麥明詩 林作
麥明詩 林作

麥明詩林作當年分手有內幕!疑似「第三者」介入?被背叛出軌爆喊!

影視娛樂

廣告

麥明詩日前公開新戀情,雖然坐經濟位被網民嘲Cheap,但她仍幽默反駁獲激讚。其實麥明詩同林作曾拍拖三年,期間不時被傳媒影到甜蜜拍拖,自從兩人分手後,林作與裕美就高調曬恩愛,而麥明詩則於近日才傳出與盛勁為拍拖。有不少網民都隨即翻舊聞,更指林作是麥明詩黑歷史,其實當年二人分手時,麥明詩時常觸景傷情。重溫2016年林作麥明詩二人戀情告急來龍去脈。

林作麥明詩2016年分手上封面!傳因有第三者介入?

2016年9月6日晚上十時左右,本刊曾獨家直擊麥明詩到將軍澳電視城為「2016年度香港先生選舉」做決賽綵排,期間獨自行到走廊講電話,並傷心飲泣,不時用手抹去臉上淚痕,傾咗大約半小時後才掛線入廠綵排。直至凌晨一時收工,麥明詩未有返家休息,而係駕車直駛林作位於麥當勞道嘅豪宅,甫下車,麥明詩見本刊記者仍強顏歡笑,問到剛喺TVB喊得好緊要,麥強笑說:「冇呀!OK…(感情定工作上問題?)都係壓力,各方面⋯(同男友感情點?)朋友囉!諗住叫佢拎番啲嘢俾我,但你哋喺度!」

麥明詩 林作 分手 第三者 plt 林作 麥明詩
(圖片來源:東方新地照片庫)
麥明詩 林作 分手 第三者 plt 林作 麥明詩
(圖片來源:東方新地照片庫)

麥明詩上林作屋企執嘢走

麥明詩之後上樓近一小時後才下樓,被問到林作媽媽都好想二人復合?麥明詩說:「拍拖係兩個人嘅事,都盡量唔理其他嘅嘢!(會否擔心林媽媽好傷心)我諗佢最緊要都係個仔嘅決定!(之前傳林媽媽送六千五百萬嘅單位畀你)唔係好清楚佢啲嘢,點都唔係畀我啦!佢(林作)都冇搬到!」執嘢走,仲將男友降呢為朋友,正式為「明作戀」畫上句號!

麥明詩 林作 情海翻波嘅麥明詩一見本刊記者,即強顏歡笑!
情海翻波嘅麥明詩一見本刊記者,即強顏歡笑! (圖片來源:東方新地照片庫)
麥明詩 林作 分手 第三者 plt 林作 麥明詩 收咗工,麥明詩帶住疲乏嘅身軀去林作屋企攞嘢,入𨋢後個樣愁爆!
收咗工,麥明詩帶住疲乏嘅身軀去林作屋企攞嘢,入𨋢後個樣愁爆!
(圖片來源:東方新地照片庫)

麥明詩爆喊呻迷惘

同一日,麥明詩接受《新地》Live fb訪問,期間提到同男友林作嘅關係,麥明詩表示感到好迷惘,更數度感觸落淚,當記者再問原諒咗佢(林作)未,麥明詩喊住話:「我覺得唔係話原唔原諒,件事唔係你哋睇到咁簡單!」

問到是否已同林作復合,麥明詩表示只係食lunch!至於近期有否異性追求,麥明詩笑言唔可以控制其他人做乜:

「其實我覺得人長大咗,人與人之間唔係咁清,當然唔係我想唔清晰(開始緊張,抓頭髮)⋯我驚我講到喊(手掩面)⋯唔係話可以咁清晰⋯人非草木!」

麥明詩 林作 分手 第三者 plt 麥明詩
當問到當時係咪感到好迷惘時,麥明詩直認不諱!(圖片來源:東方新地)
麥明詩 林作 分手 第三者 plt 麥明詩
「我係好迷惘!(因為林作?)其實唔係喺佢身上,因為我依家廿幾歲,好多人喺呢個位都好lost!」此時,麥明詩掩面強裝笑容,但雙眼已通紅!(圖片來源:東方新地)

