麥明詩話練水有益 方力申撩上一對一技術改進 網民提議:約埋陳瀅三人游
麥明詩話練水有益 方力申撩上一對一技術改進 網民提議:約埋陳瀅三人游

麥明詩話練水有益 方力申撩上一對一技術改進 網民提議:約埋陳瀅三人游

已半淡出娛樂圈的麥明詩,最近升呢「亞視一姐」拍網劇《逐流時代》,為keep住最佳狀態食健康餐又勤做運動,她在社交網分享泳衣照,留言話游水好處多,招惹方力申搭訕問「要上改進課程嗎?」麥明詩口快快話好,有網民提議方力申搵埋陳瀅同歡暢,唔知成唔成事呢?

撰文:東方新地 圖片:麥明詩IG圖片、方力申IG圖片、myTV super截圖、無綫影片截圖

麥明詩keep fit持之以恆

29歲的麥明詩淡出娛樂圈後重投律師界,早前她請假拍攝網劇《逐流時代》,以最佳狀態演出,她曾透露keep fit方法,除了有清晰目標及恆心,一星期游水3次,隔日在屋企跟app做運動, 再配合健康飲食難怪身材長期keep住fit。

麥明詩
麥明詩自po一件頭泳照,今次冇谷胸,但奔放豪邁嘅坐姿都贏晒,網民滿心歡喜肯收貨,紛紛留言:「女神」、 「果然出水芙蓉」、「坐姿差啲,但夠型、豪」、「美腿女神」、「好fit」、「sexy」、「係咪瘦咗?」、「想同你游」等等。
麥明詩
麥明詩留言表示喜歡游泳,寧靜、孤獨、自由,游泳也有助於燃燒脂肪和良好嘅關節。

麥明詩練水後晒泳照

這日麥明詩在社交平台分享水著照,身穿黑色一件頭運動款泳衣,豪邁地腿張開,棟起一隻腳,另一隻腳就屈住坐,坐姿帶點誘人,她以英文留言「I love swimming. The tranquillity, the solitude, the freedom. (Also swimming helps burn fat and good for joints)」講出游水的好處。

麥明詩
麥明詩為拍劇減磅,務求以最佳姿態演出,日前她公開減肥大法,當中包括每星期游水三次,隔日做workout,餐單則是雞胸加雞蛋。
麥明詩
麥明詩被指進化成「女神」謝安琪,唔止愈來愈靚,仲愈來愈富貴,之前手持20萬炒價嘅Hermes 金扣舵鳥皮Mini Kelly bag同埋炒價28萬嘅特別綠Kelly bag去拍劇做「道具袋」,好架勢!

方力申快速回應

麥明詩出po不久,最叻游水的方力申好快就留言,問她「要上技術改進課程嗎?」麥明詩竟心心眼回覆:「好喔!」網民踴躍留言,表示「聽者有份」,希望可以上方力申的堂,又笑問能否學2003年無綫劇《戀愛自由式》內的招式「破冰轉身」,亦有網民指他擺明媾女,提議方力申應該叫埋之前力追的陳瀅一齊去游。

麥明詩
方力申在麥明詩的社交網極速留言:「要上技術改進課程嗎?」,難得有高手自告奮勇,麥明詩當然無任歡迎。

麥明詩話練水有益 方力申撩上一對一技術改進

麥明詩話練水有益 方力申撩上一對一技術改進

麥明詩話練水有益 方力申撩上一對一技術改進

麥明詩話練水有益 方力申撩上一對一技術改進

方力申玩交友App冇人信

方力申與Stephy分手後一直單身,經常開口想拍拖不過識唔到女仔,原來他近年有玩交友App,還以真名真照片去註冊帳號,不過就更加令人存疑,甚至被舉報搞到帳號被封鎖兩次

方力申
方力申在節目中突然自爆近年有玩交友App。
方力申
方力申同自己的真名和真照片登記玩交友App。

方力申因疫情識唔到朋友

講到為何要玩交友App,方力申表示因疫情關係,已經一年冇識過任何新朋友,自從加入了交友App,他才發現有這麼多素人在交友App活躍,感覺好新奇好得意,他更笑說:「原來香港有咁多靚人,而平時係見唔到識唔到!」

方力申
這年幾因為疫情關係,大家都長時間戴上口罩,方力申表示一年多沒有識到新朋友。
方力申
方力申表示原來香港有很多高顏值的素人,原來靚人不限於明星。

方力申承認以貌取人

向來形象都花弗的方力申,擺到明玩交友網都是為媾女,而他亦承認在交友網見到靚女才會讚好,他說過去傾過偈的兩個女仔,只有一個信他是方力申,不過所傾的話題都很悶,有點像平常的訪問。

方力申
方力申話只會對靚女讚好,坐在他身旁的杜德偉即狂笑!
方力申
方力申希望遇到一段認真的關係,深信過去只是不當的時間遇到合適的人。

陳瀅指不介意主動追求方力申

方力申曾在節目《Tiger’s Talk》上直言分手後四年來一直單身,同場嘉賓陳瀅即踢爆方力申媾過佢,曾約單獨食飯,搞到方力申勁尷尬,之後樂易玲更大爆方力申於情人節送過花給陳瀅,而自己亦有收到方力申的花,但相信自己只是「煙幕」。陳瀅提及自己不介意主動追求,若自己遇上「好鍾意」的人會做主動,她笑指「知道小方條件很好,但只係好好,唔係鍾意」。

方力申
方力申、唐詩詠及陳瀅在清談節目《Tiger’s Talk》任嘉賓,互相爆料。
方力申
方力申在節目指自己分手後一直未有新戀情,因為大家會以為同佢一齊便要「埋單」一定要結婚生仔,可能因此而令女仔卻步。

方力申約女次數:一隻手數到晒!

