黃翠如
黃翠如

黃翠如生日!|蕭正楠送女友蘋果樹蛋糕|原來暗藏浪漫含意…

影視娛樂

廣告

今日係黃翠如 37 歲生日,身為男友的蕭正楠當然有晒準備!特登為女友搞咗個生日會慶祝,仲別出心裁為女友製造驚喜,送出一個巨型蘋果樹蛋糕!不過原來呢個蘋果樹蛋糕暗藏男友浪漫含意!

撰文:東方新地|圖片:Instagram、新傳媒圖片庫|原文刊登:《東方新地

黃翠如37歲生日會

黃翠如今日 37 歲生日,男朋友蕭正楠就大搞咗一個全男班嘅生日會同女友翠如BB慶祝,包括曹永廉、楊潮凱、區永權、袁偉豪等都有到場為壽星女祝賀,認真夠晒熱鬧!

各位猛男仲大合唱咗首生日歌送畀壽星女,有男朋友同成班型男齊齊為自己唱歌,成功氹得翠如BB勁開心!

個個男士都落力為壽星女唱生日歌,絕對唔係兒戲了事!

蕭正楠送蘋果蛋糕

有咁多人同翠如BB慶祝生日,生日蛋糕又點止得一個呀?踏正12點,壽星女就捧出第一個生日蛋糕。其後,男友蕭正楠再捧出一個巨型蘋果蛋糕!

蕭正楠送嘅呢個巨型大蛋糕造型非常特別,猶如無重量限制咁掛喺樹上,唔講都唔知原來係一個真正食得嘅蛋糕!

蘋果樹蛋糕暗藏浪漫含意

不過原來蕭正楠之所以揀蘋果樹蛋糕,原來係源自於二人嘅定情劇《師奶Madam》,當時黃翠如於劇中飾演花蘋,而蕭正楠就飾演羅大樹。

因此,今次蕭正楠送心形大樹裡有一個大蘋果嘅生日蛋糕,明顯係想表達羅大樹一直深愛住花蘋!果然好有心思之餘,仲好浪漫!

黃翠如更喺個人社交網開心留言:「謝謝蕭一,為我準備了一個全男班的生日飯,一班男人的約會,總覺得我也是男人的一分子。謝謝各位俊男,祝黃二我生日快樂。」睇嚟壽星女今年生日應該好難忘啦!

黃翠如買康樂園做嫁妝

黃翠如貴為一線花旦,吸金能力不容忽視,入行多年的她一直希望靠自己上車買樓,日前本刊記者見她揸車到大埔娘家接完三妹黃麗茵,再駛去大埔康樂園睇樓,知情者透露:「翠如娘家喺大埔,所以佢都想買番大埔嘅樓,佢依家嘅同居竇華景山莊係Edwin同屋企人買,翠如好想有個自己夢寐以求嘅愛巢,康樂園嘅獨立屋就最啱佢心水。」現時康樂園一個千多呎的獨立屋要2千萬起錶,對於黃翠如來講絕對負擔得起。

戴愛情手繩

黃翠如到達大埔康樂園後把車泊在物業服務處,笑住接受記者訪問,對於蕭正楠遲遲未求婚,她笑說:「呢樣嘢你自己問番佢!」當時其右手戴住大家姐外遊時為她求的愛情手繩,可見她對愛情非常渴求。

娘家接三妹

記者見黃翠如把車停泊在康樂園物業服務處門口,即上前採訪,黃翠如聲稱是陪細妹來辦事,問到何時有婚期?她說:「冇特別都係咁!暫時都係咁!」對於有指蕭正楠好衰,遲遲未有求婚,她反應極大:「呢樣嘢你自己同佢 (蕭正楠) 講啦!」兩姊妹去完康樂園就返回位於大埔寶馬山的娘家,未幾蕭正楠收工亦由曹永廉送到屋苑門口,見他拎住盒芝士撻,看來是孝敬未來岳父岳母。蕭正楠在黃翠如娘家食埋晚飯才離開,由他揸車載住黃翠如一起返回華景山莊,返到屋企黃翠如先上樓,蕭正楠負責泊車。

𥄫中康樂園築愛巢

黃翠如這日到大埔康樂園睇樓,屋苑內的獨立屋依山而建,部分面向無敵大海景,向來深受圈中人歡迎,許冠傑、陳小春、蔡少芬及張栢芝早年已低位入貨。

蕭公子駕到

黃翠如兩姊妹睇完樓返回大埔娘家兩小時後,蕭正楠亦坐曹永廉車到達,見他拎住盒撻落車,相熟管理員亦自動波開門讓他入內。

甜蜜返家

在黃翠如娘家食完晚飯睇埋電視,蕭正楠負責揸車同女友一齊返屋企,拍拖 4 年仲話怕醜,要前後腳入大廈喎!

二人再次回應結婚一事,黃翠如將個波推畀蕭正楠,自己匆匆上樓,而蕭正楠亦笑笑口話:「唔講呢啲啦!」又係拖字訣。

黃翠如父親黃永華曾任聯旺集團(8217)行政總裁兼執行董事,16 年 4 月聯旺上市時,黃翠如曾攜蕭正楠現身道賀。

今年 2 月農曆新年,黃翠如五姊妹與父母舉家外遊,她坦言十年未試過一家七口去旅行,不過蕭正楠冇份同行。

愛情來了的《美女廚房》!黃翠如公然叫蕭正楠除衫!

蕭正楠同黃翠如打情罵俏打到上《美女廚房》,眾人梗係要食吓花生、抽吓水啦!點知不敵閃光彈,張振朗淨係企喺一邊都頂唔順,開口講笑話自己都係出番去先啦!

 

其中一幕,廚房門一打開,黃翠如攞住菜刀質問眾人:「你哋邊一個踩我!」吳卓羲立即指向蕭正楠:「佢(蕭正楠)話身材好過你。」

黃翠如即刻回應:「除衫!睇你係咪好過我!」點知,抵死嘅蕭正楠神回:「你知㗎!」真係閃到冇人有啊!!!

完美男友蕭正楠

讚還讚,成集蕭正楠讚黃翠如冇停過口,連女友切幾片薑都讚!

梗係搞到全場嘩然!

阿BOB忍唔住窒吓蕭正楠,叫佢諗吓有無嘢可以批評到黃翠如!蕭正楠即刻表示:「我見到完美!」

想做 100 分男友嘅命運係咁㗎喇!

深情對望

黃翠如喺第一輪嘅菜式獲得除咗蕭正楠以外嘅人嘅一致負評,但阿蕭喺翠如深情嘅目光下,竟然講得出:「其實好甜!」然後再Chok爆回望翠如,真係唔使加Effect都感覺到佢哋有幾Sweet啦!

愛情來了的《美女廚房》

試食咗少少,蕭正楠Man咁爆咗一句:「無人欣賞你,我欣賞你。」再嗱嗱塞晒翠如煮嘅餸落口,哇,真係感動全場!

蕭正楠真情流露黃翠如眼泛淚光

能夠搵到個願意煮飯畀自己食嘅女人,係幾咁幸福!難怪全場都係咁起哄叫佢哋快啲註冊結婚!

聽到對方幾句簡單讚美,都足以感動落淚!

「結婚!結婚!結婚!」

相信唔少粉絲都非常希望佢兩個快啲「有情人終成眷屬」,唔知幾時會聽到佢哋嘅好消息呢?

https://www.facebook.com/tvbcom/videos/207156280158088/

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..