黃貫中
黃貫中

黃貫中踩入NFT市場形容似嫁女!欲回購作品被老婆朱茵責罵

影視娛樂

廣告

黃貫中(Paul)近日為《黄貫中歌曲翻唱大賽》擔任線上評審,不但逐一回應粉絲提問,也寄語參賽者盡情享受舞台;席間還預告有望於年內推出全新實體專輯,用音樂回饋「中粉」。

為NFT親繪六十個封面

作為首位融合AI科技呈現原創歌曲並發行NFT的華語歌手,黃貫中(Paul)直呼好玩,也笑言與HarmoniXX的AI「合作」愉快,撞出新滋味!談到出自他手筆的《彗星》封面均與狗有緣,他笑言歌迷看到的四大結晶只是冰山一角,原來他竟親自繪畫了近六十幅畫作任君選擇:

「我由出世到依家一直都有養狗,所以好鍾意畫狗,今次就順理成章做埋NFT。其實我準備咗五、六十幅畀佢哋揀,多到佢哋叫我唔好再畫,所以最後揀咗四幅。」

黃貫中 黃貫中Paul)日前在個人畫室為《黄貫中歌曲翻唱大賽》擔任線上評審。
黃貫中(Paul)日前在個人畫室為《黄貫中歌曲翻唱大賽》擔任線上評審。(圖片來源:新傳媒圖片庫)
黃貫中 Paul為NFT歌曲《彗星》親自繪畫近六十個封面。
Paul為NFT歌曲《彗星》親自繪畫近六十個封面。(圖片來源:新傳媒圖片庫)

黃貫中踩入NFT市場似嫁女

從傳統歌壇踩入NFT市場,Paul認為元宇宙的創作環境廣闊多元,有助音樂人建構更多可能性:「做音樂做咗幾十年,突然面對一個新媒體,我哋都會緊張,一開始都會有啲擔心,唔知大家接唔接受;不過NFT音樂係一種全新面貌,見到一個全新嘅音樂展現,我覺得好興奮!」

他也笑言正因為音樂NFT《彗星》限量發行2000枚,更突顯每個「寶貝」獨一無二,令他一度不捨「女兒出嫁」:「我好鍾意其中幾個版本,同事都叫我自己買返,我真係有諗過買㗎!不過後來又諗,出歌都係想畀大家聽到,無理由仲要同歌迷爭,我老婆都鬧我:『你唔好啦,搶人哋啲嘢!』」

黃貫中 Paul認為元宇宙的創作環境廣闊多元。
Paul認為元宇宙的創作環境廣闊多元。(圖片來源:新傳媒圖片庫)
黃貫中 Paul曾想購入自家NFT,卻遭到老婆朱茵反對。
Paul曾想購入自家NFT,卻遭到老婆朱茵反對。(圖片來源:新傳媒圖片庫)

寄望新碟成代表作

有人辭官歸故里、有人漏夜趕科場,人人都說唱片業式微、專輯沒落,Paul卻反其道而行,向廣大「中粉」投下震撼彈,有望於年內推出實體唱片!回溯上一隻個人專輯,已經是2013年發行的精選輯;十年磨一劍,全因為堅持做靚聲、重現音樂精神:「由作曲開始已經構思好每一粒音,呢隻碟做咗幾年喇,希望一路修正,可以喺今年內推出;中間有歌做好都會派台、儲夠就出碟,可能一隻、又或者兩隻,三隻都有機會㗎。」

黃貫中 相隔多年,Paul有望於年內推出全新實體專輯!
相隔多年,Paul有望於年內推出全新實體專輯!(圖片來源:新傳媒圖片庫)

Paul:出唱片係好勇敢嘅行為

至於新碟概念,Paul視它為一個交代、一份回顧,也希望藉此傳承下去:「對我嚟講係一張成績表、係我呢一生人做音樂嘅成績表,我由八幾年開始出唱片,就快四十年喇,我都希望自己有一個里程碑。有啲人會話:『你做咗幾十年仲出唱片?』因為呢個年頭出唱片真係一個好勇敢嘅行為,但係我認為我唔可以唔出,因為我係一個音樂人,希望呢隻唱片對自己有個交代。他日真係老到結他都彈唔到,我就會叫大家:『聽呢隻啦!』希望新專輯可以扮演呢個角色。」他更透露有意再出書,實行以音樂和文字為歌迷送上最窩心的禮物。

黃貫中 Paul視新碟為一個交代、一份回顧,也希望藉此傳承下去。
Paul視新碟為一個交代、一份回顧,也希望藉此傳承下去。(圖片來源:新傳媒圖片庫)
黃貫中 Paul透露有意再出書,實行以音樂和文字為歌迷送上最窩心的禮物。
Paul透露有意再出書,實行以音樂和文字為歌迷送上最窩心的禮物。(圖片來源:新傳媒圖片庫)

撰文:東方新地圖片來源:新傳媒圖片庫

最新吃喝玩樂資訊