方力申呻爆冇拖拍,阿Bob話方力申好少與異性單獨約會,所以錯失不少姻緣,方力申解釋:「因為喺我出道嗰個年代好多狗仔隊,慣咗收埋自己,所以我人生同單身而又有機會發展嘅女仔係好少,一隻手數得晒。」

方力申
方力申話阿Bob曾為他介紹女仔,但一個係剛喪夫一個係剛離婚,阿Bob話方力申想要後生女,方力申坦言:「因為都想生小朋友,我係大仔有壓力呀﹗」
方力申
方力申又話過去拍拖,冇一個女仔同佢傾到結婚問題,被阿Bob追問:「上一段嗰個都冇?」小方立即口窒窒答:「最後先做咪冇用囉﹗」在旁的唐詩詠即笑方力申自己設陷阱畀自己踩﹗

爆方力申屎橋媾女法

方力申話自己甚少約女單獨出街,陳瀅立即玩踢爆:「佢(指方力申)有約過我,有一日突然問我可唔可以同佢單獨食飯,但後來冇發生到嘅,事緣因為疫情我由溫哥華返嚟,佢怕我悶就叫我打電話畀個星座專家,個星座師傅話我2023、24年會同個點樣點樣嘅男仔結婚,個男仔係屬猴嘅,之後我打番畀小方,同佢講個師傅同我講咗啲乜,佢話個師傅又係咁同佢講,佢又咁啱係屬猴嘅,所以懷疑佢畀咗錢個師傅。」陳瀅踢爆方力申曾對她有意,更暗笑方力申的屎橋媾女法未能成事﹗

方力申
陳瀅話自己過去唔知自己想要甚麼類型男仔,所以一直在找尋。
方力申
陳瀅突然自爆自己ready結婚,遇合適唔介意做主動,隨後立向方力申伸手,又除下自己戒指遞給方力申,示意為自己戴上,當眾「逼婚」。

陳瀅評小方:除咗心地好我諗唔到啲咩!

陳瀅被伍姑娘大逼供係咪專釣金龜?陳瀅直言過去拖友富貴同冇錢都有,又豪言:「其實我自己搵到錢嘅﹗」方力申又笑指陳瀅一定飛人居多,陳瀅一臉認真話:「上一段感情我係被人飛嘅﹗」主持又問陳瀅鍾意咩類型男仔?陳瀅即指住方力申,大讚佢心地好:「我成日都媾佢㗎,你哋唔信咩?我覺得佢真係好男仔,心地好,不過心地好之外諗唔到啲咩﹗」

方力申
主持伍姑娘和阿Bob起哄叫方力申為陳瀅戴戒指,唐詩詠又叫方力申大膽啲,不過小方唔就範,笑住一手撥開陳瀅隻手。
方力申
大家笑方力申冇膽,方力申話:「佢(指陳瀅)有咩唔好呢,就係唔知幾時講真幾時講假﹗」

陳瀅逼方力申當眾「求婚」

陳瀅爆曾被方力申追求,方力申已經相當尷尬,進擊的陳瀅情緒卻愈來愈高漲,表現勁high,話現在心態已經ready結婚,若遇到心儀對象會主動出擊,隨即將自己手上的戒指除下遞給方力申,阿Bob和伍姑娘起哄:「嚟啦,隻手伸咗出嚟,戒指呀,戴上去啦﹗」方力申呆坐唔識畀反應,陳瀅硬把戒指塞畀方力申:「戒指畀埋你,唔使買呀﹗」方力申拍落陳瀅隻手度,並拎住戒指戴上自己尾指,唔中陳瀅的圈套未有為她戴上戒指。

方力申
唐詩詠識趣起身同方力申調位,方力申勁尷尬,陳瀅情緒異常高漲,不停拍打又捽方力申手臂。
方力申
陳瀅不停狂笑勁hyper,被阿Bob笑佢演技一流,伍姑娘笑謂係真表現,繼續努力撮合二人。

陳瀅主動「合巹交杯」

坐在方力申同陳瀅中間的唐詩詠聯同阿Bob、伍姑娘玩嘢起身走人,笑言留給二人相處機會,方力申尷尬地飲紅酒遮醜,陳瀅便愈來愈興奮,不停拍打又捽方力申手臂,然後拎起紅酒,主動翹實方力申隻手玩「合巹交杯」,方力申嚇到呆咗,最後又玩埋拋花球,陳瀅最為盡興﹗

方力申
最後阿Bob同伍姑娘、唐詩詠起身走人,伍姑娘更笑言將時間交畀方生方太,方力申尷尬到飲紅酒。

借糖妹做煙幕媾陳瀅

方力申同陳瀅三年前曾傳緋聞,被影到結伴到蘭桂坊,有指是糖妹做媒人,有指當時陳瀅剛與賭王仔猷亨分手,而去年有傳陳瀅同賭王仔猷亨復合,更一連兩日現身賭王葬禮上,看來方力申今次又係無米粥﹗

方力申
點知笑唔停的陳瀅一手翹落方力申隻手度,大玩合巹交杯,小方嚇到呆在當場,陳瀅繼續放聲狂笑。

最新吃喝玩樂資訊