戰
演唱會首場黎明與嘉賓林海峰合唱姜濤Hit歌〈蒙著嘴說愛你〉,曾令一眾「鏡粉」相當驚喜。(圖片來源:演唱會發相)

小編繼續寸:香港人怨氣好大

但該名專頁小編隨後竟「還拖」反駁網民,令罵戰極速升級,其「駁嘴」留言包括有:「冇嘉賓就淨睇明仔;有嘉賓就either大家開心吓or廁所位,各取所需。」、「香港人怨氣好大(十分理解)。」、「佢冇嘉賓,我唔會Expect;佢有嘉賓,晚晚不同(vs晚晚大致一樣嘅Rundown),自然是talking point,也是主辦的用意,唔係請嚟做乜?」等等。

小編被粉絲鬧爆後,連環「還拖」反駁粉絲。(圖片來源:網民留言截圖)
小編被粉絲鬧爆後,連環「還拖」反駁粉絲。(圖片來源:網民留言截圖)
小編話自己只係講吓自己個Wishlist啫。(圖片來源:網民留言截圖)
小編話自己只係講吓自己個Wishlist啫。(圖片來源:網民留言截圖)
小編在留言中以「明仔」稱呼黎明。(圖片來源:演唱會發相)
小編在留言中以「明仔」稱呼黎明。(圖片來源:演唱會發相)

小編的「廁所位」言論隨即焫㷫埋「鏡粉」,令「鏡粉」和黎明粉絲們一齊留言反擊:「廁所位你都講得出,小編你有冇尊重過嘉賓,有冇尊重過請嘉賓嘅主人家?」、「Leon有自己嘅粉,12鏡仔亦有佢地嘅鏡粉,點解要混埋呢講?」、「嘉賓黎明自己請㗎,唔係主辦單位,黎明不嬲都係只係想做自己鍾意嘅野,尤其演唱會,所以唔係為咗乜嘢talking point,我只需要睇黎明就足夠!」

小編的「廁所位」言論同時焫㷫晒「鏡粉」和黎明粉絲。(圖片來源:網民留言截圖)
小編的「廁所位」言論同時焫㷫晒「鏡粉」和黎明粉絲。(圖片來源:網民留言截圖)
黎明粉絲表明唔需要「廁所位」。(圖片來源:網民留言截圖)
黎明粉絲表明唔需要「廁所位」。(圖片來源:網民留言截圖)
「鏡粉」更直斥小編挑撥離間。(圖片來源:網民留言截圖)
「鏡粉」更直斥小編挑撥離間。(圖片來源:網民留言截圖)
黎明粉絲話買飛只係為咗睇黎明!(圖片來源:演唱會發相)
黎明粉絲話買飛只係為咗睇黎明!(圖片來源:演唱會發相)

最新吃喝玩樂資訊