提感情事落淚

麥明詩自認係一個大情大性之人,不過,佢坦言身邊人未必了解佢感受!「其實,好多事好易令我開心,但唔係人人都get到,我覺得我係有啲奇怪,我要嘅開心係佢要明白我嘅emotions,或者佢幽默感要好特殊,變咗唔係個個都氹到我開心!但唔係送花送咭能夠觸動到我!」

麥明詩 林作 分手 第三者 plt 麥明詩
編按:文末有專訪影片重溫(圖片來源:東方新地)

林作夜蒲識女仔

咁件事到底係點?當年,麥明詩忙於在深圳拍無綫劇《賭城群英會》,但同時林作就被發現與女友人Victoria夜蒲銅鑼灣,仲當街向對方「抄牌」。如此「明張目膽」,難怪Louisa即時嬲爆!據知,Louisa在深圳拍劇時已經喊足好多日,一度拒聽男友電話!

麥明詩 林作 分手 第三者 plt 林作 麥明詩 2015年林作參選區議員嗰陣麥明詩曾現身撐場,兩人更不時被影到十指緊扣拍拖,但自從爆出林作背女友同當時的新女Victoria余穎洋)夜蒲銅鑼灣後,令二人戀情告急,麥明詩更將兩人關係降呢為「朋友」!
2015年,林作參選區議員嗰陣麥明詩曾現身撐場,兩人更不時被影到十指緊扣拍拖,但自從爆出林作背女友同當時的新女Victoria(余穎洋)夜蒲銅鑼灣後,令二人戀情告急,麥明詩更將兩人關係降呢為「朋友」!
(圖片來源:東方新地照片庫)

之後,麥明詩返港與林作見面,二人去到中環一意大利餐廳,據聞,係佢哋第一次約會的地方,所以別具意義。期間,林作都誠意十足,有風度地替女友點餐,又主動幫女友搞勻飲品。誰不知食飯途中氣氛急轉直下,麥明詩突然激動喊出嚟,不斷飲泣,林作頓時嚇得不知所措,只係不斷遞紙巾給女友,不斷氹女友補鑊。

麥明詩 林作 分手 第三者 plt 林作 麥明詩 本刊當年曾收到讀者提供一批林作分别在英國、香港的爛蒲生活照,報料者稱林作在英留學期間是蒲友,經常流連酒吧夜場,回港後亦最愛蒲老蘭,爆料者話:「林作把口好氹得人,所以好受女性歡迎,雖然同麥明詩拍緊拖,不過從來無帶埋佢去玩囉!」
本刊當年曾收到讀者提供一批林作分别在英國、香港的爛蒲生活照,報料者稱林作在英留學期間是蒲友,經常流連酒吧夜場。回港後亦最愛蒲老蘭,爆料者話:「林作把口好氹得人,所以好受女性歡迎,雖然同麥明詩拍緊拖,不過從來無帶埋佢去玩囉!」(圖片來源:東方新地照片庫)

林作FB留言冧女

當時林作曾被發現不時在Victoria的FB留下曖昧字句︰「I can’t stare at this profit pic a moment longer because I fear I might fall in love with you… oh too late」(我不敢再盯著看這張相多一刻,因為我怕我會愛上你⋯⋯噢,太遲了!)男友口花又風流,麥明詩點會唔傷心!

麥明詩 林作 分手 第三者 plt 林作 麥明詩
林作曾被發現不時在Victoria的FB留下曖昧字句(圖片來源:東方新地照片庫)

原來,Victoria同林作一樣喺牛津大學法律系畢業,曾任終審法院的司法助理,當時已經係大狀。對被指「抄牌」林作聲稱純屬一場誤會,仲話其實麥明詩都認識Victoria,搵番舊相,三人的確曾在公開場合同場出現過!

麥明詩 林作 分手 第三者 plt 林作 麥明詩
(圖片來源:東方新地照片庫)

重溫當年影片

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:東方新地